మనసుడికిపోతోంది గాలి నిను తాకినా

మంటెక్కిపోతోంది సూర్యరశ్మి సోకినా

సామ్రాజ్యం నాదెవరో ఆక్రమించినట్టుగా

నాదైన నిధినెవరో దోచుకున్నట్టుగా

నువ్వు నా సొంతమే జీవితాంతం

నిన్ను వదిలి మనలేను లిప్తపాటు కాలం

1.స్వార్థపరుడనైతే అవనీ నీపై ఈగ వాలనివ్వను

సంకుచితుడనైతేనేమి నీ ముసుగు జార నివ్వను

అపురూపమైన అతివ నీవని- 

బహుమతిచ్చాడు నాకు బ్రహ్మదేవుడు

అనిర్వచనీయమైన ప్రేమ నాదని-

 దారపోసాడు నిన్ను కమలాసనుడు

నువ్వు నా సొంతమే జీవితాంతం

నిన్ను వదిలి మనలేను లిప్తపాటు కాలం

2.నేను కాక పరులెవరు నిన్ను ముట్టకూడదు

నాపై దప్ప ఇతరులపై నీ దృష్టి పెట్టకూడదు

ప్రాణంకన్నా మిన్నగా దైవంకన్న భక్తిగా

నిన్ను చూసుకుంటాను ఎన్నిజన్మలైనా

కంటికి రెప్పలాగ కాలికి చెప్పులాగ

నిన్ను కాచుకుంటాను నమ్మవే ఇకనైనా

నువ్వు నా సొంతమే జీవితాంతం

నిన్ను వదిలి మనలేను లిప్తపాటు కాలం