https://youtu.be/xGECPtJF4t8?si=O0tx8R0JrayiFolD

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:శివరంజని

పాటే ఊపిరైన గళం
నింపుతుంది ప్రతి మదిలో పరిమళం
లయతొ లయమైన హృదయం
తలపింపజేస్తుంది జగమే రసమయం
ఎలుగెత్తుతూ పాటందుకో విశ్వవ్యాప్తమయ్యేలా
విన్నవారంతా విస్తుపోగా నీవే పాటైపొయ్యేలా

1.సాధనతో సాధ్యమే లలిత కళలలో కొన్ని
అభ్యసించగా లభ్యమవుతాయి మరికొన్ని
దైవదత్తమే నేస్తమా గాత్ర సుధా మధురిమ
కాలరాస్తే చోద్యమే వరమైన గానపు గరిమ

ఎలుగెత్తుతూ పాటందుకో విశ్వవ్యాప్తమయ్యేలా
విన్నవారంతా విస్తుపోగా నీవే పాటైపొయ్యేలా

2.ఉన్నప్పుడు విలువ నెరుగరు లోక సహజమే
జన్మలెత్తినా దొరకదని మదికెక్కబోదు అది నిజమే
అందుకే చెబుతున్నా అంజలించి గాయక రత్నమా
చేజార్చకు ఏ అవకాశం నెరవేరలేని నా స్వప్నమా

ఎలుగెత్తుతూ పాటందుకో విశ్వవ్యాప్తమయ్యేలా
విన్నవారంతా విస్తుపోగా నీవే పాటైపొయ్యేలా

 

https://youtu.be/LlMoIEBoV6c?si=w65WvveeZVTLrY9A

శ్రీ తులసి జయ తులసీ కళ్యాణ తులసీ

రామ తులసి కృష్ణ తులసి శుభలక్ష్మీ తులసి

ఆరోగ్య తులసి సౌభాగ్య తులసి మోక్షతులసి

మంగళా హారతులు గొనవే మా ఇంటితులసి

1.అనుదినము శ్రద్ధాగాను నీకు పూజలు సేతుము

కార్తీక మాసమందున భక్తితోను నిన్ను గొలుతుము

ప్రతి ఏటా కృష్ణమూర్తితొ నీ పరిణయ మొనరింతుము

బంధు మిత్రులమందరం కనువిందుగాను చూచి ధన్యత నొందెదము

2.అష్టభార్యల ఇష్ట సఖుడు వరుడు గోపీకృష్ణుడు

ప్రేమతో ఆరాధించిన నీకు నిరతము వశ్యుడు

తూచగలిగిన సాధ్వివే నీవు తులాభారమందున

పుత్రపౌత్రుల వంశాభివృద్ధికి -దీవించు ఈశుభ లగ్నమందున

బాలల గేయం-4

తాతయ్యకు నేనే 

ఊతకర్ర నవుతా

నానమ్మకు నేనే

నడుంనొప్పి తగ్గిస్తా

అమ్మమ్మకు నేనో 

ఆటబొమ్మ నవుతా

ఇంటిల్లి పాదికి నేనే 

ఇష్ట దేవత నవుతా

1.సెల్ ఫోన్ నేర్పించే

గురువు నవుతా

టి వి రిమోట్ అందించే

పరుగు నవుతా

2.కథలు చెప్పమంటూ

చెవిలో ఊదర గొడతా

చిన్ని చిన్ని తాయిలాలకై

రోజూ నేను నసపెడతా

 https://youtu.be/dFOe3-Hd-iE?si=S4Hk15cQZx4W1jfg

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:నట భైరవి

ఇంటికి దీపం ఇల్లాలు అలనాడు

ఇలకే వెలుగిస్తోంది ఇంతి ఈనాడు

గృహమును చక్కదిద్దు ఒద్దిక-గృహిణికి ఆభరణం- ఒకనాడు

ఉద్యోగినిగానూ సవ్యసాచి సుదతికి నిత్యం- రణమూ గెలుపూ నేడు

1.లేచింది మొదలుగా పాచివదలగొడుతుంది

ఇంటిల్లి పాదికీ టీ టిఫిన్లు చేసి నోటికందిస్తుంది

వండి వార్చి లంచ్ బాక్స్ బ్యాగుల్లో సర్దిపెడుతుంది

అందరు వేళకేగులాగు పరుగిలిడి తను బస్సుపడుతుంది.

2.మగచూపులు తాకుళ్ళు వత్తిళ్ళు తట్టుకొంటుంది

ఆఫీసు బాసుకు అలుసవకుండా పనినెత్తుకుంటుంది

సహోద్యోగి అతిచొరవకు తప్పుకొంటు తిరిగుతుంది

నొప్పింపక తానొవ్వక నేర్పుగ ఓర్పుగ వృత్తి నెట్టుకొస్తుంది.

3.ఆర్థికంగ భర్తకెంతొ చేదోడు వాదోడౌతుంది

అత్తామామల మాటదాటక తల్లో నాలుకౌతుంది

సవాళ్ళెన్ని ఎదురైనా నవ్వుతు సగబెడుతుంది

షట్కర్మయుక్తను మరపించి సర్వకర్తగా అవతరించింది

4.కవన గాన కళారంగాలలో కలికి ప్రతిభ అపారము

కమ్ముకునే నిత్యాకృత్యాలతో అభిరుచికే అంధకారము

పాక్షికంగానో సమూలంగానో ప్రవృత్తి పట్ల నిర్వికారము

మగువా నీ మనుగడయే ఒడిదుడుకుల సమాహారము

 

https://youtu.be/lpRxM0douc8?si=BGqFV6eZhbReQXVX

రాగం:శ్రీ రాగం

నీరాజనమిదె నీకు శ్రీ సత్య నారాయణా

నిజరూప దర్శనమీయి మాకు నిత్యపారాయణా

నిన్ను నమ్మి వేడుకుంటే బ్రతుకంతా వేడుకలు

నీ పాటలు పాడుకుంటే పరమానంద డోలికలు

1.ఓపలేము ఓ స్వామి భవతాప కీలలు

ఎడబాపవేమి మా ఇడుములు చూపగ నీ లీలలు

గొల్లలను బ్రోచావు మహరాజును కాచావు

వైశ్యులను ఆదుకున్నావు విప్రుడిని చేదుకున్నావు

నిన్ను నమ్మి వేడుకుంటే బ్రతుకంతా వేడుకలు

నీ పాటలు పాడుకుంటే పరమానంద డోలికలు

2.వైభోగ భాగ్యాలను కురియజేయి మాఇంటా

ఆయురారోగ్యాల ప్రసాదించమని శరణంటా

ఎన్నడూ ఎవ్వరితోనూ  రానీయకు ఏ తంటా

పండించవయ్యా పరంధామా మా కలలుపంట

నిన్ను నమ్మి వేడుకుంటే బ్రతుకంతా వేడుకలు

నీ పాటలు పాడుకుంటే పరమానంద డోలికలు

మేమంతా మీకోసం-మీ సేవలే మా వికాసం

మీ బాధలు తొలగించే నిజమైన నేస్తాలం

అత్యుత్తమ చికిత్స  మా ఓనస్ హాస్పిటల్స్ ధ్యేయం

అధునాతన రోబోటిక్ ప్రత్యేక వైద్యవిధాలన్నీ మాకే సొంతం

మీ యోగక్షేమం  ఆరోగ్యం మా ప్రథమ ప్రాథమ్యం

1.చిన్న చిన్న నలతలన్నీ చిటికెలోనె మటుమాయం

దీర్ఘరోగమైనా పూర్తిగ మానుట మా దవాఖానలో ఖాయం

మొండివ్యాధులైనా  నయం చేయుటే మా లక్ష్యం

రేయీ పగలు ఏడాదంతా మీకండదండగ ఉంటాం

కన్నవారిలాగా చూసుకుంటాం కంటికి రెప్పలాగా మిము కాచుకుంటాం

2.ఆరితేరిన వైద్యులతో అందుబాటులో పర్ ఫెక్ట్ ట్రీట్ మెంట్

అనుక్షణం నవ్వుతూ సేవలందించే మా నర్సింగ్ హార్ట్ ఫుల్ సప్పోర్ట్

వాణిజ్యకోణం లేని సరమైన రుసుములతో సర్వీసే మా కమిట్ మెంట్

ఆదుర్దాతో అడుగిడినా ఆనందంతో ఇల్లుచేరగలడు మా పేషంట్

రోగాల పనిపడతాం సమూలంగా-మామూలైపోతారు రోగలు మా మూలంగా

 https://youtu.be/AA8pAdFlh1c?si=CBEsSWbWxtm9ay60

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:అభేరి(భీంపలాస్)

జగమంతా ఎరిగినది అష్టలక్ష్ములని

మరవకండి పతులారా మహితులా నవమలక్ష్మిని

నిత్యం కంటిముందు నడయాడే మన ఇంటి లక్ష్మిని,గృహలక్ష్మిని

ఆదరించండి ఆరాధించండి అనవరతం మీ అనురాగం పంచండి

లాలించండి సేవించండి చండీలక్ష్మిగా భావించండి

1.చిరునవ్వుతొ స్వాగతించే తాను చిన్మయ లక్ష్మి ఒద్దికగా ఇల్లు చక్కదిద్ధే తానే పరిశుభ్ర లక్ష్మి

కమ్మగ వండీ వడ్డించి కడుపు నింపే తాను మాతృలక్ష్మి

అలసినవేళలో సేదదీర్చి సేవలందిస్తుందీ  దాస్యలక్ష్మి,శృంగార లక్ష్మి

ఆదరించండి ఆరాధించండి అనవరతం మీ అనురాగం పంచండి

లాలించండి సేవించండి చండీలక్ష్మిగా భావించండి

2.చిక్కులు ఎదురైతే మనపక్కన నిలబడే స్నేహ లక్ష్మి

మిక్కిలి గుట్టుగా ఒడుపుగా సంసారనావ నడుపు సాహసలక్ష్మి

పరువు మర్యాదలు పదిలంగా కాపాడే పావన లక్ష్మి

జీవితాన అడుగిడి జీవితంతొ ముడిముడి జీవితమే తానయే జీవనలక్ష్మి

ఆదరించండి ఆరాధించండి అనవరతం మీ అనురాగం పంచండి

లాలించండి సేవించండి చండీలక్ష్మిగా భావించండి

 https://youtu.be/95Z1EcypWk4

రచన,స్వరకల్పన&గానం:డా.గొల్లపెల్లి రాంకిషన్ రాఖీ

చేయి సాచనీయకమ్మ పరులముందు చెంచులక్ష్మీ

అప్పుల పాల్జేయకమ్మ ఎప్పటికీ మము ఆదిలక్ష్మీ

ధనవర్షమె కురియనీ మా ఇంటలో ధన లక్ష్మీ

కోరిన వరములొసగవమ్మా జననీ వర లక్ష్మీ

హారతి నీకిదే శ్రావణ శుభవేళ శ్రీ లక్ష్మీ

మంగళహారతిదే శుక్రవార వ్రతవేళ శ్రీ మహాలక్ష్మీ

1.పదిమందికి కడుపునింపు పాడిపంటలొసగవే ధాన్యలక్ష్మీ

ఎద ఎదలో వెలుగు నింపు చదువు నేర్పు ఎల్లరకు విద్యాలక్ష్మీ

పిల్లా పాపలతో చల్లగ వర్ధిల్లగా దీవించవే సంతాన లక్ష్మీ

కృషికి తగిన ఫలితమీయి విష్ణుపత్నీ విజయలక్ష్మీ

హారతి నీకిదే శ్రావణ శుభవేళ శ్రీ లక్ష్మీ

మంగళహారతిదే శుక్రవార వ్రతవేళ శ్రీ మహాలక్ష్మీ

2.రుజలను ఎడబాపవే నిజముగా జయ గజలక్ష్మీ

ఇడుములందు సత్తువనే సడలనీయకమ్మా ధైర్యలక్ష్మీ

ఉన్నంతలొ సంతృప్తిగ జీవించెడి బ్రతుకునీయి వైభవలక్ష్మీ

ఆయువున్నంత వరకు ఐదోతనమునే ప్రసాదించవే భాగ్యలక్ష్మీ సౌభాగ్యలక్ష్మీ

 https://youtu.be/oHzB1XUCSE8

రచన,స్వరకల్పన&గానం:డా.గొల్లపెల్లి రాంకిషన్ రాఖీ

ఎర్రకోట మీద -ఎగురుతోంది -

త్రివర్ణపతాకం

నీలి నింగికే వన్నెల తలమానికం

దేశమంటే మనుషులేనని తలపోసే మాప్రజానీకం

జైహింద్ అను నినాదమే- మా -దేశభక్తిఉత్ప్రేరకం

జైహింద్ జైహింద్ జైహింద్

1.జననీ జన్మభూమి మేము నమ్మే దైవాలు

విశ్వజనీనమైన ప్రేమకలిగినవి మా భావాలు

శత్రువుకెన్నడు వెన్నుచూపనివి మా ధైర్యసాహసాలు

శాంతి సహనం ఔదార్యాలు మా భారతీయుల ఆనవాలు

జైహింద్ జైహింద్ జైహింద్

2.ప్రపంచాన్ని శాసించే వారూ మా మేధస్సు ఫిదాలే

కీలక పదవుల నలరించింది విశ్వవ్యాప్తంగ మా వారే

దేశం మాకేమిచ్చిందంటూ వాపోబోని మా పనితీరే

ప్రాణము సైతం దారపోయుటకు మేమెపుడూ తయారే

జైహింద్ జైహింద్ జైహింద్

 https://youtu.be/ZhyICRqpHAE

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:ధర్మవతి

వనదేవతలారా మీకు వందనాలు

పావన దేవతలారా మీకు పసుపు కుంకాలు

జన దేవతలారా మీకివే పబ్బతులు

గిరిజన దేవతలారా అందుకోండి చేజోతలు

నమ్మి వచ్చినాము మిమ్ము సమ్మక్కా సారలమ్మ

మేడారం అడవిలో మీరు గద్దెకు రావడమే

ఆ వేడుక చూడడమే మాకు సంబరమమ్మా

1.పొలాసలో పుట్టవద్ద పాపగా కనిపించావు

సమ్మక్కా మేడరాజు ఆడపడచుగా ఎదిగినావు

పడిగిద్దరాజుకు ఇల్లాలివై ఇలలో వెలుగొందినావు

సారలమ్మ నాగమ్మ జంపన్నల సంతతిగా పొందినావు

నమ్మి వచ్చినాము మిమ్ము సమ్మక్కా సారలమ్మ

మేడారం అడవిలో మీరు గద్దెకు రావడమే

ఆ వేడుక చూడడమే మాకు సంబరమమ్మా

2.ధీర వనితగా అవనిలో పేరుపొందినావు

నీ హస్తవాసితో రోగ గ్రస్తులకు నయంచేసినావు

కాకతి రాజులకు ఎదురొడ్డి పోరు సలిపినావు

నడయాడే దేవతగా పూజలు గొనుచున్నావు

నమ్మి వచ్చినాము మిమ్ము సమ్మక్కా సారలమ్మ

మేడారం అడవిలో మీరు గద్దెకు రావడమే

ఆ వేడుక చూడడమే మాకు సంబరమమ్మా

https://youtu.be/OzroP1fwqxQ

 *నేడు నా శ్రీమతి గీత పుట్టిన రోజు సందర్భంగా…*

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:ఖరహరప్రియ

ఏ బహుమతి నీకీయను ప్రియమైన శ్రీమతి

నువు పుట్టిన ఈరోజున ఆయోమయం నామతి

నాదంటూ ఏ ముందనీ- ఎరుగవా నా సంగతి

మరులన్నీ ఏర్చికూర్చి అర్పస్తా నీకై…నే నీగీతి

హ్యాపీ బర్త్ డే టూయూ మై డియర్ గీతా…

విష్యూ హ్యాపీ బర్త్ డే టూయూ

1.తొలి చూపులోనే ఐనాను నీ కంకితం

కోరి చేసుకున్నాను నిన్నే నా హృదయగతం

ముడివేసుకున్నాను విడివడని ఆత్మబంధం

ఇరువురు కుమరులతో మనది నిత్యానందం

హ్యాపీ బర్త్ డే టూయూ మై డియర్ గీతా…

విష్యూ హ్యాపీ బర్త్ డే టూయూ

2.స్వర్గంలోనే జరిగిందిగా మన వివాహం

రోజు రోజుకీ పెరిగిపోతోంది నీ పై మోహం

జన్మలేడు ఎత్తినా జవరాలా నీవే నా జత

నవరసభరితం ఏనాటికీ మన ప్రేమ చరిత

హ్యాపీ బర్త్ డే టూయూ మై డియర్ గీతా…

విష్యూ హ్యాపీ బర్త్ డే టూయూ

 https://youtu.be/DZ0cqhM96SY

రచన,స్వరకల్పన&గానం:డా.గొల్లపెల్లి రాంకిషన్ రాఖీ

సభ్య సమాజానికిది అయ్యో సిగ్గుచేటు

మానవీయ విలువలకు గొడ్డలి వ్రేటు

మహిళల మనుగడకే ఎంతటి చేటు

మణిపూర్ మగువలపై దాష్టీకం గగుర్పాటు

1.రాతియుగంలో సైతం నాతికి రక్షణ ఉంది

రావణరాజ్యంలోనూ వనితకు విలువుంది

అతి హేయం దారుణ సంఘటన మనసు కలచివేస్తోంది

నీచాతినీచం  నికృష్టపు దమనకాండ మెదడు తొలిచి వేస్తోంది

2.మదమెక్కిన మైథీలు బరితెగించిన వైనం

కుక్కీలను కుత్సితంగ నలిపేసిన మారణం

హత్యలు అత్యాచారాలే సహించలేని పాశవికం

వివస్త్రలుగా ఊరేగిస్తే విస్తుపోయిన నాగరీకం

3.న్యాయం చతికిలబడితే మృగత్వం పెట్రేగుతుంది

 చట్టం ఏమారితే నేరం కౄరంగా చెలరేగుతుంది

కృత్రిమ మేధయే వికసించు వేళ ఘోర వైపరీత్యం

నరజాతే తలవంచుకుని నగుబాటైన దృష్కృత్యం

 

https://youtu.be/02zWC6n-_xk

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:మాండు

ఒకవంకా శ్రీదేవి ఒకవంకా భూదేవి

ఇంక నీకు వంకేది తిరుపతి వెంకన్నా

పండేందుకు పాముంది పయనానికి పక్షుంది

ఇగనీకు బెంగేది  మా అయ్యా శీనయ్యా

వంకలు బెంగలు చింతలు చీ కాకులు 

అన్నీమా వంతేనాయే  

ధరమప్రభువా నీకిది న్యాయమేనయ్యా

1.నీ మకామేమో అల వైకుంఠపురము

నువ్వు తేలితేలియాడగ పాల సంద్రము

వందిమాగధులే సామి ముక్కోటి దేవతలు

వైభోగమేమందు వర్ణించగా వేలాయే నా కవితలు

2.ఓపిక సచ్చినా ఒరంగల్లు రాదాయే

నిన్నెంత మొక్కినా సామి నీ దయ రాదాయే

ఈ జన్మకింతేనా ఈశుడా మా వెంకటేశుడా

మా బతుకంతా వెతలేనా అండగ నీవుండా

శతవసంతాల జయంత్యుత్సవం

స్మృతి పథాన మీ జీవన విధానం

పర్వదినమే ఏనాడు మీ జన్మదినం

మరపురానివి మీ ప్రేమా అభిమానం

నమస్సులు మీకివే రంగాచార్య తాతగారు

మీ ఆశీస్సులే మా ఉన్నితికి దివ్యవరాలు

1.భద్రాచల రామ చంద్రుని ఆరాధకులు

శ్రీ వైష్ణవ సాంప్రదాయ నిత్యార్చకులు

నృసింహోపాసనలో సదానందులైనారు

శ్రీమన్నారాయణుడిలో ఐక్యమొందినారు

2.పదిమందిని ఆదరించి ప్రేమని పంచారు

అన్నార్తులు ఎదురైతే కడుపునింపి పంపారు

నరునిలో సైతం శ్రీ హరిని దర్శించారు

పొడిచేటి వంశపు పొద్దు పొడుపు మీరు

పొడిచేటి వంశపు తలమానికమైనారు

 https://youtu.be/qJjg4gKVlkM

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:భీంపలాస్

చదువరులకు వరమొసగే దేవాలయం

జిజ్ఞాసుల తృష్ణదీర్చు క్షీరసాగరం

పఠనాసక్తులకూ పుస్తక ఘన భండారం

అపార విజ్ఞాన రాశులకిది నిలయం

గ్రంధాలయం గ్రంథాలయం గ్రంథాలయం గ్రంథాలయం

1.గ్రంథాలయ తొలి ఉద్యమాన్ని సాగించాడు

కొమర్రాజు లక్ష్మణరావు లక్ష్యాన్ని సాధించాడు

భారత స్వాతంత్ర్య సంగ్రామ ఊతంగా మలిచాడు

తెలంగాణ సాయుధ పోరుకు ఇంధనమందించాడు

బహుళార్థ సాధకమై అందరికీ అందుబాటులో లైబ్రరీల సమయం

గ్రంధాలయం గ్రంథాలయం గ్రంథాలయం గ్రంథాలయం

2.నిశ్శబ్దం రాజ్యమేలు ప్రశాంత దివ్య లోకం

పాఠకులందరూ పుస్తకాలతో ఔతారు మమేకం

వేలాది పుస్తకాలు పలుభాషలలో ఇట ఉపలభ్యం

దినవార మాసాది పత్రికలూ చదువుకొనే సౌలభ్యం

కావ్యాలు ప్రబంధాలు విజ్ఞాన గ్రంథాలు

పురాణేతి హాసాలకాలవాలం

గ్రంధాలయం గ్రంథాలయం గ్రంథాలయం గ్రంథాలయం

 

https://youtu.be/RVeeUcgKvUM?si=WDPZ_KphFJW3RBdf

రచన,స్వరకల్పన&గానం:డా.గొల్లపెల్లి రాంకిషన్ రాఖీ

బడిరాజ్యం నీదే 

ఏలుబడి చేయగా రావదేఁ

ఉపాధ్యాయ నేస్తమా …

అమ్మ ఒడిలా విద్యార్థుల ఆదరించవేమదేఁ

1.కౌశిక మునివర్యుని కౌశల్యము నీవు 

సాందీప గురువర్యుని సారూప్యత నీవు

సర్వేపల్లి రాధాకృష్ణ సమతుల్యుడవు

అబ్దుల్ కలాం గారి నిజ వారసుడవు

నీతికి నియతికి నిర్దేశకుడవు 

జాతికి నీవే ఆదర్శ ప్రాయుడవు

గుర్తెరుగూ నీలోని నిబిడీకృత మేధా శక్తిని

ప్రజ్వలింపజేయుమిక నీ శిష్యుల జ్ఞాన దీప్తిని

2.పదోన్నతుల నెన్నడు ఆశించబోవు

అక్రమార్జనమాట అసలే ఎరుగవు

తరిగిపోని చెరిగిపోని విద్యాసంపద నీ సొత్తు

ఏ ప్రభుతా గ్రహించదు దేశప్రగతిలో నీ మహత్తు

పేద విద్యార్థులకు పెన్నిధినీవు

బదిలీలెన్నైనా ప్రతిచోటా ఆప్తుడవు

దేశాధినేతలైన నీ పూర్వ విద్యార్థులే

ఘన శాస్త్రవేత్తలైన నీ కృపా పాత్రులే…

శుభాకాంక్షలందుకో విద్యా దాన కర్ణుడా

శుభాభినందనలివే సర్వ మానవ శ్రేష్ఠుడా

 https://youtu.be/cI6Tuol9BfU

రచన,స్వరకల్పన&గానం:డా.గొల్లపెల్లి రాంకిషన్ రాఖీ

ఇది బ్రహ్మ గర్జన - బ్రాహ్మణ జన గర్జన

 లోకాః సమస్తా స్సుఖినోభవంతు యని

సర్వదా కోరుకునే ద్విజులందరి ఆత్మీయ సమ్మేళన

వేద ధర్మ పరిరక్షణ నిజ హక్కుల ప్రకటన

పరిపాలనలో సైతం తగు భాగ స్వామ్య సాధన

1.ఇదం బ్రాహ్మం ఇదం క్షాత్రం పరశురామ ప్రతీకలం

అర్థశాస్త్ర కోవిద చాణక్యుడి వంశ వారసులం

తిరు కోవెలలోన స్వామి అర్చకులం దైవ సేవకులం

సంస్కృతీ సదాచార సాంప్రదాయ పరిపోషకులం

బ్రాహ్మణో మమ దేవతా అన్న మాధవుడి భక్తులం

నిత్య గాయత్రీ మంత్ర జపానుష్ఠాన అనురక్తులం

2.అగ్రకులం అన్నది అపప్రథేగాని నిరుపేదలమే అధికులం

నరుడే హరుడని వ్యవహరించే విశ్వమానవ ప్రేమికులం

దాన ధర్మాల విలువనెరిగియున్న సమైక్య భావుకులం

మీన మేషాలు లెక్కించి ప్రజా శ్రేయస్సు కాంక్షించే జ్యోతిష్కులం

దేశాన్ని ఏల గలుగు సత్తా గలిగిన సహజ నాయకులం

ఒక్క మాటపై నిలిచి ఒక్కబాటలో నడిచే లక్ష్య పథికులం

 https://youtu.be/pj0PfkC_LFI

రచన,స్వరకల్పన&గానం:డా.గొల్లపెల్లి రాంకిషన్ రాఖీ

 నీవుంటే కలకలం

నీవెంటే నా కలం

ఎంత మధురమో నీగళం

అది అనవరతం పూర్ణ సుధాకలశం

1. సెలయేరు నీపాటలో 

పరవళ్ళు తొక్కుతుంది

చిరుగాలి నీ పాటతో

మత్తెక్క వీస్తుంది

నీవున్న చోటనే నందనవనం

నీ స్నేహబాటనే బృందావనం

2. కొడిగట్టే దీపానికి

ఊపిరయే చమురే నీవు

ఆశలుడుగు జీవితానికి

ఎదురయే వరమే నీవు

ఏడడుగులు చాలవే నీతో సావాసం

ఏడు జన్మల నీ సహచర్యం

కడు మాధుర్యం

 https://youtu.be/cEaBZA7CaHA

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:హంస ధ్వని

విశ్వమంతా తెలంగాణ ఖ్యాతి విస్తరిల్లగా

మనఆత్మగౌరవ ప్రభలే అవనిలో విలసిల్లగా

జరుపుకుంటున్నది మనతెలంగాణ సగర్వంగా

అవతరణ దశాబ్ధి వేడుకలే ఘన పర్వంగా

వెలిసింది వేడ్కతీర తీరైన జనతెలంగాణా 

ఎదిగిపోతోంది  దినదిన ప్రవర్ధమానంగా

జై తెలంగాణా! జైజై తెలంగాణా!!

1.కల్వకుంట్ల చంద్రశేఖరుని పోరాట ఫలితంగా

తెలంగాణ ప్రజల చిరకాల స్వప్నం నెరవేరంగా

తమదైన యాసతో తమ సంస్కృతి ధ్యాసతో

ఉద్యమాలు బలిదానాల సార్థక చిహ్నంగా

వెలిసింది వేడ్క తీర తీరైన మనతెలంగాణా 

ఎదిగిపోతోంది  దినదినప్రవర్ధమానంగా

2.ప్రజా సంక్షేమమే ప్రభుతకు ఏకైక లక్ష్యంగా

బడుగు బలహీనవర్గాల శ్రేయస్సుకై దీక్షగా

అంబేడ్కర్ ఆశయాల లౌకికతే పరమావధిగా

భరతావని ప్రగతిరథపు ఆదర్శ సారథిగా

వెలిసింది వేడ్క తీర తీరైన మన తెలంగాణా 

ఎదిగిపోతోంది  దినదినప్రవర్ధమానంగా

 

https://youtu.be/8GgQVHm3NvU

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:వసంత

ఆరిపోయే దీపమవకు కాంతిగా వెలుగుతూ
మూగవోయే కంఠమవకు వెర్రిగా వదురుతూ
వాదనలు మార్చగలవా  వ్యక్తుల నడవడిని
బోధనలు కూర్చగలవా  సరికొత్త ఒరవడిని
స్వేఛ్ఛగా సాగనీ నియమాల వలలే పన్నక
పావురమై ఎగిరిపోనీ శాంతిగా ఇక తిన్నగా

1.ఎదుగులకు విఘాతమే అహంభావము
అభ్యసన తప్పదు ఎవరికైనా జీవితాంతము
ఉలి దెబ్బలు తినకుండా శిల శిల్పమవుతుందా
ఉమ్మనీరు లేకుండా జన్మంటూ ఉంటుందా
మౌననే కలహం నాస్తని మరచితివా ప్రియనేస్తం
మన్ననే ఒంటబడితే బాంధవ్యమె లోకాస్సమస్తం

2.పరిపూర్ణులు కారెవరూ మనమైనా మందైనా
నిష్ణాతులు లేరెవరూ ఇలలో ఏ కాలమందైనా
సంక్లిష్టత అవసరమా సరదాల వేదికయందైనా
నచ్చినట్టు పాడుతూ వెనకాడకు వేయగ చిందైనా
చల్నేదో రామకిషన్  పట్టువిడుపు నేర్చుకో
గింజుకునుడు మానివేసి లైఫంటే లైట్ తీసుకో 

 

https://youtu.be/O8xdNj-J4A8

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:ఖరహర ప్రియ

అన్నపానాదులూ అన్నీ నీవె అన్నమయ్యకు
బంధుమిత్రాదులు అన్నీ నీవె త్యాగయ్యకూ
తపించారు బ్రతుకంతా  నీ కృపా దృక్కులకై
తరించారు గానామృతపాన చిత్తోన్మత్తులై

వేంకటేశ నాకందించు భక్తిసుధాంబుధి బిందువైనా
వెతను దీర్చి ఆదరించు అవసాన దశయందైనా

1.నాస్తికుడిని కాలేను ఆస్తికుడిగా నే మనలేను
సంశయాల సుడిలో చిక్కి బిక్కుబిక్కుమంటున్నాను
ఉంటేగింటే చేదుకో నరకమంటి ఈ ఊబి నుండి
సంకటాల్లొ ఆదుకో  కనికరముతొ నా తోడుండి

వేంకటేశ నాకందించు భక్తిసుధాంబుధి బిందువైనా
వెతను దీర్చి ఆదరించు అవసాన దశయందైనా

2.తన్మయంగ నిన్ను తలిస్తే పరవశించి పోతావు
ఆర్తిగా నిన్ను పిలిస్తే తక్షణమే అరుదెంచేవు
విశ్వాసమె నీకు ముఖ్యం నమో విశ్వపాలకా
శరణాగతి కోరామంటే కరుణింతువు దీనరక్షకా

వేంకటేశ నాకందించు భక్తిసుధాంబుధి బిందువైనా
వెతను దీర్చి ఆదరించు అవసాన దశయందైనా

 

https://youtu.be/VgcyX_OlO_s

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:రీతి గౌళ(మిక్స్)

అమ్మ కమ్మని భావన
అమ్మ చల్లని దీవెన
అమ్మ మనసే మెత్తన
అమ్మకిదే గీతార్చన

1.అమ్మతొ ప్రేగు బంధము
అమ్మ ఒడే ఆనందము
అమ్మే మనతొలి నేస్తము
అమ్మే మన నిజ దైవము

2.అమ్మ చూపిన త్రోవలో
అమ్మ మమతల రేవులో
అనునిత్యం  అమ్మ  సేవలో
బ్రతుకంతా అమ్మ తావులో

 

https://youtu.be/cMD9_gJ2Nqs

రచన,స్వరకల్పన&గానం:డా.గొల్లపెల్లి రాంకిషన్ రాఖీ

వెనక తిరిగి చూసుకుంటే పెదాలపై చిరునగవు
పునశ్చరణ చేసుకుంటే జీవితం సుఖదుఃఖాల నెలవు
అరవయేళ్ళ నా గతంలో అనుభూతులెన్నో
తీపి చేదు కలగలసి అనుభవాలు ఇంకెన్నెన్నో

1.సాధించింది ఏముంది కుటుంబాన్ని సాకడమే
పోగుచేసుకున్నది లేదు కవితల పొడ సోకడమే
తెలిసి మాత్రం ఎవ్వరికీ చేయలేదు నేనే కీడు
ఎరుగక మిము నొప్పిస్తే జాలితొ మన్నించుడు

2. వదిలించుకోవాలిక ఒకటొకటిగ బంధాలు
నెరవేర్చ యత్నించాలి ఎడతెగని బాధ్యతలు
నాతోనేను గడిపేస్తూ సాగాలిక నా…లో…లోకి
నేనెవరో గ్రహించి చేరాలిక ఆ స్వామి సన్నిధికి

 

https://youtu.be/dr8nu-esflg

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:బృందావన సారంగ

నా మనము నీవై అనుక్షణము
నీ మనము నేనై అనుదినము
మన మనములు వేరై మనము
దాంపత్యాన ఆధిపత్యం నీదన్నా నాదన్నా మనమేమనము

1.నా నిర్లక్ష్యాన్ని నవ్వుతొ నువ్వు సహిస్తూ
నీ సారథ్యాన్ని హాయిగ నేనూ భరిస్తూ
ముడులు మూడైనా మన జీవిత రథం
ముప్పై మూడేళ్ళైనా సాగుతోంది ఆనందపథం

2.ఆకాశంలో సగమంటే అసలేఒప్పను నేను
సంసారంలో సారం నీవని తప్పక చెప్పుదును
మోసేది నేనైనా నీవే జీవన మార్గదర్శివి
నామ్ కెవాస్తే నేనైనా నీవే కాపురాదర్శివి

 https://youtu.be/iwuRSRwDPsI

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:మోహన

పరాశక్తి పరాత్పరీ పరదేవతా

పరవిద్యా పరమేశ్వరీ పరా… శ్రీ లలితా

ప్రణతులివే గొనుము ప్రణవాత్మికే జగన్మాతా

పరసౌఖ్యము వరమీయవె అగజాతా అపరాజితా

1.పరచింతన బోధకే పరతత్త్వ సాధకే

పరమార్థ దాయకే శాంకరీ పరాంబికే

బ్రహ్మాదులకైన తరమ నిన్నెరుగగ  నిజ స్థిరమా

మనోహర మనోరమా ఓంకారమా శరణమహం ప్రపద్యే రమా

2.సౌందర్య లహరి శ్రీహరి హృదయేశ్వరి

శివానందలహరి శివకామిని శివే శర్వాణి

విరించి ముఖవాసిని శ్రీవాణీ నలువరాణి

భువనేశ్వరి రాజేశ్వరి ప్రాంజలిదే శ్రీ చక్రరాజ సింహాసనేశ్వరి

 

https://youtu.be/biWD0eVRLGQ

రచన,స్వరకల్పన&గానం:డా.గొల్లపెల్లి రాంకిషన్ రాఖీ

అంబరాన్ని తాకుతోంది సంబరం
మన బంధానికిదే తొలి వసంతం
పాట మనకు దైవమిచ్చిన దివ్యవరం
పాడినా విన్నా పాట ఉత్తేజకరం
పాడుతూ జీవిద్దాం పాడుతూ గడిపేద్దాం
పాడుతూనే తరిద్దాం పాడీ తరింపచేద్దాం

1.పాట అమృతానికి తరగని ఊట
యాంత్రిక జీవనాన పాటే ఊరట
పాడుతూ పాడుతుంటే ఎంతో వికాసం
పాట ఉన్నచోటల్లా వినోదమే వినోదం
పాడుతూ జీవిద్దాం పాడుతూ మురుద్దాం
పాడుతూనె తరిద్దాం పాడీ తరింపజేద్దాం

2.పాట లో పలుకుతుంది సామవేదం
పాట సకల వ్యాధులకు పరమౌషధం
పాటలో ఇమిడిఉంది అంతులేని ఆనందం
బిడియాలను వదిలేసి కోయిలై పాడుదాం
పాడుతూ జీవిద్దాం పాడుతూ మరణిద్దాం
పాడుతూనే తరిద్దాం మనని మనం మరుద్దాం

 https://youtu.be/c1mNRIjtyuU

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:మధ్యమావతి

నీరాజనం నీకు నీలిమేఘశ్యామ

మంగళము నీకు వకుళానందన

జయము జయము నీకు హే జగన్మోహనా

పాహిపాహి స్వామి పద్మావతీ రమణ

1.ప్రియము నీవే ప్రభూ పురుషోత్తమా

నయము గూర్చర స్వామి నాగశయన

శుభము నీ నామము హే శ్రీనివాస

దేహిదేహి ప్రభూ ధర తిరుమలేశా

2.వరము నీ దర్శనమె ఏడుకొండలవాడ

తపము నీ స్మరణమే శ్రీ వేంకటేశా

మహిమలెన్నగ లేము మంగాపతి

మన్నించి మము బ్రోవు నీవె శరణాగతి

https://youtu.be/cXTyo22Vmtk

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:మోహన

పెండ్లాడెను సీతమ్మను-సాకేత రామయ్య 

శివుని విల్లు విరిచేసి మా జానకమ్మ మనసు గెలిచేసి

చూడముచ్చటే కనే కండ్లకు ఆ సుభ లగ్గం

సంబరంగ కంటూఉంటే తలనింక తిప్పుటకొగ్గం

1.రాజాధిరాజులు వీరాధివీరులు

నెగ్గక సిగ్గుతొ తలదించుకొన్న మిథిల పేరోలగం

రాఘవుని సూరత్వముగని వలచిన వైదేహి

వరమాల బూని సిగ్గుతొ తలవంచుకొన్న వైనం

పూలవానలు కురిసెనంతట నీలినీలి ఆ గగనం

కనులకింపుగ జరిగేను సీతారాముల కళ్యాణం

2.తరలివచ్చిరి తండ్రి దశరథుడు రాముని తమ్ములు

మునులు జనులు ముక్కోటి దేవుళ్ళు వేడ్క చూచిరి ఆ మనువును

జనకుడు దారబోయంగ సీతతొ నలుగురు కూతుళ్ళను 

రాముడాతని తమ్ములుమువ్వురు మనువాడిరి వాళ్ళను

రాముడు-మైథిలి భరతుడు-మాండవిలు  జంటగా

దంపతులైరి సౌమిత్రి ఊర్మిళ శత్రుఘ్ను శ్రుతకీర్తి  కనుల పంటగా

 https://youtu.be/8gqbaYwW4MA

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:తిలక్కామోద్

ప్రణతులివే పవనసుతా

ప్రణుతులివే మా జీవనదాతా

ప్రభాతవేళ మా వినతులివే వీరాంజనేయా

ప్రమోదాలు కూర్చరా ప్రసన్నాంజనేయా

1.ప్రభాకరుని శిష్యుడవు ప్రపన్నార్తిహరా

ప్రచండతేజుడవే నీవు ప్రభో కపివరా

ప్రకీర్తి ప్రదాయుడవు పావని నామశూర

ప్రలోభాల పాల్జేయకు జితేంద్రియా బ్రోవరా

2.ప్రసిద్ధుడవే రామభక్త హనుమాన్ నీవు

ప్రహస్త సప్తసుత దానవ హంతకుడవు

ప్రత్యగాత్మవీవే పరితోషవరదాయకా

ప్రత్యక్షదైవానివీవే ప్రపత్తి నీవే నాకికా

 https://youtu.be/XNXRf_9IDNA

రచన,స్వరకల్పన&గానం:డా.గొల్లపెల్లి రాంకిషన్ రాఖీ

అలికిడి లేని నడిరాతిరిలోను అలజడిరేపింది నీ జ్ఞాపకము

దినమానమమునీ స్మృతుల జడిలో తడవడమే కద నా వ్యాపకము

1.ఎండుటాకుల గలగల సడి నీ మంజుల పదమంజీర రవమై

కోటిరాగాలు మీటసాగింది మధుర భావాల నా మానసము

2.అల్లనవీచే పిల్లతెమ్మెర నీ ఊసులేవో గుసగుసలాడగ

ఊహలు కథకళి నర్తనమాడగ మ్రోగింది నా ఎద మృదంగము

3.మెల్లగ వేసిన పిల్లి అడుగులు సడిరేపెను నీ రాక సూచిగ

ఆశలు రేగ ఆరాటపడుతూ ఉద్వేగమొందెను నా దేహము

4.నీతలపులతోనే తలమునకలవుతూ నా మది సమాధికాగా

విషాదాంతమై రాఖీ నీ గీతి సాగరఘోషకు సాపేక్షము

 https://youtu.be/j7_Y09-nqOI

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:హిందోళ వసంతం

బ్రహ్మీ ముహూర్త కాల స్వప్నము

అవుతుందట సదా శివా సత్యము

నీ ఆనుజ్ఞతోనే కదా ప్రతి కృత్యము

ఋజువుపరచు మహేశా నీ మహత్మ్యము

1.గాడి తప్పిన నా బండి దారికి మళ్ళిందట

చేజారిన మణిపూస మరలా దొరికిందట

నే వెదికే వనమూలికతీగ కాలికే తగిలిందట

మూగవోయిన నాగొంతు రాగాలు పలికిందట

ఊహ ఐతె మాత్రమేమి తలపే ఎంతహాయి

వాస్తవంగ మార్చివేస్తూ వరమే నా కిచ్చివేయి

2.కరిగిపోయిన మంచికాలం తిరిగి వచ్చిందట

కూలిపోయిన ఆశాసౌధం దానికదే నిలిచిందట

తెగిపోయిన స్నేహబంధం చిగురించిందట

తరలిపోయిన బ్రతుకు వసంతం తానే మరలిందట

కల్పనే కలిగిస్తోంది అంతులేని ఆనందం

అనల్పమే నీ మహిమ నీకేదీ అసాధ్యం

 https://youtu.be/RCCXO8QADE8

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:చంద్రకౌఁస్

గుండె కెలికినట్టుంటుంది/

మనసు కలుకుమంటుంది/

అంతరాలలో ఏదో /

వింత వేదన పొగులుతుంది

1.కంటిమీద కునుకే లేక/

సరిహద్దు పహారా కాచే సైనికుడు/

గడ్డకట్టే మంచులో కూరుకున్నప్పుడు/

పిలిచేందుకు మనిషేలేక ఏసాయమందక/

దీనంగా అశువులు బాసే యాతన కనగా

2.అందరికీ అన్నంపెట్టే అన్నదాత రైతన్న/

కరువుకాటకాలవల్ల అప్పుల ఊబిలొచిక్కి/

ఆదుకునే దిక్కేలేకా ఏదిక్కూకనరాక /

పొలంగట్టు చెట్టుకే

ఉరిత్రాడుకు వ్రేలాడి ఊపిరే వదిలే వేళ/

సభ్యసమాజమంతా చోద్యంగా చూస్తుంటే

 https://youtu.be/ey0p7_m3aXE

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:దర్బార్ కానడ

కేశవా మాధవా వేంకట నారాయణా

గోవిందా ముకుందా హే పరమానందా

మూడునామాలతో ముదమును గొలుపువాడ

ఏడుకొండల మీద చెలగీ వరలెడువాడ

మముకాచెడి ఆపదమొక్కులవాడా

దండాలు దండాలు అడుగడుగూ దండాలవాడా

1.తలనీలాలనైతె ముడుపులు గొంటావు

మావెతలను సుతరామూ పట్టించుకోవు

మొక్కులెన్ని మొక్కినా లెక్కనే చేయవు

మాచిక్కులు తొలగించగ మనసే పెట్టవు

ఓపికే సడలింది నిను బతిమాలి బామాలి

ఇప్పటికిప్పుడే ఇభవరదా తాడో పేడో తేలాలి

2.హుండీలు నిండినా మా కాన్కలతో మెండుగా

మేం గండాల పాలబడితె నవ్వుతావు మొండిగా

గుంజీలు తీస్తాము నీముందు లెంపలేసుకుంటాము

తప్పులు ఒప్పుకొని మమ్ముల మన్నించమంటాము

ఎందరెందరిని ఆదుకొన్నావో ఇందిరా రమణా

నీవు దప్ప దిక్కులేదు మాకిక కరుణాభరణా

 https://youtu.be/PIltmxNe4kc

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:రేవతి

నాకెందుకో చెప్పరాని అసహనం

నాలో నేనే నిరంతరం దహనం

ఎప్పుడూ ఏదో తెలియని వెలితి

అకారణంగా సతమతమౌతూ నామతి

1.నిరంకుశ ధోరణే నా నైజం

నియంతృత్వ పాలనే నాతత్వం

ఉత్తపుణ్యానికి గుత్తాధిపత్యం

మితిమీరిన చనువుతో సాన్నిత్యం

2.రక్తపోటు పెట్రేగుతు రసాభాసగా

తలపోటు పెరగుతుంటె ఓ రభసగా

గుండెపోటు వచ్చేలా ఉధృత శ్వాసగా

ఆటుపోటు జీవితాన పరధ్యాసగా

 https://youtu.be/o-zz2IccnEw

*శుభోదయం*

*శోభకృతు నామసంవత్సర ఉగాది శుభాకాంక్షలు*

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం: కళ్యాణ వసంతం

రవినై మీవాకిటి తొలిపొద్దుగా అడుగెడుతా/

కవినై నాగీతితో మీ ఎద తలుపు తడుతా/

ఈ శోభకృతు ఉగాది శుభవేళ షడ్రుచుల కవితను పంచిపెడతా/

ఈ శుభోదయ నవ రస మయ సమయానా మీగుండెలో జేగంటకొడతా/

1.తెలుగులంత ఒకటని చాటే ఉగాది పండుగ నా మది/

రెండు రాష్ట్రాలు సందడిగా చేసుకొనే  సంబరాలకిది నాంది/

మూడు కాలాలు పాడి పంటలతో నిండాలి ప్రతి ఇంటి గాది/

నాలుగు దిక్కులా చెలఁగాలి  తెలుగు ప్రజల ప్రజ్ఞా ప్రఖ్యాతి

2.పంచాంగ శ్రవణంతో కలగాలి అందరికి సుఖము శాంతి/

ఆరురుచులను ఆరగించి పొందాలి విందుభోజన తృప్తి/

ఏడు వ్యసనాలు విడనాడగా జనావళికి ఆరోగ్య సంప్రాప్తి/

ఆష్టవిధ ఐశ్వర్యాలతోబాటు వికసించాలి మానవత్వ వ్యాప్తి/

https://youtu.be/1HY-fLc2sk4

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:కీరవాణి

అడవి గాచిన వెన్నెలా  నా గేయ రచన

అరణ్యరోదన కోయిలా నీ గాన నివేదన

1.సభికులే కొరవడి  సరసతే వెనకబడి

సందడే లేక మొక్కుబడిగ నేడీ సమారాధన

2.పదగుంఫన మూలబడి భావుకత కాలబడి

సాహితీ సౌరభమే చచ్చీ చెడీ సాగే ప్రదర్శన

3.గొంతు కాస్త పిడచబడి శ్రుతీలయా పలచబడి

గాత్రధారణ యధేచ్ఛగా మలచబడే గర్భవేదన

4.భావరాగతాళాలు రాఖీ నీపాటకైతె పొసగబడి

ఎద ఎదలో  అలజడి రేపబడితేనే తేనె ఆస్వాదన

 https://youtu.be/apkIYpGZ1tM

రచన,స్వరకల్పన&గానం:డా.గొల్లపెల్లి రాంకిషన్ రాఖీ

నిదురోయిన మధురోహల జాగృత పరచకు

పదపడి నా స్తబ్దుమదికి అతురతను పెంచకు

1.శతమర్కట సమమైనది అతివన వాసన

వాలము కటిఒంపు కరవాలముతో ఖండించకు

2.వయసులో వరాహమూ సుందరమను నానుడి

సొగసుకత్తెవాయె మరి నారీ వలపు తూపులిక దించకు

3.మగువ ఎదురు పడితేనే మధిరానది తీరమది

వాలుచూపులే విసరుతూ కైపుసుడిలొ ముంచకు

4.ఎటు కొరుకూ చెఱకుగడను గ్రోలు తీపి మారదు

సోకులార బోసి మరీ దీక్ష భగ్నమొందించకు

5.చరితలందు చదివితివే వనితల వంచన రీతులు

మూణ్ణాళ్ళ మురిపెం రాఖీ ముగ్ధానను విశ్వసించకు

 https://youtu.be/_vY1icBGVZg

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:పహాడీ

సోమలింగా భీమలింగా

రామలింగా రాజలింగా

నిన్ను మేము చూడంగా నువు దయజూడంగా 

దండాలు దండాలు మా గండాలు బాపంగా

1.కోడెనుచేపట్టి నీ గుడి చుట్టుచుట్టి

ఘోరీని దాటేసి వాకిటి మట్టుకు కట్టి

గంటగొట్టి గణపతి కాళ్ళకు పబ్బతిబట్టి

నీ ముంగట సాగిల పడితిమి వల్లు బట్టి

2. బసుమ లింగా బసవలింగా

శంభులింగా శక్తిలింగా శివలింగా

నాగలింగా నమ్మాము నిన్నే భోగలింగా

మన్నన సేయి మరగతలింగా సైకతలింగా

 https://youtu.be/rZ1Hzn6vsOU

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:శుద్ధ సీమంతిని

నా ప్రియ రాధా మధురమే మన గాధా

ఆ సాంతం చిలికించేనూ అమర సుధ

పులకించేను బృందావని పొద పొద ఈ వసుధ

1.నీ ఊహయే తీయని బాధ

  నీ విరహామే తీరని ఓవ్యధ

తలపుకొస్తే నీ సొగసుల సంపద

తనువంతా  పెంచదా తహతహ

2.యమునకు మనపై ఎంతటి దుగ్ధ

మన ప్రణయం కనగా ఇంచుక సందిగ్ధ

ఎడబాటుతో వేగలేకా తానొక విప్రలబ్ధ

మురళి రవళికి మురిసి నీలా మంత్రముగ్ధ

3.మననావ విహరించ కదలదు రయమున

అలలతొ డోలాల నూగించు ప్రియమున

మరులను రేపు మరిమరి నా కాయమున

సాయం సమయమున సరస మయమున

 https://youtu.be/LZLB4axmkS4

రచన,స్వరకల్పన&గానం:డా.గొల్లపెల్లి రాంకిషన్ రాఖీ

మెదడును తొలవకు కుమ్మరి పురుగులా

ఎదపై పారకు జాణా గొంగళి పురుగులా

1.అంచెలంచెలుగా నను వంచెనతో ముంచకు

 ఈగగ ఎంచి కసిగా చంపకు  సాలె పురుగులా

2.జ్యోతిగా మాయలొ ముంచేసి ఆకర్షణ పెంచకు

జ్వాలగా నను కాల్చకు  దీపపు పురుగులా

3.తరచి తరచి శోధించి గుట్టంతా దోచకు

 బ్రతుకు బట్టబయలు చేసి పుస్తకపురుగులా

4.కాలాన్నీ ధనాన్నీ ఆసాంతం భుజించకు

వదలక నశింపజేయుచు చెదలు పురుగులా

5. ముసుగు మాటు నటనను ప్రేమగా భ్రమించకు

రాఖీ నంగనాచి తీరెపుడూ మిణుగురు పురుగులా

 https://youtu.be/tL13Ngltav4

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:వసంత

గోవిందా గొను పాదాభివందనం

సప్తగిరీశా  సాష్టాంగ వందనం

శ్రీ హృదయేశా హృదయాభివందనం

శ్రీ వేంకటేశా సర్వస్య శరణాగతి వందనం

1.నిండుగ మదిలో నిన్నే నిలిపితి

నిత్యము స్వామి దీక్షగ కొలిచితి

అగత్యమే దయగను నను  త్వరితగతి

అర్పించెద నిదె ప్రభూ ఆర్తిగ సుకృతి

2.విన్నపాల నాలకించ ఒగ్గవయ్య నీ చెవి

చిరునవ్వు పూయనీయి స్థిరముగ నా మోవి

పరవశింప జేయనీ సదా నీమేని కస్తూరితావి

కనికరించుదాకా కరివరదా తప్పదు నీకీ పల్లవి

 https://youtu.be/XhNPphlc-ng

*శోభకృత నామ ఉగాది-2023 శుభాకాంక్షలు*…!!

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:దేశ్

సవరించవే గొంతు ఓ కోయిలా /

శోభకృతు ఉగాది అరుదెంచిన వేళా/

లేమావి కిసలాలు మేసీ మత్తిలుదువేలా/

పాటందుకో పాటవాన చెవులకు చవులూరేలా

1ఆలపించవే ఎలుగెత్తి తేనెలొలికేలా నాలా ఇలా/

అలరారు అలరుల అలరు ఆమని అలరించేలా/

ప్రకృతి యావత్తు నీ కృతికి ప్రీతిగా పులకించేలా/

చైత్ర పున్నమి రేయిలా చెలి చెలిమిలోని హాయిలా/

2.ఆరు ఋతువులూ నీ మధుర గానాల తేలించు/

ఆరు రుచులనూ ఆలాపనలో సుధగా మేళవించు/

పంచమ స్వరమే నీ సుస్వనమున స్వతహా జనించు/

సరిగమదని స్వరషట్కముతో ఆహ్లాద గీతుల పంచు/

 https://youtu.be/98-aKZ-E-5w

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:బృందావన సారంగ

శృంగేరి పీఠ సంశోభితే

వేములవాడ సంస్థితే

శంకర మఠ విరాజితే

సర్వ జన హితే  సమ్మోహితే

శారదే దేవీ నమోస్తుతే

1.నమిలికొండ కోటయార్య వరిష్ఠ

ఘనపాటీ హస్త సుప్రతిష్ఠితే

నిగూఢ పరమార్థ సౌఖ్యవరదే

నిత్య విప్ర నిరతాన్నదాన భాసితే

2.సామగాన ప్రియే సరసిజాననే

శుక కలశ పుస్తక కర భూషణే

చిన్ముద్రధారిణే చిదానంద రూపిణే

చంచలచిత్త నియంత్రిత భవతారిణే

 https://youtu.be/98-aKZ-E-5w

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:బృందావన సారంగ

శృంగేరి పీఠ సంశోభితే

వేములవాడ సంస్థితే

శంకర మఠ విరాజితే

సర్వ జన హితే  సమ్మోహితే

శారదే దేవీ నమోస్తుతే

1.నమిలికొండ కోటయార్య వరిష్ఠ

ఘనపాటీ హస్త సుప్రతిష్ఠితే

నిగూఢ పరమార్థ సౌఖ్యవరదే

నిత్య విప్ర నిరతాన్నదాన భాసితే

2.సామగాన ప్రియే సరసిజాననే

శుక కలశ పుస్తక కర భూషణే

చిన్ముద్రధారిణే చిదానంద రూపిణే

చంచలచిత్త నియంత్రిత భవతారిణే

 https://youtu.be/pD4OTYrSTwU

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:హిందోళం

మహాకాయం మహాదేవ సూనమ్

లంబోదరం జగదంబా సుతమ్

వక్రతుండమ్ వల్లినాథాగ్రజమ్

వందే  ఏకదంతం తం సతతం శరణాగతమ్

1.ప్రణవ స్వరూపమ్ ప్రమథగణాధిపమ్

 ప్రసన్న వదనమ్ ప్రపన్న వరదమ్

ప్రకీర్తి ప్రదాయకమ్ ప్రమోద కారకమ్

 ప్రథమపూజితమ్  ప్రభో ప్రణమామ్యహమ్

2.విఘ్నేశ్వరమ్ విమలచిత్త వాసమ్

విబుధవినుతమ్ విశేష వికట వేషమ్

విశ్వైక విశారదమ్ వరసిద్దిబుద్ధిప్రాణేశమ్

వినాయకం విషాణిలపనం నమామి సంకటనాశమ్

 https://youtu.be/KonRLoHUYwI

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:భైరవి

మంచు గుండె నీదన్నా -కొండగట్టు అంజన్నా

మా గోడువినుమన్నా -మామంచి హనుమన్నా

దిక్కుమొక్కులేకున్నాము-మాకు దిక్కు నీవన్నాము

చల్లగ మముజూడు మా తోకదేవుడా

నమ్ముకొని వస్తిమి నీవె మాకు తోడునీడా

1.చిక్కని పాలతో నిన్నుతాన మాడిస్తిమి

జిగేల్మనే చందనాన్ని నీ ఒంటికి పూస్తిమి

జిల్లేడు దండలూ నీ మెళ్ళో వేస్తిమి

గానుగ నూనెతో గండదీపం బెడితిమి

చల్లగ మముజూడు మా తోకదేవుడా

నమ్ముకొని వస్తిమి నీవె మాకు తోడునీడా

2.కళ్ళింత జేసుకొని తుర్తిగ నిను జూస్తిమి

అరటిపళ్ళు నీకు ఆరగింపు జేస్తిమి

కొబ్బరిబెల్లాల ఫలారాన్ని పంచితిమి

పోర్లుడు దండాలునీ గుడిచుట్టూ బెడితిమి

చల్లగ మముజూడు మా తోకదేవుడా

నమ్ముకొని వస్తిమి నీవె మాకు తోడునీడా

 

https://youtu.be/WvxGYSwvO-c

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:సారమతి

సింగార నరసింగరాయా
అనంగజనకా రసికశేఖరాయా
చెంచులక్ష్మి పై మనసుపడి
మనువాడిన ధర్మపురి నరహరిరాయా
ఆనందకరమౌఈ శుభ తరుణానా
కనికరించు మము కరుణాభరణా

1.సిరితో ఏకాంత సేవకు వేళాయే
శ్రీకాంత నీ కిది పరవశ సమయమాయే
విరిమాలలతో అలరించిన నీ సుందర రూపం
కనినంత అనంతా మా జన్మ కడుపావనం

2.వివిధ విధులతో విధిగా నిను వినోదింతుము
వైదిక మంత్రాల సంగీత గానాల నర్తింతుము
సప్త పరిక్రమల పరిపరి రీతుల సేవింతుము
పవళింపుసేవతొ స్వామీ నిను ఆరాధింతుము

 

https://youtu.be/cyM4IjpLCnw

రచన,స్వరకల్పన&గానం:డా.గొల్లపెల్లి రాంకిషన్ రాఖీ

జైత్రయాత్రకు  బయలు దేరిరి ధర్మపురి మీ మిత్రత్రయము
నరహరి హర వేంకటేశ్వర స్వాములకు జయము
శిష్టరక్షణ దుష్టశిక్షణమీకు సర్వదా ప్రథమ ధ్యేయము
దనుజ సంహారమొనరించి కూర్తురు లోక కళ్యాణము

1.వైరులకు వెన్నుజూపని క్షత్రియత్వము నీదినరసింహా
చతురతను జూపి నెగ్గగలిగిన గుప్తభావన నీది శ్రీనివాసా
3.అరివీర భయంకరుడవు త్రిపురహరుడవు నీవు శివశంకరా
విజయోత్సవము  దివ్యమగు మీ రథ ఉత్సవము
ధర్మపురీశా ఈశా శ్రీవేంకటేశా

2.వీర తిలకము దిద్ది సమరానికంపిరి మీ వీరపత్నులు
హారతులు వెలిగించి స్వాగతించిరి  మిమ్ము మా ఊరి భక్తులు
కనుల పండుగ మాకు కలలు పండగ బ్రతుకు అభయమిచ్చును మీ దయాదృక్కులు
తొలగిపోవును మిమ్ము నమ్మి వేడితిమేమి విడరాని మా చిక్కులు

 

https://youtu.be/e__rTLxAcPI

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:లలిత

రాజేశ్వరా నటరాజేశ్వరా
రాజరాజేశ్వరా రాజేశ్వరీ వరా
రారా నన్నేలరా రాజశేఖరా
కైలాస శిఖరాలు కడచిరారా
కైవల్యమార్గాన నను నడపగరా
నందీవాహనమెక్కి వందీమాగధులగూడి
భృంగిశృంగి ఆదిగా సేవక జనములతోడి

1.క్రిమి కీటకాలకు పశుపక్ష్యాదులకు
దారిచూపినావు శివా మోక్షలోకాలకు
అజ్ఞాన భక్తులకు చోరశిఖమణులకు
అనుగ్రహించి చేర్చావు  అక్షరములకు
ఉత్కృష్టమే కదా నరజన్మ ఉద్ధరించరా
అదృష్టములేదా ఈజన్మకు అవధరించరా

2.దమనచిత్త దానవులను దయజూశావు
   భిల్లుడైన తిన్నడినీ నీ అక్కున జేర్చావు
బాలకులను సైతం బిరాన కాచావు
కిరాతావతారమెత్తి కిరీటినింక బ్రోచావు

నిరతము నీ ధ్యాన మగ్నుడనే కదా శంకరా
కనికరమున ననుగాంచగ నాకేదిక వంకరా

 

https://youtu.be/ygMeKTfZiIo

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:రీతిగౌళ

శాంకరీ శాంభవీ శివాని
భగవతి బార్గవీ భవాని
నతించెద ప్రీతిగా నుతించెద
మతిలో సతతము జపించెద

పరాశక్తి నను పరాకుసేయకు
పరమానందమే వరమీయి నాకు

1.శ్రుతియు స్మృతియు ద్యుతియునీవే
చరాచర గోచరము నీవే అగోచరమునీవే
విశ్వవ్యాపిని విమల హృదయిని
జ్ఞానదాయిని మోక్ష ప్రదాయిని

పరాశక్తి నను పరాకుసేయకు
పరమానందమే వరమీయి నాకు

2.దైహికవాసన దహింపజేయవే
ఐహిక వాంఛల నిక త్రుంచవే
చండ ముండ శమని చాముండేశ్వరి
వైష్ణవి వారాహి అఖిలాండేశ్వరి

పరాశక్తి నను పరాకుసేయకు
పరమానందమే వరమీయి నాకు

 

https://youtu.be/AxmiDRW7JNg

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:భీంపలాస్

వీనులవిందాయే గోవిందా
నీ గానమె మందాయే భవరుగ్మత బాపంగ
పాడినవారి గళము పావనగంగ
భక్తుల హృదయమే ఉప్పొంగే సంద్రంగా

1.పలికించిరి హరిపద మకరందము
ఒలికించిరి సంకీర్తనామృతము
చిలికించిరి ఆరాధన నవనీతము
ఆస్వాదించిరి ఇహపర సౌఖ్యము

2.భక్తిభావ సుధకై  కవనం మధించిరి
సంగీతమె జీవితమని సదా భావించిరి
నీ మహిమల నభినుతించి అనుభూతించిరి
కృతులనెన్నొ లిఖించి నిరతమాలపించిరి

 

https://youtu.be/sWjmN8wBE2U

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:నాగ గాంధారి

సరసిజ నాభా సిరివల్లభా
శ్రీ శ్రీనివాసా శ్రితజనపోషా
సరసహృదయ దయామయా
నిను కీర్తించి తరించె అన్నమయా
కరుణను నను చేగొనవయా
తాత్సారమేలనయా తిరుమలనిలయా

1.కాంచనమణి మకుటము-తిరునామ లలాటము
  కాంచగ కౌతుకము నీ కౌముది సమ హాసము
  తడబడచుంటిని స్వామి పొగడగ కాదునాతరము
నిను చూడనీ కడతేరగా నీ కడనే నిరంతరము

కౌస్తుభ వక్షాంకితము వైజయంతిమాలాలంకృతము
కర యుగళ భూషణము శంఖ చక్ర విరాజితము
పద్మ హస్త శోభితము కౌమోదకి ఆయుధ సహితము
కౌశికాయుధమే కమలలోచనా నీ నఖశిఖపర్యంతము

@every one

 

https://youtu.be/tPio3DBPMkA?si=JJQ_663rG4v_540N

రచన,స్వరకల్పన&గానం:డా.గొల్లపెల్లి రాంకిషన్ రాఖీ

బుక్కా గులాల ధూళి నింగీ నేలా నిండగా

లక్ష్మీ నరసయ్యా నీ జాతరా కనుల పండగ

కళ్యాణమాడి సిరితోగూడి కోనేట్లో తిరుగాడగా

నడి మండపాన డోలాలనూగి కరుణతో చూడగా

గోవిందా గోవిందా దరంపురి నరసింగా

కోటిదండాలు నీకు మము గండాల కాయంగా

1.హంసనావ మీద కొలనంతా కలయదిరుగా

దూరతీర భక్తులకు నీ ప్రేమమీర చేరువకాగా

చుట్టుచుట్టుకూ  గోవిందఘోష మిన్నుముట్టగా

చూసి మురియు భక్తజనుల జన్మధన్యమవగా

గోవిందా గోవిందా దరంపురి నరసింగా

కోటిదండాలు నీకు మము గండాల కాయంగా

2.విప్రవర్యులంతా వేద పారాయణ చేయగా

సేదదీరు మండపాన ఊయలనూగగా

యోగ ఉగ్రనారసిమ్మ వేంకటేశ మమ్మూర్తులుగ కొలువవగా

దీనుల విన్నపాలు గొని మూడునాళ్ళూ వరమీయగా

గోవిందా గోవిందా దరంపురి నరసింగా

కోటిదండాలు నీకు మము గండాల కాయంగా

 https://youtu.be/CyTcqVJriNQ

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:ధర్మవతి

ప్రదర్శించు సాయి నీ-అపూర్వ మహిమని

ప్రకటించు నా వెతతీర్చి బాబా నీ లీలని

ఋజువులేక నమ్మలేను నీ ఉనికిని

చెబితే పొందలేను నీవున్న అనుభూతిని

భవభూతినికాను నేను ఆషాఢభూతిని

దివ్యానుభవమెరుగనైతి నే మూఢమతిని

1.వేవేలమందిరాలు నీకుంటేనేమి

కోట్లాది వ్యక్తులు నిను కొలుచుకుంటె మాత్రమేమి

ఊరూరా నీభజనలు మారుమ్రోగినా సరే

ఎవరెంత చెప్పినా నాదిమనసొప్పని తీరే

భవభూతినికాను నేను ఆషాఢభూతిని

దివ్యానుభవమెరుగనైతి నే మూఢమతిని

2.దృష్టాంతరాలెన్ని గ్రంథస్తమైతెనేమి

కష్టాలు తీరిపోయి ఎందరో గట్టెక్కినా గాని

త్రికరణశుద్ధిగా నిను విశ్వసించు వారున్నా సరే

నా సంగతి వచ్చు సరికి సాయి మారదాయె నీతీరే

భవభూతినికాను నేను ఆషాఢభూతిని

దివ్యానుభవమెరుగనైతి నే మూఢమతిని

 https://youtu.be/6Kd738FTCv8

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:షణ్ముఖ ప్రియ

మంగళాకార సర్వ మంగళ కరా

మంగళ గ్రహదోష నివారా శ్రీకరా

మంగళవార విశిష్ట ఆరాధనాప్రియా

నమోస్తు నరహరే హిరణ్యకశిపు శమనాయా

1.గోదావరి నదీతీర విరాజమానాయా

ధర్మపురీ అగ్రహార నిజ సంస్థితాయా

సత్యవతి సర్పపతి శాప విమోచనాయా

సర్వదేవ నిత్యార్చితా నిరంజనాయా

1.సృష్టికర్తా సమవర్తీ నిరత సేవితాయా

శ్రీలక్ష్మీ సహిత మహాహిమాన్వితాయా

శ్రీరామలింగేశు అనుంగు స్నేహితాయా

ప్రహ్లాద శేషాచలదాసాది భక్త హితాయా

 https://youtu.be/hpRSxit-c44

రచన,స్వరకల్పన&గానం:డా.గొల్లపెల్లి రాంకిషన్ రాఖీ

ఉన్నటట్టుంటం ఊడిపోతం

పన్నట్టుంటం పైకిపోతం

అరెరే గట్లెట్లాయే అంటడొకడు

నిన్నమంచిగుండె గాదె అంటూ ఒకడు

నిమిషాలు పట్డవాయే పానాలుపోవడానికి

కడసూపేదొ తెల్వదాయే పోయినంతసేపుకి

1.గట్లుండె మంచోడు అంటడొకడు

మంచంబట్టి జీవునం బాయె అంటడొకడు

మస్తుసంపాయిచె నంటడొకడు

ఉన్నదంత ఊడ్చిండు అంటడొకడు

ఉత్తసేతుల్తోటె గాదె ఎంతకూడ బెట్టినా

పిట్టకూడు తినుడెగాదె ఎంతదోచి మెక్కినా

2.ఆనికేం మారాజు సచ్చి బత్కెనంటరు

బతికుండి బావుకున్నదేంటొ నంటుంటుంటరు

పెండ్లంకైతె అన్నాలం జేసిపోయెనంటరు

పుల్లెందలు పోరగాండ్లు ఈనమాయిరంటరు

ఒంటిగానె అస్తింగద యాడికెల్లో ఈడికే

అందరంబోయేదా బొందలగడ్డ కాడికే

 https://youtu.be/z_CeUj6v6fg

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:తోడి

హిమనగవాసినం పన్నగభూషణమ్

సుమధన్వు దహినం లలాటలోచనమ్

లింగమూర్తినం గంగాధరం పింగేక్షణమ్

భావయామి భవానీశంకరమ్ అనుక్షణమ్

1.గణేశ పూజితం గజాసుర సేవితమ్

శ్వేతాంగవిరాజితం పురాసురపరాజితమ్

నందిభృంగి సన్నుతం నారద వినుతమ్

నమామ్యహం నటరాజమ్  సంతతమ్

2.షణ్ముఖు జనకం ప్రభో పంచాననమ్

చతుర్ముఖు వందితమ్ త్రినయనమ్

ద్విజ నిజసంకీర్తితమ్ వృషభధ్వజమ్

శరణమహం వందే శంభుం శివమేకమ్

 https://youtu.be/6QB4PqCIafg

రచన,స్వరకల్పన&గానం:డా.గొల్లపెల్లి రాంకిషన్ రాఖీ

(జావళి)

సరసాలు చాలించరా

సరగున నను పరిపాలించరా

మదనగోపాలా కదనకుతూహలా

హృదయము నీదే అదనిదికాదు నన్నేలా

(అదను ఇది కాదు)

1.పదపడి నా మదిలో చొరబడి

రేపకు నాలో రమయతి అలజడి

కలవరముననే తలపుల కలబడి

చేర నెంచితినిక వెచ్చని నీ ఒడి

2.కొంటెవాడ నా జంటను కోరగ

తుంటరి తనమేల నా కడకొంగు లాగ

కలలపంటనే కృష్ణా నీ జతగూడగ

మునిమాపు కానీర నా మంటనార్పగ

 

https://youtu.be/1TaWSD451LY?si=JlGEKApo_Dm6dgHw

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:మధ్యమావతి

భం భం భోలేనాథా-శంభో విశ్వనాథా

నమో నమో నాగనాథా పశుపతినాథా

చిందెయ్యరా గంగాధరా గౌరీనాథా 

వందనాలురా నందివాహనా చంద్రశేఖరా

1.భస్మధారీ త్రిపురారి చర్మాంబరధారీ

కామారీ జడదారీ కపాలమాలా ధారీ

కేదారి ఖట్వాంగధరీ ఖండపరశుధారీ

వందనాలురా నందివాహనా భృంగీశ్వరా

2.త్రయంబకా  దూర్జటీ దిగంబరా

నృత్యప్రియా శరణ్యా మృత్యంజయా

నీలకంధరా నిటలాక్షుడా విరూపాక్షుడా

వందనాలురా నందివాహనా సుందరేశ్వరా

 

https://youtu.be/StQkNTuKZPo

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:చంద్రకౌఁస్

ఏడుకొండల వాడా - నాడూ నేడూ ఏనాడూ
ఉండడు నీకు స్వామీ - నా వంటి భక్తుడు
వేడియుండడు చేయమని- నిను కీడు
నశింపజేసైనా  ప్రభో  -నను  కాపాడు

1.అంతరింపజేయి -నా లోని అహమును
రూపుమాపవయ్యా -నాకున్న మోహమును
తెగటార్చవయ్యా - నా లోపమైన లోభమును
పరిమార్చవయ్యా ప్రభో -ఈర్ష్యా -ద్వేషమును

2.తొలగించు నాకున్న -దేహ  వాసనను
మసిచేయి అప్రియమౌ -నా గాత్ర కర్కశను
కట్టడిసేయవయ్యా- నా తొందరపాటును
కడతేర్చవయ్యా స్వామీ- నా జీవయాత్రను

 

https://youtu.be/AstIBaUQXFI

రచన,స్వరకల్పన&గానం:డా.గొల్లపెల్లి రాంకిషన్ రాఖీ

నా తీరని తీయని కలవో
నా లోన దాగిన కవన కళవో
పదహారు కళలొలికే తెలుగుపడుచువో
ఊహలకే పరిమితమై కల్పనకే పరిచితవై
నిజముగ జగమున కలవో లేవో

1.ఉత్సాహం నాలోనింపే ఉత్పలమాలవో
ఇంపగు వన్నెలుకలిగిన చంపకమాలవో
నవనవలాడే నాగమల్లివో
మిసమిసలాడే మరుమల్లివో

2.మరులే రేపే మదనకుతూహలానివో
మమతలు కురిసే అమృతవర్షిణివో
జాగృతపరచే భూపాలానివో
ఆత్రుత పెంచే హిందోళానివో

 

https://youtu.be/2N6l5MTU9Xc

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:సిందుభైరవి

తేలిపోతాయి గాలివాటుకే నీలిమేఘాలు
కూలిపోతాయ చిన్నమాటకే గాలి స్నేహాలు
ఒకతావు నుండి మరో రేవుకు ఏటవాలుగా
చేయూత కోరుతూ చేతుల్నిమార్చుతూ తమవీలుగా

1.వాటంకొద్ది వైష్ణవాలే స్నేహబంధాలు
నవ్వుఅత్తరు పూసుకున్న దుర్గంధాలు
మనసుపై ముసుగేసుకున్న ఉత్తుత్తి నేస్తాలు
పబ్బం గడుపుకోవడానికే పత్తిత్తు వేషాలు

2.ఇచ్చిపుచ్చుకుంటుంటే వ్యాపారాలు
లెక్కపక్కాచూసుకుంటే వ్యవహారాలు
ఇంతోటి దానికి మైత్రీగా నాటకాలు
ఆత్మీయబంధాలిపుడు గగనకుసుమాలు

 

https://youtu.be/ak7N_tAwc9A?si=vmPGi1MvQc6FRH0Z

రచన,స్వరకల్పన&గానం:డా.గొల్లపెల్లి రాంకిషన్ రాఖీ

శ్రీ లక్ష్మీ నరసింహ దివ్య కళ్యాణం

ఎల్లలోకాలకు మంగళ ప్రదాయకం

బ్రహ్మోత్సవ శుభవేళ భవతారకం 

కనినజనులకందరికీ జన్మ పావనం

1.ముక్కోటి దేవతలూ కాంచే కలయిది

బ్రహ్మాది సురముఖ్యులు ఏతెంచునది

వేద మంత్రాలఘోష నినదించు తరుణమిది

ఆనందం జగమంతా ఆవరించు ఉత్సవమిది

2. బాసికాలు సింగారించి నరహరి

సిగ్గులొలుకు చిరునగవులతో సిరి

శేషప్ప మండపాన వధూవరులైరి

శుభ పరిణయ విభవానికి ఇలలో ఏదిసరి

*తిలకించి పులకించే అలవైకుంఠమే ధర్మపురి*

 https://youtu.be/zqRYGaUTj9A

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:చంద్రిక

జయజయ నారసింహ 

జయము జయము జయము

మమత మీర మము చేకొను

నీకిదే మంగళము 

జయమంగళము శుభమంగళము

1. నర మృగరూపుడవు

 ప్రహ్లాద వరదుడవు

హిరణ్యకశిపుని దునిమినవాడవు

ధర ధర్మపురిలో వెలసిన దేవుడవు

2.ఉగ్ర యోగ మూర్తివి

భక్త ప్రపన్నార్తివి

దంష్ట్రనఖాయుధ ధరకీర్తివి

దుష్ట శిక్షణా స్ఫూర్తివి

 https://youtu.be/rmm2W7LSgjU

రచన,స్వరకల్పన&గానం:డా.గొల్లపెల్లి రాంకిషన్ రాఖీ

తావీజిస్తావో -మూలికాతైలం పూస్తావో

విభూదిస్తావో -మనా…దికేదైన బోధి స్తావో

మంత్రంవేస్తావో -రోగంపోయె గారడిచేస్తావో

అక్కునజేరు స్తావో -మా తిక్కలు కుదురు స్తావో

ధైర్యం కలిగించు సాయి- మాలో దెయ్యం వదిలించుసాయి

లీలలేవైన చేయి -మాకు మైమజూపి  కూర్చుహాయి

1.ఉప్పుదింటె ఊష్ణము పప్పుదింటె పైత్యము

మనసుపడి మిఠాయి తింటే మధుమేహము

పులుపుతో వాతము కారమైతె అజీర్ణము

ఏది తినబోయినా ఒంటికి పడని శాపము

ధైర్యంకలిగించు సాయి-మాకు పత్యం వదిలించుసాయి

లీలలేవైన చేయి -మాకు మైమజూపి  కూర్చుహాయి

2.ఆరోగ్యము మహాభాగ్య మన్నది అక్షర సత్యము

వ్యాయామం మాటమాకు కొరుకుడుపడని కృత్యము

వేళకు భోజనము రాతిరితొలి జాముకు శయనము

గగనకుసుమమే మాకు నియమ సమయ పాలనము

మాకళ్ళు తెరిపించు సాయి మనసును వికసింపజేయి

లీలలేవైనా చేయి - మాకు మైమజూపి కూర్చు హాయి

 

https://youtu.be/_3-oEKv5xng?si=Bkt9Quf40pwbbU7w

రచన,స్వరకల్పన&గానం:డా.గొల్లపెల్లి రాంకిషన్ రాఖీ

కుందనపు ఆకృతి అందాల మహతి - *we love u*

అందుకో నీ పుట్టిన రోజు బహుమతి- *we wish u*

అనురాగం ఆప్యాయత కలబోసినదీ గీతి- *just for u*

ఆనందపు ఉషస్సులు అమ్మానాన్నల ఆశీస్సులు-  *HAPPY birth day to you*- 

సంధ్యా రాజేశ్వరుల కలల పంటవు మహతీ *Wish u happy birthday to u*

1.పాతిక వత్సరాలు  నీతో మా జీవితాలు

ఎనలేని మరపురాని మధురమైన అనుభూతులు

నీ సహన శీలత నీ ఔదార్యత అనుపమానాలు

సాధించిన నీ ఘన విజయాలు నీదీక్షకు ప్రమాణాలు-

*HAPPY birthday to you*- సంధ్యా రాజేశ్వరుల కలల పంటవు మహతీ*Wish u happy birthday to u*

2.వసంతాలై నీ నవ్వులు విరియనీ చిరకాలం

సంతస కాంతులకవనీ నీ కనులు ఆలవాలం

చీకూ చింతా లేకా చిగురించనీ నీ భవితవ్యం

భగవంతుడు కురిపించనీ దీవెనలు నీపై నిత్యం-

*HAPPY birthday to you*- సంధ్యా రాజేశ్వరుల కలల పంటవు మహతీ *Wish u happy birthday to u*

 https://youtu.be/BA9ljB1B5Ps

రచన,స్వరకల్పన&గానం:డా.గొల్లపెల్లి రాంకిషన్ రాఖీ

గట్టెక్కించు- మము గండాల నుండి- గట్టయ్య- మా కొండగట్టయ్య

చుట్టపక్కమునీవే- లెక్కపత్రము నీతోనే- పట్టించకోవయ్యా- పావనీ దండమయ్యా

1.కుప్పలు తెప్పలుగా-తప్పులు చేసామో

 కపీశా-కుప్పిగంతులేసామో

చెప్పరాని ముప్పులు తీరిపోని అప్పులు-

ఎన్నని చెప్పుదు మా తిప్పలు

సీతమ్మ కష్టాన్నే తీర్చిన -శ్రీరామ బంటూ

నమ్మితి నీవే మాదిక్కంటూ

2.రోగాలూ నొప్పులు- వెతలూ నలతలు-

మానిపోని మా గుండె గాయాలు

అడ్డంకులు సంకటాలు అడుగడుగున కంటకాలు

బ్రతుకంతా కందకాలు

సంజీవని కొండను తెచ్చి లస్మన్న పానంగాచిన మారుతి ఇక నీవే నాగతి

 https://youtu.be/VRngHBwU09M

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:మోహన

పడమటి కొండల చాటుకు వెళ్ళెను సూర్యుడు

జంటల విరహపు మంటలనార్పగ దినకరుడు

కవితకు వస్తువు తోచక తల్లడిల్లె కవివర్యుడు

నవరసాలలో సరసం ముసరగ తనువూరడిల్లెను

1.ప్రేమా ప్రణయం శృంగారం కవితను ఆశ్రయించెను

ఎడబాటు ఎదిరిచూపు నిట్టూర్పు మదినావరించెను

తొలిప్రేమలో తడబాటుగా ఎదురైన యువ ప్రేమికులు

చిరకాలం కలయిక కలగా కుదేలైన నవ దంపతులు

ఉబలాటం చాటున ఒకరు- ఆరాటం పంచన ఇంకొకరు

2.కాపురమే గోపురంగా మలచుకొన్న వారు

ముదిమిలోనూ ఒకరికి ఒకరై నిలిచిన తీరు

బాధ్యతలు బంధాలు బంధనాలై ఆలుమగలు

శేష జీవితం శాంతినికోరే పండు మదుసలులు

అన్యోన్యం బాసటగా ఒకరు- వృద్దాప్యపు ఆసరాగా ఇంకొకరు

 https://youtu.be/ysWLHbUndhk

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:రేవతి

భూతపతి మరుభూపతి

శైలజాపతి పశుపతి

కైలాసపతి కైవల్యపతి

శంభో నీవే నా గతి శరణాగతి

చేర్చరా వేగమే నన్ను సద్గతి

1.హక్కు నీకుంది నను అక్కున జేర్చగా

   దిక్కు నీవంటి ఈ దీనుని పరిమార్చరా

   కాలకాలా కపాలమాలా ధరా హరా

   త్రిశూలపాణీ త్రిపురాసుర సంహారా

2.ప్రళయ తాండవ రుద్రా  నృత్య ప్రియా

   ప్రణవనాదేశ్వరా ప్రభో మృత్యుంజయా

  ప్రమధనాథా విశ్వనాథా నమఃశివాయా

  ప్రస్తుతించితి దయసేయగా దయాహృదయా

 నియోగులం కర్మయోగులం

సుపరిపాలనా వినియోగులం

చాణక్య నీతిలో కార్యదక్షులం

ఇదం బ్రాహ్మం ఇదం క్షాత్రానికి ప్రతీకలం-భార్గవులం

అపార మేధాసంపత్తికి నిలువెత్తురూపాలం

1.కత్తికన్న మిన్నగా కలంతో సాధించాం

కచ్చేరుల తీర్పులలోను మేటిగ వాదించాం

తేడా వస్తే చక్రవర్తి తోనైనా విభేదించాం

జన సంక్షేమం లక్ష్యంగా దేవుడినైనా ఎదిరించాం

2.భద్రాద్రి కోవెలకట్టిన భక్తుడు రామదాసు మావాడే

పెదవి విప్పక దేశంనేలిన ప్రధాని మా పివి తీరు వాడే

వచన కవిత్వ ఝంఝా మారుతి మాశ్రీశ్రీ రీతి జగమే వాడే

మా కాళోజీ కవన గొడవకు నిజాం క్రూర పాలన వసివాడే 

3.శాసించడమే గాని ఆశించుట ఎన్నడు ఎరుగం

వితరణయే మాగుణము దేశానికి భూదాతలం

స్వతంత్రయోధులు  ఆంధ్రకేసరీ, జమలాపురం మావారే

కీర్తిగొన్న నేతలు కరణం,ద్రోణం,చకిలం,మంచికంటీ మావారే

సినీజగతికే మహరాణీ భానుమతీ మా ఆడపడుచే

పేదరికంలో ఉన్నాగాని చేయిసాచని ఆత్మగౌరవ వాదులం,ఆత్మాభిమానమే మాకు ప్రాణం (లాస్ట్ లైన్ సాకి గా…)

 https://youtu.be/RPCKMFaNuHM

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:హిందుస్తాన్ భైరవి

ఎలాచెప్పగలిగావు అభిమానం లేదని

ఎంతగా గాయపరిచావు స్నేహం పంచే నాఎదని

గుండె బండబారిదా,ఋణంకాస్త తీరిందా

వీడ్కోలు శాశ్వతంగ నా మాజీ మిత్రమా

అపరిచితులమే ఇక చితి చేరినా పూర్వ నేస్తమా

1.సరదాకే చెప్పావో నా రచనలు నచ్చాయని

వెటకారమె చేసావో కవితలు మెచ్చావని

ఎడంకాలితో ఎదని తన్ని ఎగతాళిగ నవ్వావు

నా మైత్రిని ఉబుసుపోక మాత్రమే దువ్వావు

2.నువుకొట్టినదెబ్బకు విలవిలలాడింది నా హృదయం

నీతేలికచర్యకు కుతకుతలాడి మనసు అయోమయం

 మితి మీరిన విశ్వాసం నేర్పింది తీవ్రమైన గుణపాఠం

చెరిపివేస్తున్నాను ఆనవాలు మిగలకుండా ఆసాంతం

 https://youtu.be/8ucf8LfTl08

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:దర్భార్ కానడ

లక్ష్మీవల్లభా ప్రభో మమ ప్రసన్నః ప్రసన్నః

అలమేలు మంగా విభో ప్రసీదః ప్రసీదః

తిరువేంకట నాయకా స్వామీ నమోనమః

శరణు శరణు కరుణాంబుధే గోవిందాయనమః

1.ఎన్నాళ్ళిలా ఏ ఎదుగూబొదుగూ లేనిబ్రతుకు

ఎన్నేళ్ళిలా శుభం పలకవు గతుకుల నా కథకు

ఎంతని భరించడం అంతంలేదా స్వామి నావెతకు

సంతసమన్నది ఎండమావిగా దొరకదు ఎంతకూ

2.ఉన్నావో లేవో తెలియని ఓ వింత ఊహవు

ఏ పిచ్చోడో ఎపుడో అల్లిన కవన కల్పనవు

ఈ యాతనా జగత్తులో నీవే కాస్త ఊరటవు

అంతులేని జీవయాత్రలో బలము బలహీనతవు

 https://youtu.be/bu5tDbS3ZOA

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:హిందోళం

ఎవరన్నారు మంచిరోజులు వస్తాయని

ఎవరుకలగంటారు బ్రహ్మజెముళ్ళు పరిమళిస్తాయని

గడిచినకాలమే మేలు నాకు ఎంతోకొంత

అంధకార బంధురమే ఇకనా  భవితంతా

1.నవ్వడమే మరచిపోయాను

  నడవడమూ మానివేసాను

  బంధాలు అనుబంధాలు వదిలించుకున్నాను

  స్నేహితమను మాటకే మదిలో తిలోదకాలిచ్చాను

2.అనుభూతికి చితిపేర్చాను

రసస్ఫూర్తిని గోతిలొ పూడ్చాను

నాకు నేనుగా అపస్మారకస్థితి చేరుకున్నాను

జీవన్మృతుడిగా రోజులని లెక్కబెడుతున్నాను

 వలపుల వలవేసి పట్టావే సూరమ్మా

సూదంటురాయి సూపుల్తో పడగొట్టావే సుప్పనాతి ముద్దగుమ్మా

గుట్టుగా నను బుట్టలొ పెట్టావే సూరమ్మా

జెగజ్జెట్టీనే  గాని ఒట్టిగనే నీకు లొంగానే రామసక్కనమ్మా

1.పిక్కలమీదికి నువ్వు సుక్కల సీరనెగ్గట్టి

ఏడేడు తులాల ఎండికడియాలే కాళ్ళకు బెట్టి

నడుము ముడతల్లో సింగారమంతా దాపెట్టి

గోచీకట్టుతో తిప్పుకు పోతుంటే చూసా నోరెళ్ళబెట్టి

2.పొడుగాటి నీజుట్టు తట్టెడు సిగజుట్టి

సిగలోన ఎర్రనీ ముద్దమందార పువ్వెట్టి

పువ్వులాంటి నీ ఒళ్ళు నా మతిపోగొట్టి

కాళ్ళబేరమాడిందే నామతి నిను కాకాపట్టి

 రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:సిందుభైరవి

హే దీనదయాళా హే పరమ కృపాళా

శరణాగత వత్సలా చూపరా నీలీల

కరుణాలవాల ఆదరించరా నన్నీవేళ

1.నీ మోహన మధుమురళీ సుధలు గ్రోలనీ

  నీ పదపద్మాల మ్రోల నా శిరసు వాలనీ

నీ దివ్య సన్నిధిలో సచ్చదానందమందు తేలనీ

అలౌకికానుభూతిలో నను శూన్యమై మిగలనీ

2.ఎన్ని జన్మలెన్ని వెతలు ఎన్నెన్నియాతనలు

ఎన్నగలేను నా దోషాలు  కోరితి మన్ననలు

అలసినాను  సొలసినాను ఐనా నిను వీడను

కలవనీ నీలో నను స్వామీ ఏదిక మరి వేడను

 https://youtu.be/iA3qTLNC12M?si=cbWdfG5daqgMtMZf

రచన,స్వరకల్పన&గానం:డా.గొల్లపెల్లి రాంకిషన్ రాఖీ

సత్యదేవాస్వామీ పక్షపాతరహితా మహిమాన్వితా

శ్రీ సత్యనారాయణా శరణు శరణు నారద వినుతా

నీరాజనమిదె  నీలోత్పల నేత్రభాసితా

కర్పూరహారతిదే కమలాసన పూజితా

1.బ్రాహ్మణ శూద్ర వైశ్య క్షత్రియ భక్తుల కథలు

కలిగించును నీ మహిమల అనుభూతులు

నీ వ్రతమొనరించినంత దాసుల వెతలు

ఎలా తొలగెనో తెలిపెడి నీ లీలల గాథలు

2.షోఢషోపచారములతొ నిను అర్చించి

శ్రద్ధాసక్తులతో నిష్ఠగ నీ  వ్రతమాచరించి

సూత ప్రోక్తమగు నీ నోము విధి నిర్వర్తించి

నీ కృప నొందేము తీర్ధ ప్రసాదాల స్వీకరించి

 రచన,స్వరకల్పన&గానం:డా.గొల్లపెల్లి రాంకిషన్ రాఖీ

చిచ్చు పెడుతోంది పెదవిమీది పుట్టుమచ్చ

రెచ్చగొడుతుంటే పయ్యెద నా ఎదన రచ్చ

మచ్చుకైనా చూపించవే నామీద నీకున్న ఇచ్ఛ

గిచ్చుతోంది నీపొంకం నా శీలానికి తెస్తూ మచ్చ

1.బంగారం రంగరించి శృంగారం బోధపర్చి

సృజించాడు  సృష్టికర్త  నిన్ను  నా గురించి

రసకృతులు రతి కిటుకులు కడు నేర్పించి

నా ముందుంచాడు కుందనాల బొమ్మగ కూర్చి

2.నీ హావభావాలతొ నాలో పెల్లుబికే లావాలు

నీ కులుకులొలుకు పలుకులతో రసనస్రవాలు

మునిపంటితొ నొక్కిన పెదవి రేపేను ఉద్వేగాలు

క్రీగంటితొ విసిరిన శరము తీసేను నా ప్రాణాలు

 మా ఇంటి వాకిట్లో మల్లెపూల పరిమళాలు

మా సింహద్వారానికి మామిడాకుతోరణాలు

బంధుమిత్రులారా మీకివే హార్దిక స్వాగతాలు

మా నూతన గృహప్రవేశ సాదర ఆహ్వానాలు

స్వాగతాలు ఆప్తులారా మీకివే సుస్వాగతాలు

1.ఎన్నాళ్ళుగానో కన్న మా కలల పంట

చిన్నదైనా ఇది మా స్వప్న సౌధమేనంట

తోడునీడగా నిలిచింది నిలువెత్తు రూపంగా

మా ఆశలు నెరవేర్చి వెలుగిచ్చే బ్రతుకుదీపంగా

2.మదిలో దాగిన మమతలు పునాదిగా

ఆదరణే రూపుగొని కిటికీలు గమ్మాలుగా

ఆప్యాయత కలబోసి మూల స్తంభాలుగా

వెలిసింది మాఇల్లు వీడని బంధాలే  గోడలుగా

3.హృదయాన్ని పరిచాము చలువరాయిగా

తీరిచిదిద్దాము ఉన్నంతలొ కలికితురాయిగా

అడుగిడు అతిథులకు  అనుభూతే హాయిగా

మా ఇల్లే ఇలలో స్వర్గసీమగా జనులే తలపోయగా

 

https://youtu.be/zUMhJkj3so0

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:ఖర హర ప్రియ

శివలింగా శంభులింగా శ్రీరామలింగా

భవపాపభంగా అనంగదగ్ధ కరుణాంతరంగా

1.నీ తలమీద తారాడును ఆకాశగంగ

ఒడవని కన్నీటి కడలి నా ఎద పొంగ

తానమాడుకో తనివిదీర నాకనులు కురువంగ

అభిషేక ప్రియా మృత్యుంజయ ప్రియమారగ

2.బిల్వదళార్చన సంప్రీతుడివి భవానీ భవా

నా నయనదళము నర్పింతు ఆత్మసంభవా

అంకమునింక శంకరా మా జీవనాన మారనీవా

కడగండ్లు కడతేర్చి ఆనంద తీరాన్ని మము చేరనీవా

 రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:చారుకేశి

నీలాంబరైంది నీదైన అనురాగం

మలయమారుతం నా ఎద సరాగం

రెండింటి తాకిడి లో అమృతవర్షణి వర్షం

నాతో నీవుంటే చింతలేని అంతులేని హర్షం

1.మోహనరాగంలా నీ సమ్మోహన రూపం

చంద్రకౌఁస్ లా నీ కన్నులలో వెన్నెల దీపం

హంసనాదంలా నీ గాత్రమే  అపురూపం

శివరంజనిలా ఎదలో రేపకు ఏదో తాపం

2.సింధుభైరవే అణువణువున నీ అందం

ఆనందభైరవై నీతో బ్రతుకంతా ఆనందం

కళ్యాణిలా కమనీయం కావాలి మనభవితవ్యం

మధ్యమావతిలా ప్రతిక్షణం మనకిక నవ్యాతినవ్యం

https://youtu.be/23nJbM7sQSQ?si=V2W4MycJP4-JPngx

 రచన,స్వరకల్పన&గానం:డా.గొల్లపెల్లి రాంకిషన్ రాఖీ 

రాగం:ధర్మవతి

ధార్మికమౌ ధర్మపురి ధామమందు 

అన్న దానమే కడుపుణ్యమందు

నరసింహస్వామీ రూపమే కనిన కనులవిందు

గోవిందుని దివ్యనామమే అనిన వినిన బహుపసందు

1.పావన గోదావరీ నదిధారయందు

సరిగంగ స్నానాలతొ జన్మధన్యతనొందు

తీరములో మొంటెలవాయినాలతో

ముత్తైదువుల ఐదోతనము శాశ్వతమొందు

2.దక్షిణవాహిని పవిత్ర గోదారి మునక

పితృతర్పణాదులకు పావనమౌ ప్రోక

బ్రహ్మ యమరాజులకు ఇదియే బైసుక

ఎన్ని విశేషాలో ధర్మపురి దర్శిస్తే గనక

 

https://youtu.be/h9S7K2qvIN4?si=JlCa9UTp6obI1TZ5

రచన,స్వరకల్పన&గానం:డా.గొల్లపెల్లి రాంకిషన్ రాఖీ 

రాగం:భీంపలాస్

శివనామమే మధురాతిమధురము

శివగానమే అమృత పాన సమము

శివలింగరూపమే మంగళప్రదాయకం

శివ భక్తి తత్త్వమే… కైవల్యదాయకం

1. కరమున అమరిన త్రిశూలమే అభయకరం

ఢమఢమ మ్రోగే ఢమరుకమే చేతనాప్రపూరం

అనాలంబి వీణా నిక్వణమే శ్రవణానందకరం

నటరాజ తాండవమే నయనమోహనం శ్రీకరం

2.శివ శిరమున గంగధార పరమ పావనం

 శశి విలసిత మనోహరం సుందరేశు వదనం

నిశి పూజతొ మోదమొందు పరమేశు హృదయం

శివరాతిరి పర్వదినం అణువణువూ శివమయం

 

https://youtu.be/gmi2CgGNaSc?si=QunGSD-Gr20uTNMR

రచన,స్వరకల్పన&గానం:డా.గొల్లపెల్లి రాంకిషన్ రాఖీ 

రాగం:హిందోళము

ఎంతటి సులభము శివా నీ లింగార్చన

ఎంత సరళము హరహరా శివదీక్షాపాలన

ఎంత మధురము నమఃశివాయ మంత్రమనన

ఎంత దివ్య అనుభవము శివరాతిరి ఉపాసన

1.నదీ తీరమందు సైకతముతొ నీ రూపము

కొండలు గుహలలో గండ శిలాసాణువు లింగము

గుడి గుండమేదైనా చండీపతీ నీకు ఆలవాలము

మా గుండెలందునూ కొలువుండే నీ ఆత్మలింగము 

2.పంచామృతాలా దోసిటి నీట నీకు అభిషేకము

వైజయంతి మాలా ప్రియము నీకు మారేడు దళము

పంచభూతాత్మకా పంచాననా నీవే నా ప్రపంచము

పంచాక్షరి స్మరించునపుడే హరించు నా ప్రాణము

 

https://youtu.be/yhsbkxjvYbI?si=-3EdjxVzAGzmR2u4

రచన,స్వరకల్పన&గానం:డా.గొల్లపెల్లి రాంకిషన్ రాఖీ 

రాగం:నీలాంబరి

ఉమామహేశ్వరం పరమగురుమ్

నమః పారతీ పరమేశ్వరమ్

అర్ధనారీశ్వరమ్ నటేశ్వరమ్ హటకేశ్వరమ్

హృదయేశ్వరమ్ ప్రాణేశ్వరమ్ ప్రణమామ్యహం ప్రణవనాదేశ్వరమ్

1.కాళేశ్వరమ్ ముక్తీశ్వరమ్ కనక సోమేశ్వరమ్

నమః పార్వతీ పరమేశ్వరమ్

రాజరాజేశ్వరమ్ భీమేశ్వరమ్ రామలింగేశ్వరమ్

హృదయేశ్వరమ్ ప్రాణేశ్వరమ్ ప్రణమామ్యహం

ప్రణవనాదేశ్వరమ్

2.గంగాధరమ్ చంద్రశేఖరమ్ వృషభవాహినం

నమః పార్వతీ పరమేశ్వరమ్

మంజునాథమ్ రామనాథమ్ కాశీ విశ్వనాథమ్

హృదయేశ్వరమ్ ప్రాణేశ్వరమ్ ప్రణమామ్యహమ్

ప్రణవనాదేశ్వరమ్

 https://youtu.be/ieK2lAIQDVU

రచన,స్వరకల్పన&గానం:డా.గొల్లపెల్లి రాంకిషన్ రాఖీ 

రాగం:షణ్ముఖ ప్రియ

తిరుమలేశా శ్రీ వేంకటేశా

భక్తపోషా భవపాపనాశా

హృషీకేశా శ్రీశా సిరి ప్రాణేశా

పాహిమాం ప్రభో పరమపురుషా

1.ఆపద మొక్కులవాడా

అడుగడుగు దండాలవాడా

వడ్డికాసులవాడ కరివరదుడా

శరణము స్వామి శేషశయనుడా

2.తలనీలాలు కోరే వేలుపునీవే

కోనేటితానాల కొలుపులు నీకే

లడ్డూప్రసాదాల దైవము నీవే

దొడ్డదొరవు మా పాలకుడివీవే

 https://youtu.be/GmB7nDahdP4

రచన,స్వరకల్పన&గానం:డా.గొల్లపెల్లి రాంకిషన్ రాఖీ 

రాగం:మాయామాళవగౌళ

చాలుచాలింక నరజన్మ శివశంకరా

చేయగానైతినే సత్కర్మ మన్నించరా

దుర్లభంబైనదీ మనిషి పుట్టుకరా

నిజమెరుగు నంతలో ముగియవచ్చేనురా

హరహరా భవహరా రాజరాజేశ్వరా

శుభకరా జయకరా రామలింగేశ్వరా

1.మంచి చెడ్డలమాట ఎంచకుంటిని స్వామి

తలబిరుసు నడవడిక పెంచుకుంటిని స్వామి

తపనలింకను తలపులో త్రుంచకుంటిని స్వామి

తత్వమిక సత్వరమె తెలుపమంటిని స్వామి

2.గంగతో నా బెంగ కడిగివేయర స్వామి

కంటితో కలుషాలు కాల్చివేయర స్వామి

నా ఒంటి విషమింక లాగివేయర స్వామి

ఈశ్వరా నా ఈర్ష్య మసిజేయరా స్వామి

 

https://youtu.be/4NVXyw6-n9g

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:మోహన

అది ఇమ్మని ఇది ఇమ్మని
పదేపదే పరుష పదమ్ముల కుమ్మితి
నెమ్మనమున నిమిషమ్మును
ధ్యానించక నరహరీ నిను విస్మరించితి
మన్నించర మదనజనక నన్నేమనక
నమ్మితినిను కన్నతండ్రివి నీవేగనక

1.నిను మచ్చిక చేసుకొనే
మతలబులను ఎరుగను
నీ మమతను చూరగొనే
ప్రియవచనము పలుకలేను
మనసుకు ఎంతవస్తెఅంతగా
నిను కించపరుచు వాచాలుడను
మన్నించర మదనజనక నన్నేమనక
నమ్మితినిను కన్నతండ్రివి నీవేగనక

2.ఉద్ధరించబడు నటువంటి
ఉన్నత విధుల నేనడుగను
ఉత్తుత్తి తాయిలాలకోసమే
స్వామీ ఎప్పుడు ఎగబడెదను
జన్మా జీవనము ఆన్నీ నీవేకదా
నాదంటూలేదని ఏలనో మరిచెద
మన్నించర మదనజనక నన్నేమనక
నమ్మితినిను కన్నతండ్రివి నీవేగనక

 

https://youtu.be/pai3zAVcvII

రచన,స్వరకల్పన&గానం:డా.గొల్లపెల్లి రాంకిషన్ రాఖీ 

కనులకు రమణీయము

మనసుకు కమనీయము 

సదాశివా నీ కళ్యాణము

శివానీ తో నీ కళ్యాణము

ఓం నమఃశివాయ 

శ్రీ రామలింగేశ్వరాయ

1.శివరాతిరి శుభ ఘడియలలో

  శివరత్నక్షేత్ర అయ్యంకి గుడిలో

  గంగా పర్వతవర్ధిని సమేతుడిగా

  జగదంబను పరిణయమాడగా

2.నిష్ఠతొ పొద్దంతా ఉపవసించి

నీ దివ్య లింగ రూపము దర్శించి

భక్తితో నిరతము నిను ధ్యానించి

ముక్తినొందేము రేయంతా జాగరించి

 https://youtu.be/JLfn-x9DEhQ

రచన,స్వరకల్పన&గానం:డా.గొల్లపెల్లి రాంకిషన్ రాఖీ 

రాగం:రేవతి

దయరాదేల ధర్మపురీశా

సదమల హృదయ ప్రహ్లాద పోషా

నెర నమ్మితినిను నరహరీ మొరవినిరారా

సర్వాంతర్యామి కరుణాసాగర 

1.కరివరదా ప్రభో ఆపద్భాంధవ

ధ్రువుని బ్రోచిన అనాథ నాథా

మానిని ద్రౌపది మాన సంరక్షకా

నెర నమ్మితి నరహరీ నీవే రక్ష నాకికా

2.నారద సంస్తుత అంబరీషార్చిత

పుండరీక ప్రియ దుష్టసంహార

శేషప్ప కవి నుత  కైవల్యదాయ

నెర నమ్మితి నరహరీ ఆదుకోవయా

https://youtu.be/N1edpKFlK0w

రచన,స్వరకల్పన&గానం:డా.గొల్లపెల్లి రాంకిషన్ రాఖీ 

రాగం:రసిక రంజని

జై వీరాంజనేయా జై అసుర భంజనాయ

జయహో నిరంజనాయా మహీజ మనో రంజనాయ

జయము జయము స్వామీ నీకు నీరాజనము

నీనామ స్మరణయే భవ దుఃఖ భాజనము

మంగళ మూరుతి నీకిదే మా ప్రాణహారతి

కొండగట్టు మారుతి నీకిదె మా జీవన హారతి

1.అష్టసిద్ది నవ నిధుల ప్రదాతవు

  ఆనంద పరవశావస్థ సంస్థితవు

  ఇడుముల దునిమెడి ఇభవరదుడి భక్తుడవు

  ఈప్సితముల నెరవేర్చెడి తవభక్త సులభుడవు

  మంగళ మూరుతి నీకిదే మా ప్రాణహారతి

  కొండగట్టు మారుతి నీకిదె మా జీవన హారతి

2.ఉడతను సైతం బ్రోచిన శ్రీ రామబంటువు

భక్తి శక్తి ముక్తి పదములకు నీవే నిజ నిఘంటువు

ఎంతని పొగడను చింతలు దీర్చే చింతామణివీవు

ఏమని పాడను నీవే మా మనవిని విని కాచే వాడవు

మంగళ మూరుతి నీకిదే మా ప్రాణహారతి

కొండగట్టు మారుతి నీకిదె మా జీవన హారతి

 రచన,స్వరకల్పన&గానం:డా.గొల్లపెల్లి రాంకిషన్ రాఖీ 

శివుడిని మించిన ప్రేమికుడెవరు

అర్ధదేహమే ఉమకిచ్చినాడు

బ్రహ్మకన్ననూ ఇల భావుకుడెవరు

నాలుకపైన వాణికి బసకూర్చినాడు

సిరినురమున దాల్చిన హరికెవరు

ధరలో సరి ప్రణయారాధకుడు

ప్రేమ దైవంలా ఒకభావం

ప్రేమ భావనే కదా దైవం

1.రంగూ రుచీ వాసన లేనిది ప్రేమ

రూపం దేహం ప్రాణం ఉన్నది ప్రేమ

అనిర్వచనీయమైన అనుభూతి ప్రేమ

ఋజువు సాక్ష్యం లేని నియతి ప్రేమ

ప్రేమ దైవంలా ఒకభావం

ప్రేమ భావనే కదా దైవం

2.ఆకాశమంత ప్రేమ ఆకాశం ప్రేమ

కాలమున్నంత కాలం కలిగే ప్రేమ

కలకాలం కల ప్రేమ కలలలోకం ప్రేమ

ప్రేమనే ప్రేమిస్తారు వ్యక్తులను వదిలేస్తారు

ప్రేమ దైవంలా ఒకభావం

ప్రేమ భావనే కదా దైవం

 https://youtu.be/Ybf1VFS6wgs

రచన,స్వరకల్పన&గానం:డా.గొల్లపెల్లి రాంకిషన్ రాఖీ 

రాగం:శుభ పంతువరాళి

ముగియనీయవయ్యా ప్రభూ

ఈ అసమర్థుని జీవయాత్ర

తెరదించవయ్యా తప్పుకొనగ

నవ్వులపాలైననా విదూషకపాత్ర

1.అభిమానం అణువంత

అవమానం అవనియంత

వెరసి దుఃఖమే ఫలితం

నా దుర్భర జీవితమంతా

అర్ధాంతరమనకుండా ఆపివేయిస్వామి

ఆసాంతం మనకుండా నలిపివేయవేమి

2.బట్టకట్టినావు గట్టిగ నామూతికి

 విందుముందు పెట్టినావు నాకేటికి

అందుబాటులోనే ఉంది ఆనందము

అనుభవించ నోచని దౌర్భాగ్యచందము

ఉట్టికెగిరే పట్టులేదు స్వర్గయోచన హేయము

పట్టుకొందు నీపాదాలను అదియె నా కైవల్యము

 https://youtu.be/0bF52r9xxEA

రచన,స్వరకల్పన&గానం:డా.గొల్లపెల్లి రాంకిషన్ రాఖీ

 

రాగం:శివరంజని 

నాది తిరోగమనం,

నీది పురోగమనం…

కలనైన కలువలేము మనం

వీడ్కోలు నీకిదే విడిపోయే ఈక్షణం

తీరితీరాలి మరుగయే నేస్తమా

ఎప్పటికీ నీ మనోకామనం

1.తుడిచివేస్తున్నా మదిలో నీ జ్ఞాపకాలని

చెరిపివేస్తున్నా ఎదపై నీ సంతకాలని

ఎన్నడనుకోకు నాపేరైనా పలకాలని

గతకాలపు స్మృతులన్నీ చితిలో కాలని

2.పొందినాను ఆనందం నీకేది ఈయకనే

విసిగించా పలుమార్లు సాయమేది చేయకనే

ఊహించాను ఎక్కువే ఉన్నదెంతొ తోయకనే

నీ వెంటపడిపోయాను నీవేంటో తెలియకనే

 

రచన,స్వరకల్పన&గానం:డా.గొల్లపెల్లి రాంకిషన్ రాఖీ 

కావాలనుకొని ప్రేమిస్తే ప్రాణాలైనా అర్పిస్తా

విలువనీయక తోసేస్తే నీ పేరు సైతం చెరిపేస్తా

ఎదిగితే ఒదగకపోతే పడిపోక తప్పదు నీకు

బ్రహ్మరథం పట్టినవాళ్ళే ముంచగలరు మూణ్ణాళ్ళకు

1.నిను నెత్తిన పెట్టుకుంటే అలుసుగా భావించావు

కాలికింద నలిపేసి హీనంగా తలపోసావు

మందీ మార్బలాలూ ఏవీలేని సామాన్యుడిని

వందిమా గధులతొ నిన్ను అందలం ఎక్కించనివాణ్ణి

2.మాయలోన మునిగాను నీవన్నెచిన్నెలకు

భ్రమలోనె బ్రతికాను పైపైని నీ మెరుగులకు

ఎన్నాళ్ళు నీతోఉన్నా నీకునేను ఒక పిచ్చోడిని

దేవతగానే కొలుచుకున్నా నీదృష్టిలొ గుదిబండని

 రచన,స్వరకల్పన&గానం:డా.గొల్లపెల్లి రాంకిషన్ రాఖీ 

ఆశీస్సులు చిన్నారి ఆశ్రిత్ రోహన్ కు

మా అందరి దీవెనలు దీర్ఘాయుష్మాన్ భవా అంటూ నీకు

మా కన్నుల దివ్వెలతో ఇచ్చేము ప్రేమ నీరాజనాలందుకో 

మానవ్వుల అక్షతలివిగో ఉన్నత శిఖరాలనికపై నీవుచేరుకో

శుభాకాంక్షలివిగో నీపుట్టిన రోజున

శుభహారతులందుకో ఈ ఆనంద సమయాన

1.సుందరాంగ నీకిదే నిండుచంద్రహారతి

సూక్ష్మబుద్ధిగల నీకు దివ్య సూర్యహారతి

నవ్వుల వెదజల్లే నా తండ్రీ నక్షత్రహారతి

పరవశాన్ని కలిగించే నీమోముకు పరంజ్యోతి హారతి

2.దినదినము వర్ధిల్లగ నీకిదే శుభహారతి

దిష్టన్నది తగులకుండా నీకు కుంభ  హారతి   

గెలుపు నీ తలుపు తట్టగా అందుకో జయహారతి

వంశానికే మంచిపేరుతేగా గొను మంగళ హారతి

 రచన,స్వరకల్పన&గానం:డా.గొల్లపెల్లి రాంకిషన్ రాఖీ

చిత్తరువైపోయాను నీ చిత్తరువునుగాంచి

మత్తులో కూరుకపోయాను నీ మధరగాత్ర మాస్వాదించి

భువికే అందాలు పెంచావే ఏదివ్యలోకాలనుండో ఏతెంచి

సలాంచేస్తానే మీ అమ్మానాన్నలకు నినుకన్నందుకు తలవంచి

1.నీకేశ సంపద నను నిలువున ముంచదా

కురుల వంకీ మోమున వాలి ఎదలయ పెంచదా

నిగారింపు బుగ్గలు చూసి నిమురాలనిపించదా

వన్నెలెన్నొ ఒనగూరిన నీమేను హరివిల్లును మించదా

ప్రణామాలివే మీ నాన్నకు నీవంటి సుందరికి జనకుడైనందుకు

2.ఇంద్రనీల మణులేనే దీపించే నీ కనులు

చంద్రకాంత సదృశాలు నీ అజిన జానులు

పొందికగా నీకమరింది అప్సరసల దేహసౌష్ఠవం

మంత్రముగ్దులవ  జేస్తుంది నీ గాత్ర సౌరభం

వందనాలివే మీ అమ్మకు వాసిగ నిను కని ఇచ్చినందుకు

 https://youtu.be/GWb2beg4d3Y

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:హిందోళం

నీది చేతకానితనమో

నీకు న్యూనతా భావమో

పదే పదే నిన్ను ప్రార్థించిన ప్రతిసారి

నీ పదముల తలనిడి నేనర్థించిన తూరి

శ్రీ వేంకటాచలపతి ఏదీ నీ చమత్కృతి

వ్యర్థయత్నమా వేడగా నీ శరణాగతి

1.పుక్కిటి పురాణాలా నీ మహిమలు

అక్కరకే రాకుంటే ఎందుకు నీలీలలు

ఉబుసుపోక రాసినవా నీ పావన చరితలు

ఉత్తుత్తి కథలేనా నీ అవతార గాథలు

జయహో వేంకటపతి ఏదీ నీ చమత్కృతి

నీరుగారి పోయిందా నీ శరణాగతి

2.దోపిడి దొంగవు నీవు ఆరోగ్యం దోచావు

పోకిరి పోరంబోకువు ఆనందం త్రుంచావు

నీ జోలికి వచ్చామా మమ్ముల ముంచినావు

కోరికేమి కోరామని బ్రతుకు బుగ్గి చేసినావు

నమోనమో తిరుమల శ్రీపతి ఏదీనీ చమత్కృతి

పునరుద్ధరించుకో స్వామీ నీ శరణాగతి

 https://youtu.be/xszbhtdb3WA

రచన,స్వరకల్పన&గానం:డా.గొల్లపెల్లి రాంకిషన్ రాఖీ

మగ్గిన మామిడి పండే నీ సోయగం

గుప్పను సిరి మల్లెచెండు నీ సౌరభం

పరిపక్వమైన నీ పరువం శృంగారనైషధం

విరహాగ్నిన కాలే నాగుండెకు నీవే పరమౌషధం

1.నిండు చంద్రబింబమే ప్రియా నీ వదనం

  పండువెన్నెల వర్షించేనది నాపై అనుదినం

మచ్చల జాబిలి తూగదు నెచ్చెలీ నీకుపమానం

పుట్టుమచ్చ తెచ్చేను నీమోముకు మిక్కిలి చక్కదనం

2.నవ్వితే రాలు పారిజాతాలే  నీ పెదవంచుల్లో

వెతికినా అగోచరాలు నీ వయారాలు రాయంచల్లో

ముంచేయవే సుధ గ్రోలగా హద్దెరుగని ముద్దుల్లో

బంధించవే సందిట ప్రేయసీ నన్ను సందెపొద్దుల్లో

 https://youtu.be/1UIQnCZ68Cw

రచన,స్వరకల్పన&గానం:డా.గొల్లపెల్లి రాంకిషన్ రాఖీ

ప్రేమ స్వరూపుడు కాముని జనకుడు

మదన గోపాలుడు గోపికా లోలుడు

ప్రణయారాధకుడు రాధా మాధవుడు

నాకు ఆరాధ్యుడు అనుభవైకవేద్యుడు

వందే బృందావన సంచారి

వందే భక్తాంతరంగ విహారి

1.నవనీత చోరుడు వరాసి చోరుడు

మీరా మానస చోరుడు మచ్చిచ్చోరుడు

మురళీధరుడు శిఖిపింఛ ధరుడు

వైజయంతి మాలాధరుడు శ్రీధరుడు

వందే బృందావన సంచారి

వందే భక్తాంతరంగ విహారి

2.నందనందనుడు ఆనందవర్ధనుడు

మన్మోహనుడు ఘనశ్యామసుందరుడు

గోవర్ధన గిరిధరుడు గోవిందనామాంకితుడు

లీలామానుష వేషధరుడు మురహరుడు

వందే బృందావన సంచారి

వందే భక్తాంతరంగ విహారి

https://youtu.be/1UIQnCZ68Cw

 https://youtu.be/P_iz-SKtS6k

రచన,స్వరకల్పన&గానం:డా గొల్లపెల్లి రాంకిషన్ రాఖీ

రాగం:యమన్ కళ్యాణి

శివ కళ్యాణము విశ్వ కళ్యాణమే

శివరాత్రి వ్రతముతో జీవకైవల్యమే

కనరండి కనులారా శివభక్త జనులారా

తరించండి తిలకించి తనువుల తపనలార

ఓం నమః శివాయ,జయ శ్రీరామలింగేశ్వరాయ

1.శివరత్న క్షేత్రమౌ అయ్యంకి పవిత్ర ధాత్రిన

వరలుచున్నాడు ఇల మొరలాలకించుతూ

శ్రీరామలింగేశ్వరుడు గంగా పర్వతవర్ధినియుతుడు

శరణాగతవత్సలుడా శంభుడు భక్తవ శంకరుడు భక్త వశంకరుడు

2.గంగను భరించి భర్తగమారిన భవహరుడు

లింగోద్భవ ఘట్టాన హరి బ్రహ్మల కందనీ దురంధరుడు

చెంబుడు నీళ్ళకే సంబరపడు గంగాధరుడు

అంబరమును అంబరముగ మేన దాల్చె దిగంబరుడు

3.మతితప్పి గతిగానక సతికై దుఃఖించిన భవుడు

పార్వతినే తపమాచరించి వరించిన అర్ధనారీశ్వరుడు

శ్రుతి లయ తామై జగతినే మురిపించగా మా ఉమాధవులు

వధూవరులై పరిణయమాడిరి విధిగా భవానీ భార్గవులు

 అందముంది అదిచాలు అందరూ పడిపోతారు

కవనము గానం ఉందా సదా ఫిదాలై పోతారు

1.పెద్దపీట వేస్తారు పెత్తనాలు సమకూరుస్తారు

చనువు చొరవా ఉన్నాయంటే సాగిలపడిపోతారు

2.అందలాలనెక్కిస్తారు పదవులేవొ ఇచ్చేస్తారు

అందుబాట్లొ ఉన్నామంటే వందిమాగధులౌతారు

3.గోరంతకు కొండంతగా అండదండలందిస్తారు

ఉబ్బితబ్బిబ్బు చేసేస్తూ ఊరంత ఊరేగిస్తారు

4.*క *కా *కీ ల కెవ్వరూ అతీతులు కారు రాఖీ

కాగల కార్యానికి గంధర్వులే దివి దిగి వస్తారు

*క-కనకం

*కా-కాంత

*కీ-కీర్తి

 https://youtu.be/9yCPjxRQ2Xk

రచన,స్వరకల్పన&గానం:డా.గొల్లపెల్లి రాంకిషన్ రాఖీ

గజల్ కాదు,పాటకాదు.. ఇది నా గుండెకయిన

గాయము, హృదయ రుధిరము,నా నయన సలిలము

గుబులేదో దిగులు పెంచె నమ్మవేమే  ప్రేయసీ

గుండెనే ముక్కలాయే నన్ను ఖాతరు చేయకుంటే

నర్మగర్భపు మాటలేవో నమ్మతోచెనె ప్రేయసీ

ఆశలే అడియాసలాయే బాస పాతర వేయుచుంటే

మదిని మస్తుగ శోధించా మరో పేరుకోసం ప్రేయసీ

నిలువెత్తు నీరూపే చిత్తరువుగ నిలుచుంటే

మనమధ్యన ఉన్నబంధం మచ్చలేనిది ప్రేయసీ

నీలెక్కకు అదిశూన్యం నా దృష్టిలో అమూల్యమంతే

పట్టుకొని పాకులాడితే బెట్టు పెరుగదా రాఖీ

తేలికగా వదిలేయ్ నేస్తం  తెప్పరిల్లగలవంతే

 https://youtu.be/vkdGuH5gYmE

*HAPPAY PROPOSAL DAY*

❤️LOVELY🌹MORNING❤️

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:అమృత వర్షిణి

ఎదలో దాగిన నా నివేదన

పెదవే దాటని ప్రేమ భావన

నను నీకే అంకితమిచ్చె ఒకేఒక  ప్రతిపాదన

నీ ముందుంచా ప్రియతమా పరవశాన

కాదనవనే నమ్మికతో ఈ శుభోదయాన

1.ఎదురుగా నీవుంటే ఏదో అలజడి

నా మనసు మెదడు ఎపుడూ కలబడి

వివేకం చేతిలో హృదయానుభూతి ఓడి

విప్పలేక పోయాను నా ఊసుల మూటముడి

2.నీ కొంటె చూపులో సరి కొత్త భాషలు 

సొగసైన నీ నవ్వులో ప్రేమ సందేశాలు

నాతో ఉన్నపుడు నువుపొందే సంతోషాలు

పురులు విరియ జేసాయి నాలోన ఆశలు

@everyone

https://youtu.be/vkdGuH5gYmE

 https://youtu.be/tvHDgxfDkz0

రచన,స్వరకల్పన&గానం:డా.గొల్లపెల్లి రాంకిషన్ రాఖీ

వాడని గులాబి నా హృదయం

నీ మంజుల పదముల ముందుంచా ఈ ఉదయం

ఎన్నాళ్ళుగానో వేచిన శుభసమయం

ఆసన్నమాయె చేయవే ప్రేయసీ…నాభవితను రసమయం

1.ఎప్పుడు పడిపోయిందో

  ప్రేమబీజం నా మదిలో

  మొలకెత్తింది నీ రూపై

  నా జీవన మధువనిలో

2.అరవిరిసిన ఎదరోజాను

అర్పించా నీ ఆరాధనకై నేను

నా ప్రణయ  దేవివి నీవేనూ

నను చేరదీయవే నీవాడిగాను

3.నివేదించాను గాని వేదించలేదే

అడుగుజాడల నడిచా వెంటాడలేదే

ఓపిగా నిరీక్షించా విసిగించలేదే

అభిమానం చూరగొన్నా నిరసించలేదే

 

https://youtu.be/9ac52eNVTDc?si=SEylgAhKXoc0l9YG

రచన,స్వరకల్పన&గానం:డా.గొల్లపెల్లి రాంకిషన్ రాఖీ

సిరిగిరి సిగరాన జంగమయ్యవు మాతండ్రి మల్లన్న

కొమురెల్లి గట్టున నువ్వు కురుమ పట్నాల మల్లన్న

వేలాల గుట్టమీద నీ సత్తెముంది మల్లన్న

రత్నపూర్ పల్లెనుంటివి దూదికండెల మల్లన్న

ఊరేదైనా పేరేదైనా నీతీరు సక్కంది మల్లన్నా

కడుపుల వెట్టుక కాసుకుంటవు మమ్ముల మల్లన్నా

1.ఈసుగాంలోన ఎలిశావు ఈశుడవై మల్లన్నా

ఐనవోలున ఉన్నావు నీవు మైలారూ మల్లన్నా

ఓదేలు గ్రామానా ఖండీశునివి నీవే మల్లన్నా

గట్టుమల్లన్నవు లొద్ది మల్లన్నవు ఆడీడ అంతట నీవె మల్లన్నా

2.కోనెపల్లి లోన కొలువుండినావు దండి మల్లన్నా

పెద్దాపురాన పెద్దమనసునీదని పేరొందినావు మల్లన్నా

మాలేగాంలోనా ఖండోబా సామిగ నీవుండినావు మల్లన్నా

ఎములాడ రాజన్న శ్రీ రామలింగన్న అన్నీ నీవే రాజమల్లన్నా

 

https://youtu.be/m7VfM5Jo6P4

రచన,స్వరకల్పన&గానం:డా.గొల్లపెల్లి రాంకిషన్ రాఖీ

నమక చమక స్తోత్ర సహిత నిరతాభిషేక ప్రియా

కాలకూట గరళకంఠ మహాదేవ మృత్యుంజయా

శ్రుతి లయ గతి  గమక సంగీతశాస్త్ర గురువర్యా

తకిటతధిమి తాండవలోలా నటరాజా నమఃశివాయా

1. త్రినేత్రా త్రిశూలహస్తా త్రిగుణాతీత త్రిభువన పాలా

చతుర్వేదార్చితా చతురానన వినుతా చంద్రచూడ కాలకాలా

పంచభూతాధినేత పంచాస్యా పంచాక్షరీ నామ విలోలా

షణ్ముఖ జనకా షడంగపోషకా షట్చక్రసంస్థితా క్ష్వేళగళా

2.సప్తవ్యసన హారాకా సప్తస్వరాత్మకా సప్తజన్మ పాప నాశకా

అష్టదిక్పాల పాలకా అష్టైశ్వర్య దాయకా అష్టకష్ట నివారకా

నవరసపోషకా నవగ్రహాధినాయకా నవనిధి ప్రదాయకా

దశదిశ వ్యాపకా దశావతారి రూపకా దశమహా విద్యా ప్రదీపకా

 https://youtu.be/-pQWCOb-6FI

రచన,స్వరకల్పన&గానం:డా.గొల్లపెల్లి రాంకిషన్ రాఖీ

తడిసిన నా తలగడనడుగు ఎన్నిత్రాగిందో కన్నీళ్ళను

రేయంతా నిద్రమాని గదిలోని దీపమెలాకందో నా వెక్కిళ్ళను

1.సాగరఘోషలాగా నాఊపిరి ధ్వనిస్తూ నాకే వినిపిస్తూ

యుద్ధనగారా మ్రోగినట్లు అలజడి చెలరేగినట్లు ఎద సవ్వడి చేస్తూ

2.తలచి తలచి నాలో నేనే కుమిలి కుమిలి విలపిస్తూ

వేచి వేచి నీకై వగచి నిరాశతో నే నిట్టూర్చి వలపోస్తూ

3.దగ్గరగా భావిస్తుంటే దూరంగా నను నెట్టేస్తూ కాళ్ళను కట్టేస్తూ

దూరమై చేజారావనుకొని బేజారైన వేళల్లో చనువిస్తూ మైమరపిస్తూ

 https://youtu.be/QtLkdXqbLl4

రచన,స్వరకల్పన&గానం:డా.గొల్లపెల్లి రాంకిషన్ రాఖీ

ఎంతటి అక్కసు ఏమిటి ఆ  అసహనం

సంకుచితత్వంతో మానవతకు హననం

ఊరందరి దారివీడీ నీవే ఉలిపికట్టెగామారి

కట్టబోకు నీలో మరుగునపడిన  మనిషికి ఘోరి

1.కలం కులం ఊసిక ఎత్తిందా అది అభాసే

మతం వెంట అభ్యుదయం పడిందా మసే

తరాలుమారినా తలరాతలుమారినా ఇంకా కసే

తాతల మూతుల వాసన తలపుండు కెలుకు రసే

2.నది వరదను దాటించిన కాంతను యతిదించినా

ఆశ్లీలత పేనుకొంటు మోయడమే కుమతి వంచనా?

చావూ పుటకలు ఉచితా నుచితాల నెంచక వాదించేనా!

ఔనన్నదికాదని కాదన్నది ఔననడమే వెర్రిమొర్రి యోచన

@everyone

 https://youtu.be/CijhdKgnKBU

రచన,స్వరకల్పన&గానం:డా.గొల్లపెల్లి రాంకిషన్ రాఖీ

ఉండునా తండ్రీ పుండరీకాక్షా జనులకీ ఇలను

దండించగా నరకములు ఇహపరమ్ములనూ రెండు  మెండుగను

దాటవలెనేమో వైతరణి మేము బడయగా రౌరవాదులను

కడచుటెటులో తిరుమలేశా  జరా మరణాలను దీర్ఘ వ్యా ధులను

1.రక్తపోటులు గుండె పోటులు కాలనాగుల కాటులు

 మధుమేహవ్యాధులు పలురాచవ్రణములు అవి కత్తివేటులు

నలతలెన్నో కలతలేన్నో తట్టుకోజాలని తలపోటులు

ఏనాడు ఏతీరు సలిపితిమొ కడు తీవ్ర దోషాలు పొరపాటులూ

2.సంతోషమన్నది కలనైనఎరుగని మా మోడు బ్రతుకులు

ఉల్లాసమన్నది ఊసైన కనలేని దినదినపు గతుకులు

ఎన్ని ఉన్నాగాని అనుభవమ్మేలేని మామూలు జీవితాలు

ముంచననన్నా ముంచు మంచిగా బ్రతికించు ఏదైననూ మాకు మేలు

 రచన,స్వరకల్పన&గానం:డా.గొల్లపెల్లి రాంకిషన్ రాఖీ

మధిర త్రాగితే మత్తు కొందరికి

మధువు గ్రోలితే మత్తు కొందరికి

కైపెక్కుతుంది రాగానే నీ ముందరికి

మైకమన్నది మారు పేరు నీవంటి సుందరికి

-రసమంజరికి

1.సారాయిలో ఓలలాడె ఉమర్ ఖయ్యాము

అనార్కలి ప్రేమలో సమాధి ఐనాడు సలీము

 లైలాను వలచి ఐనాడు నాడు మజ్నూ గులాము

ఉన్మత్తుల జేస్తుంది ఎవరినైనా నీ అపురూప రూపము

2.భ్రమరమునై భ్రమిసి పోతాను నిను గనినంత

బ్రాంతిలో మునుగుతాను నను నేనే మరచినీచెంత

నువురాకుంటే చింత వచ్చాక వెళ్ళిపోతావని చింత

మంత్రంవేస్తావో మాయలు చేస్తావో నీబానిస నవక పోతెనే వింత

 https://youtu.be/gE227kQLKbU

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:దర్బార్ కానడ

స్వరములు ఏడే సరిగమపదని

పంచుతాయి వీనుల విందగు సుధని

ఎదలకందించుతాయి ఆహ్లాద మధురిమని

ఆలపించినా ఆలకించినా గానం ఉభయతారణి

1.అలసిన మేనుకు వింజామర పాట

విసుగు చెందియున్నవేళ మదికూరట

ఎడారి దారులలో ఎదురయే తేనె ఊట

ఏకాకి జీవితాన ఏకాంతవాసాన నేస్తమంట

2.కాలిన గుండెలకు హాయగు నవనీతం

  మండే వేసవిలో తుషార జలపాతం

వసంత యామినిలో మంజుల మారుతం

నలతల కలతల నోకార్చే ఔషధం గీతం

 https://youtu.be/Z5YXvrqTYTM

రచన,స్వరకల్పన&గానం:డా.గొల్లపెల్లి రాంకిషన్ రాఖీ

నిత్యపూజలివె నీకు నరకేసరి

ప్రత్యక్ష దైవమా ధర్మపురి నరహరి

భక్తిమీర కొలిచేము శంఖచక్రధారి

అనురక్తి మము బ్రోవవే శ్రీహరి

1.ప్రాతఃకాలాన సుప్రభాత గీతాలు

గౌతమీ తీర్థముతొ దివ్యాభిషేకాలు

పంచోపనిషత్తుల సహితమైన సన్నుతులు

జనుమంచి వంశజులచే శ్రీగంధ లేపనాలు

తులసి కుంకుమార్చనలతొ కైంకర్యాలు

ఘనపాఠీలు అర్చకస్వాముల ఆరాధనలు

2.అనునిత్య కళ్యాణ ఉత్సవాలు

కుంభ నక్షత్రాది పంచవిధ హారతులు

పులిహోర చక్కెర పొంగళినైవేద్యాలు

యాత్రీకులందరికి నిత్యాన్నదానాలు

తీర్థ ప్రసాదాల నిరంతర వితరణలు

రాత్రివేళ స్వామీ పవళింపు సేవలు

*_నా youtube channel కి ఇంకా సబ్ స్క్రైబ్ చేయకుంటే దయచేసి చేయండి,చేయించండి_*

 https://youtu.be/mQewJLr5uy0

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:మధ్యమావతి

పరమదయాళువు నీవు వీర రాఘవా స్వామీ

తిరువళ్ళూరు తిరవాసా నీకు నమోనమామి

పద్మనాభ  పురుషోత్తమ పాహి ఫణిపతి శయనా

ఆయురారోగ్య వరదా దేహిమే సూర్యచంద్ర నయన

1.నినునమ్మి కొలిచితె చాలు సమసేను దీర్ఘవ్యాధులు 

నిను మది తలచితె చాలు  తొలగేను మనోరుగ్మతలు  

సకలరోగ ఔషధాలు నీ చెంతన సులువుగా లభ్యము

మా చింతలు దీర్చే చింతామణి నీవన్నది సత్యము

2.వసుమతి నామాంతర కనకవల్లి ప్రియపతివి 

వైద్య వీర రాఘవమూర్తిగా వరలు విష్ణుమూర్తివి

శాలిహోత్రమహాముని తపఃఫలాన ఇలవెలిసితివి

పరిమళ తైలాభిషేక అభిలాషివి క్లేశనాశి పెరుమాళ్ళవి

 https://youtu.be/Ej78zAEoWLA

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాధను కాదన్నాడు-మీరాను మరిచాడు

అష్టభార్యలున్నా నిన్నే ఇష్టపడినాడు

గోపికలు వేలున్నా నీవెంట పడినాడు

అంగజ జనకుడినే అలరించిన మంజులతాంగి

సంగతులు పలుకవా నీ అంగాంగం కనగ నా ఎదపొంగి

1.లక్షకావ్య రచన చేయవచ్చు నీ మేని లక్షణాలకు

కోటి కృతులు వెలయింపవచ్చు నీబోటి ఆకృతులకు

వందలాది ప్రబంధాల్లొ వర్ణణలేదు నీ అందచందాలకు

కనీవినీ ఎరిగిన దాఖలాయేలేదు సఖీ నీసోయగాలకు

2.మేనక వెనక పడకపోవు విశ్వామిత్రుడు నీవెదురైతే

అహల్య శిలగా మారే వ్యధ తప్పెడిది ఇంద్రుడు నినుచూస్తే

శకుంతలకు చింతదూరమయ్యడిది దుష్యంతుడు నినుగాంచితే

పరమశివుడు నిన్నే మోహించెడివాడు నువు తారస పడితే

 https://youtu.be/B_iIwz-5QiM

రచన,స్వరకల్పన&గానం:డా.గొల్లపెల్లి రాంకిషన్ రాఖీ

మనిషంటే కులం ?-మనిషంటే మతం?

మానవీయమయ్యింది ఎపుడో విగతం !

నా సువిశాల దేశంలో సంకుచిత సమాజంలో

లౌకికతకు ఏదీ ఊతం ఏకత్వాని కేల విఘాతం

1.కులం ఫలానా మతం ఫలానా అంతమాత్రమేనా

భారతీయత జాతీయత పౌరులమదిలో హుళుక్కేనా

ప్రలోభాలకు ప్రభావాలకూ ఓటెప్పటికీ తాకట్టేనా

నోటును ఓటుగ మార్చే గారడి ఆటలు ఇక కట్టేనా

2.నేను నాది నాస్వార్థం బాటలో దేశయవత

చిన్ని నా బొజ్జకు శ్రీరామరక్షగ మారిన మానసికత

ఓటువేయుటకు సెలవిస్తే ఇల్లే దాటని అలసత్వం

ఓటుకు ఉన్న విలును ఎరిగితె నవ్య రాజకీయం

భవ్య భారతీయం

*Plz subscribe to my youtube channel CLASS*

 

https://youtu.be/oKYRZuXeKaU

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రోమ రోమమున రాముని నిలిపిన హనుమా

కామక్రోధ లోభాది వైరుల సత్వరమే దునుమాడుమా

వేడుచుంటిమి నిగ్రహమీయగ మాప్రార్థన వినుమా

కపివర ప్రముఖా కనికరమున మము దయగనుమా

1.అంబోధిని లంఘించి లంఖిణి మదమణిచేసి

అశోకవనమును చేరి అంగుళీయక మందజేసి

అవనిజ దుఃఖము నొకింత దూరము జేసి

సుందరకాండకు శూరుడవైతివి మారుతీ వెరసి

2.ఇంద్రజిత్తు బాణానికి సౌమిత్రి మూర్చనొందగ

జాంబవంత నీలాదులు నీ వీరత్వము పొగడగ

సంజీవినీ పర్వతమే పెకిలించి అరచేత గొనితేగా

అక్కున జేర్చెను నినురాముడు లక్ష్మణుడు కోలుకొనగా

 https://youtu.be/Z49o80_z5wM

రచన,స్వరకల్పన&గానం:డా.గొల్లపెల్లి రాంకిషన్ రాఖీ

అలనాటి మిత్రవిందవు

మదిదోచేటి నేత్రవిందువు

స్త్రీమూర్తి రూపు దాల్చిన ఇంద్రధనువువు

సృష్టిలోని సౌందర్యానికి నీవే కేంద్ర బిందువు

1.అప్సరసలు భువి దిగివస్తారు 

అందపు చిట్కాల కొరకు

దేవకన్యలు దివి నొదిలొస్తారు

నీ సొగసు గుట్టెరుగుటగకు

వెన్నెల వన్నెవు నున్నని వెన్నవు

2.తపస్సులే చేస్తారు మునివరులు

నీ కడగంటి చూపుకొరకు

దీక్షనే వదిలేస్తారు బ్రహ్మచారులు

నీ మునిపంటి నొక్కులకు

సూదంటు రాయివి సురలోక హాయివి

 రచన,స్వరకల్పన&గానం:డా.గొల్లపెల్లి రాంకిషన్ రాఖీ

కురుల కుప్పలు-వాలు రెప్పలు

చెవుల బుట్టలు-చెంప సొట్టలు

నిను చూస్తూవేస్తాయి నా   కనులు లొట్టలు

విచ్చుకుంటె చాలుపెదాలు నవ్వు కాటపట్టులు

1.ఎపుడూ ఎరిగినవైనా ఏదో ఓ కొత్తదనం

ఆవిష్కరిస్తుంది నీ మేనులొ నా కవనం

అరువుతెచ్చుకుంది తావి నిను కోరి దవనం

నీతో ఉంటె నిత్యనూతనం చెలీ నా జీవనం

2.మోము చూస్తు గడిపేస్తాను జీవితకాలం

మోవి ముద్దాడు ఊహనే రేపేను కలకలం

అపురూప అందాలకే నీరూపు ఆలవాలం

పరవశించి పోతుంది నిను పొగిడి నా కలం

 

https://youtu.be/Qq7FyrpbWxg

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:సారమతి

ననుగన్న తండ్రివీ దిక్కువు దైవము

అన్ని నీవేనయ్య నరసింహ నమ్ముము

పుట్టిబుద్దెరిగినా ఆనాటినుండి అను నిత్యము

మరువకుంటిని స్వామి మదిలోన నీ నామము

సంతోషమన్నది స్వప్న సదృశమాయే

దిగులుతో దినదినము ఆక్రోశమాయే

1.ప్రహ్లాద వరదుడా నీకేది కనికరము

ఎరిగించవయ్య వేగిరమె నా నేరము

కనులార నీరూపు కాంచితినె శ్రీకాంత

నోరార నీ భజన చేసితిని నీ చెంత

పక్షపాతము వీడు పాహి నను కాపాడు

పక్షివాహన శరణు ప్రభో నీవె నా తోడు

2.కూటికే నోచక బిచ్చమెత్తిన వాడు

చదువు సంధ్యలు చాల నేర్వని వాడు

నీ దాసుడాయెనూ శేషప్ప కవివర్యుడు

శతకాలు వ్రాసి నాడు నీ కృప నొందినాడు

నుతియించినా నన్ను గతిగానవైతివి

పతిత పావన నా మెరలు వినవైతివి

 

https://youtu.be/NCkr_EO8a4o

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:చక్రవాకం

రూపును వర్ణించితి-గుణములు కీర్తించితి

నీ ఉనికిని మరిమరీ నొక్కివక్కాణించితి

లీలలను మహిమలను గీతాలుగ పాడితి

నిజముగనే నీనామ భజనమునే చేసితి

ఓం నమః శివాయ ఓం నమః శివాయ

1.పొల్లుపోకుండగనూ కవితలు వెలయించితి

   ఉన్న ప్రతిభనంతటినీ నీకై కుమ్మరించితి

   తనువు మనసు ధనము నీకోసం వెచ్చించితి

   మదిలో  మాటలొ పనిలో శివా నిన్నే నిలిపితి

   ఓం నమః శివాయ ఓం నమః శివాయ

2.ఒకవైవే ఉంటే ఎలా హరహరా శ్రద్ధాసక్తులు

కడగళ్ళతో అలమటించాలా నాలా నీ భక్తులు

చాలవు అధిగమించ నీ దయలేక మాశక్తియుక్తులు

సంస్తుతి నిందాస్తుతి నిన్నేవీ కదిలించవా మా అభివ్యక్తులు

ఓం నమః శివాయ ఓం నమః శివాయ

 రచన,స్వరకల్పన&గానం:డా.గొల్లపెల్లి రాంకిషన్ రాఖీ

అక్కునచేర్చుకుంటుంది దుఃఖనది

సాంత్వన చేకూర్చుతుంది ఏకాంత మదిగది

ఎవ్వరు వెలివేసినా నిను పలుచన చేసినా

ఆశ్రయమిస్తుంది నేస్తమై మౌనమన్నది

1.కొడిగట్టే దీపానికి  వత్తిని నలుపకు

కొండెక్కే చెమ్మెలోన చమురుపోయకు

వెలిగిందిగా పాపం వెలిగినంత కాలం 

విశ్రాంతి గైకొననీ తననిక జీవితకాలం

2.అంతన్నది ఉంటుందా నీవింత ఆశలకు

అశించుటే కదా హేతువు నీ అనర్థాలకు

సామ్యము దైన్యము నీకేలరా పొత్తులకు

తగినశాస్తి తప్పదు ఎప్పటికీ ఉన్మత్తులకు

-నీ వంటి ఉన్మత్తులకు

 రచన,స్వరకల్పన&గానం:డా.గొల్లపెల్లి రాంకిషన్ రాఖీ

వాడి తగ్గిపోయిందా నీ సుదర్శనం వాడి వాడి

సొట్టలు పడిపోయిందా కౌమోదకి మోదిమోది

పదును కోల్పోయిందా నీ ఖడ్గము నందకానిది

మూల జేరిపోయిందా నీ సారంగము నారి తెగి

ఏమైంది స్వామీ నీకు దుష్ట శిక్షణా లక్ష్యము వీగి

చతికిల పడిపోయావా బాలాజీ నువు చేష్టలుడిగి

1.సిరి సహురిలతో నిరంతరం సరసాలా

నైవేద్యాలలో చక్కెర పొంగలి పాయసాలా

లడ్డూ దద్దోజనాలూ ఆరగించ ఆయాసాలా

భక్తుల ముడుపులతో సరదాలు విలాసాలా

ఏమైంది స్వామీ నీకు దుష్ట శిక్షణా లక్ష్యము వీగి

చతికిల పడిపోయావా బాలాజీ నువు చేష్టలుడిగి

2.ఖండించు మాలోదాగిన దుష్ట శక్తులను

దండించు మదిలోని దానవీయ యుక్తులను

నిర్జించు అంతరాన పెట్రేగే దుర్జన మూకలను

సరిదిద్దు మా బ్రతుకును మెలితిప్పే వంకలను

ఏమైంది స్వామీ నీకు దుష్ట శిక్షణా లక్ష్యము వీగి

చతికిల పడిపోయావా బాలాజీ నువు చేష్టలుడిగి

 https://youtu.be/H8N2AAtzrDw

*రథసప్తమి శుభాకాంక్షలు*28/01/2023

రచన,స్వరకల్పన&గానం:డా.రాఖీ

తిమిరాన్ని పరిమార్చే అరుణభాస్కరా

జీవదాతవీవే పరంజ్యోతివీవే కరుణాకరా

చంద్రునికోనూలుపోగు చందాన రవీ నీకు నీరాజనం

నీవులేక మనుగడ సాగించలేరు మా ధరణి జనం

1.సప్తాశ్వరథా రూఢుడవు

సప్తవర్ణ సమ్మిళిత కిరణుడవు

కర్మసాక్షివీవు ధర్మం తప్పని వాడవు

నవగ్రహాధినేతవు అనుగ్రహ దేవుడవు

మంగళ హారతిదే మిత్రుడా

అక్షర హారతిదే ఆదిత్యుడా

2.సంధ్య ఛాయల ప్రియ పతివి

యముడు శనిదేవుల పితరునివి

ఆహార ఆరోగ్య వరప్రదాతవు నీవు

ప్రత్యక్ష నారాయణమూర్తి నీవు ఆర్తిని బాపేవు

కర్పూర హారతిదే కమలాప్తుడా

నక్షత్ర హారతిదే నమస్కార తుష్టుడా

 

https://youtu.be/MWLlb-tC568?si=9itduX73YdGNIHTu

రచన,స్వరకల్పన&గానం:డా.గొల్లపెల్లి రాంకిషన్ రాఖీ

వేడకు నన్ను ఆజ్ఞాపించు

అడగకు నన్ను పురమాయించు

నీ సేవ చేసుకొనుటె నాకు భాగ్యము

నీ పద దాసునిగా కడతేరిన ధన్యము

1.కడగంటి చూపులకే కరిగిపోతాను

పెదవంచు నవ్వులకే మురిసిపోతాను

ఒక్క పలకరింపు కొరకై అర్రులు చాస్తాను

దర్శనమిస్తివా ప్రేయసీ పరవశించి పోతాను

2.కలయిక కలయిక నడుమన స్థాణువునౌతాను

నువు నడిచిన దారులలో దుమ్ము రేణువునౌతాను

రోజొకపరి ననుతలవగ మంత్ర ముగ్ధుడనవుతాను

శ్రద్ధను కనబరచితివా నీ ప్రేమాగ్ని దగ్ధుడనవుతాను

https://youtu.be/0hu-3sjaMg4?feature=shared

 రచన,స్వరకల్పన&గానం:డా.రాఖీ

శ్రీ లలితా పరాభట్టారికా

శ్రీ రాజ శ్యామలా మణిద్వీపనగరి ఏలికా

శ్రీ చక్రరాజ సింహాసనేశ్వరీ జగదంబికా

శ్రీ రాజ రాజేశ్వరీ శ్రీవిద్యా శివాత్మికా

నమస్సులు నీకివే మానసా దేవీ

రుచస్సును నింపవే మామదిలో మంజులభార్గవీ

1.సూర్యకాంతి జగతికి ఐనా తిమిరమె మాకు

నెలకో పున్నమి లోకానికి చీకటే మా కన్నులకు

కన్నతల్లివే గదా గతుకులేలా మా పథములకు

జీవశ్చవాల రీతిగడుప తగునా నీ పుత్రులకు

నమస్సులు నీకివే మానసా దేవీ

రుచస్సును నింపవే మామదిలో మంజులభార్గవీ

2.ఏడాదికి ఒకమారు వస్తుందిగా వాసంతము

ఎడారిలోనూ కురియునెప్పుడో చిరు వర్షము

ఏది ముట్టుకున్నా ఔతోంది అంతలోనే భస్మము

ఈ జన్మకు లేదా మరిమా బ్రతుకుల హర్షము

నమస్సులు నీకివే మానసా దేవీ

రుచస్సును నింపవే మామదిలో మంజులభార్గవీ

 రచన,స్వరకల్పన&గానై:డా.గొల్లపెల్లి రాంకిషన్ రాఖీ

రాగం:అమృతవర్షిణి

వందనమిదె శ్రీ వాణీ

విద్యాదేవి వీణాపాణి

శరణు శరణు వేదాగ్రణి

శరణు తల్లీ విధిరాణి

1.నా ఆరాధ్య దేవతవు

నా హృదయ  సంస్థితవు

నా మానస వికసితవు

నా కవన విలసితవు

2.పాలించవె నలువరాణి

పలికించవె నుడుగుల చెలి

దయజూడవే ధవళాంగి

మముగావవే మేధావిని

 https://youtu.be/Wjn8Gtkq068

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:అభేరి(భీంపలాస్)

పంచవిధ కృతులతో సుప్రభాతం

పంచోపనిషత్తులతో నిత్యాభిషేకం

పంచభక్ష్యాలతో హృదయనైవేద్యం

పంచ జ్యోతులతో దివ్యనీరాజనం

నరహరే భక్తవరద నీకిదే శ్రీ చందనం 

ధర్మపురి హరీ స్వామి సాష్టాంగ వందనం

1.గోదావరి దరి అంచున జన్మించితిమి

నీ పాదాల పంచన నే జీవించితిమి

తల్లి తండ్రీ గురువుగ నిన్నెంచితిమి

కనురెప్పగ కాచెదవని విశ్వసించితిమి

మమ్మేలే మా రాజువని భావించితిమి

నరహరే భక్తవరద నీకిదే శ్రీ చందనం 

ధర్మపురి హరీ స్వామి సాష్టాంగ వందనం

2.ప్రతిరోజూ ఇరుసంధ్యల నీదర్శనం

మా మది భక్తి ప్రత్తులకది నిదర్శనం

అనుక్షణం అభయమొసగు నీ సుదర్శనం

ఇహపర సుఖదాయకం నీక్షేత్ర సందర్శనం

పావన ధర్మపురి తీర్థ క్షేత్ర సందర్శనం

నరహరే భక్తవరద నీకిదే శ్రీ చందనం 

ధర్మపురి హరీ స్వామి సాష్టాంగ వందనం

 https://youtu.be/ClaJw-nUoJE

రచన,స్వరకల్పన&గానం:డా.గొల్లపెల్లి రాంకిషన్ రాఖీ

కూపస్థ మండూకాన్ని

వ్యవస్థకు తూగని తూకాన్ని

నాకు నేనైన ఓ లోకాన్ని

నేనో పిచ్చి మాలోకాన్ని

1.పెద్దగా సాధన చేయను

ఏమంత వాదన చేయను

కాకిపిల్ల కాకికి ముద్దులా

కవితలెన్నో రాస్తుంటాను

2.ఎదుటి వారి ఊసేగిట్టదు

ఎవరేమను కున్నా పట్టదు

అందలాల  ఆశైతే గిట్టదు

అంతర్ముఖుడి నవగా తట్టదు

 రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాధా రాధా నా ప్రణయ గాధ

కృష్ణాకృష్ణా నీవేలే నా జీవనతృష్ణ

సృష్టి ఉన్నంత కాలం విశ్వమంత విశాలం

మన అనురాగం మధురస యోగం 

మన సంయోగం  అపవర్గం

1.నా రేయికి హాయిని కలిగించే వెన్నెలవీవు

నా నోటికి ఉవ్విళ్ళూరించే వెన్నవు నీవు

నీ పదముల కంటిన మట్టిరేణువునే నేను

నా తలనలరించిన నెమలి పింఛము నీవు

2.శ్రుతివే నీవు లయను నేనైన గీతిగా

మువ్వలు నేను మురళివి నీవైన కృతిగా

యుగయుగాలుగా తీరని చిగురాశగా

మన ఆత్మల కలయిక పరమాత్మ దిశగా

 రచన,స్వరకల్పన&గానం:డా.గొల్లపెల్లి రాంకిషన్ రాఖీ

ప్రతి భంగిమ ఒక మదన సంచిక

పడతి ప్రతికదలిక మలయవీచిక

ప్రణయోద్దీపకగా ప్రమద అష్టవిధ నాయిక

రాసకేళి మార్గదర్శికగా రమణి రమ్య వైణిక

1.కుచ్చిళ్ళను పెకెత్తి గోదాట్లో కాళ్ళకడుగు వేళ

లేత తమలపాకులా పాదాల మంజీరాలే కళకళ

కొంగును నడుము దోపి చంక నీటి బిందెనెట్టి

తడిపొడిగా తనువే వయారాలతో ఊగే పుట్టి

2.వాకిట ముగ్గునెట్టు తరుణాన వలపుల తరుణీ 

వాలే ముంగురులను ఎగదోస్తూ ఓ ఇంద్ర నీలమణి

పూజకు పూలుకోస్తూ కొసకొమ్మకు ఎగిరే ఎలనాగ

దాగిన అందాలే కనువిందుచేయు షడ్రసోపేతగా

3.కురులార బెట్టకొని చిక్కులు తొలగించుకొనే చిగురుబోడి

పురుష పుంగవుల కెవరికైనా రేపును ఒంటిలోన వేడి

చతుర్విధ జాతుల కలబోతగా తలపించును అర్ధాంగి

షట్కర్మయుక్తగా మగని బ్రతుకున అడుగుడుగున శుభాంగి

 

https://youtu.be/INrWlojbEtE?si=M_U1u_BEFFBSzWAU

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:చంద్రకౌఁస్

ఉగ్ర నారసింహా యోగనారసింహా

ధర్మపురీ లక్ష్మీనరసింహా

ఏ దేవుడు లేడు ధరలో నీ తరహా

దూరాల భక్తులకు నీవు కల్పవృక్షము

మాఊరి దాసులకు ఎప్పటికిక మోక్షము

1.దీపం క్రిందే స్వామీ చీకటటా

నీపదముల కడ మేముంటిమి అకటా

కుదరదాయే మాపై నీదృష్టి సారించుట

తప్పించుము సత్వరమే మా కటకట

2.ఇంటి చెట్టు మన మందుకు పనికిరాదట

నీ వరములు కనికరములు  మందికేనట

దగ్గరి వారమంటె నరహరి నీకైతే  అలుసట

నిను వేడివేడి చాన్నాళ్ళుగ పొందితిమి అలసట

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:హంసనాదం

బుట్టలో పడబోకే బుట్టబొమ్మా

మత్తులో మునిగిపోకే పూలకొమ్మా

మొహం మొత్తుతుంది ఏదో రోజు

కొత్త పాతై రోతగ మారడమే రివాజు

1.కైపు కలుగజేస్తాయి ప్రశంసలు పొగడ్తలు 

అలవాటుగ అయిపోతేనో అవి అగడ్తలు

కూరుకపోతాము మనకు తెలియకుండానే 

మొగ్గగానే వాడుతాము ఎదిగి ఎదగకుండానే

2. దీపానికి ఆహుతి ఔతాము శలభాలమై

జీవితాన్ని కోల్పోతాము సాలెగూటి ఈగలమై

చుట్టూరా కోటరి చూసైనా మేలుకుంటె మేలు

పట్టుబట్టి వినకుంటే నిస్సహాయత నా పాలు