Tuesday, January 2, 2018

అలాగేకాని ప్రభూ అలాగేకానీ
ఇలా వేధించడం నీకిష్టమైతే
అలాగేకానీ అలాగేకానీ
జాలిమానిన కర్కషుడిలా
కరుణనెరుగని రాక్షసుడిలా
ఇలా హింసించడం నీకిష్టమైతే
అలాగే కానీ అలాగే కానీ

1.దయగలిగిన దాఖలాయే ఎరుకలోన లేనే లేదు
పసితనాన సైతం కనికరించిందిలేదు
పుట్టిబుద్దెరిగేనాడు సుఖపడ్డ రోజేలేదు
నీసృష్టిలోపాన్ని సవరించు సోయేలేదు
అలాగేకాని ప్రభూ అలాగేకానీ
ఇలావంచించడం నీకిష్టమైతే
అలాగే కానీ అలాగే కానీ

2.వింతవింత వ్యాధులన్ని అంటగట్టిఆనందిస్తావ్
భరించరాని వెతలలొ నెట్టి పదేపదే చోద్యం చూస్తావ్
సూదిపోట్లు గుచ్చిగుచ్చి వాయిదాల్లొ చంపేస్తావు
భూతలాన వెదికితె దొరకని కౄరమైన శిక్షలువేస్తావ్
అలాగే కాని ప్రభూ అలాగే కానీ
ఇలా నేఅఘోరించడం నీ తత్వమైతే
అలాగే కానీ అలాగే కానీ