పూలలో నీవే…పాలలో నీవే

ఏ వేళలోనైనా నా మదిలొ మెదిలేవే

ఉదయాన నీవే నిశిలోను నీవే

ఎప్పుడూ సడిచేస్తూ నా హృదయమైనావే

1.నీకు నువ్వు మామూలే 

నాకు అద్భుతం నీవేలే

నీకు నేను ఎందరిలానో

ఏకైక సుందరి నాకీవే

పలకరింపుకోసం పడిగాపులు కాచేను

చిన్న నవ్వుకోసం బ్రతుకంతా వేచేను

2.నువ్వు ఎదురయ్యే సందర్భం

నాకది దీపావళి పర్వదినం

నీవద్ద గడిచిన సమయం

అపురూపమానందమయం

మళ్ళీమళ్ళీ నీ సన్నిధినే నే కోరుకుంటాను

ఎన్నిజన్మలెత్తినగాని నీకొరకే పుడుతుంటాను