రచన,స్వరకల్పన&గానం:రాఖీ

అవతారమెత్తుతాడు చక్రధారి
అవనీతలానా దనుజవైరి  శ్రీహరి
దుర్జనులను నిర్జించగ-దుష్కృతాలు హరియించగ
వినతులు వింటాడు-వెంటనే ఆదుకొంటాడు
కొలువుదీరి ఉంటాడు-కలియుగవైకుంఠమైన
వేంకటాద్రి శిఖరానా
గోవిందా గోవిందా గోవిందా గోవిందా

1.నదులవరదగొనితెచ్చి-పాపుల ముంచేయును
సుడిగాలిఒడిజేర్చి-కౄరుల పరిమార్చును
అగ్నిశిఖల పడద్రోసి-దూర్తుల దహియించును
పంచభూత ప్రళయాలతో-పతితుల పరిమార్చును

1.పిడుగుపాటు కలుగజేసి-నిహతులవగజేస్తాడు నికృష్టులను
భూకంపాల భీభత్సాన-మట్టుబెట్టి మట్టికప్పు త్రాష్టులను
ఏమానవుడిగానో ఉసురుదీసి-మసిజేయును కామోన్మాదులను
పంచభూత ప్రళయాలతో-పతితుల పరిమార్చును