https://youtu.be/vfoXvtQUvkQ?si=AxHsCaCTixsL1JRP

మూలాలు వదలకుండా కాలాలు దాటుదాము

తత్వాన్ని వీడకుండా మానవత చాటుదాము

ఆరారు ఋతువులున్నా వెన్నెలల నవ్వులిద్దాము

వైరుధ్యమెంత ఉన్నా వసుధైకభావమై వసిద్దాము

1.అలుపాట విడుపుకోసం అన్వేషణ సాగిద్దాము

పండగంటు ఏదొచ్చినా సంబరాల మునిగేద్దాము

జీవితానికి పరమార్థం ఆనంద మందడ మొకటేగా

కలుపుకుంటు పోయామంటే కలిగేదిక సుఖమేగా

2.సంకుచితమైన భావనలు వింతవింత వాదనలు

తొలగించవు ఏ మాత్రమైనా ఎద దాగిన వేదనలు

ఏడాదికొకసారైనా ఎదురైన ఏదో ఒక హేతువుతోనైనా

ప్రతిరోజూ సంతోషిద్దాం ప్రమోదాలనే పంచుకుందాం

3.ఏ దినమూ అమ్మను కానక మాతృదినం ఎందుకంటాం

తెలుగుదనం ఊసేలేక ఆంగ్లవత్సరాదిని నిరసిస్తాం

జన్మదిన వినోదాలనూ రసాభాసగా రచ్చరచ్చచేసేస్తాం

భారతీయ విలువల మాటలు వలువలందూ విస్మరిస్తాం

 రచన,స్వరకల్పన&గానం:డా.రాఖీ

కథ కార్తీకదీపమైంది

కరోనా తిరిగి పుంజుకుంది

పెంచిపోషించినంత కాలం

దీపపు జ్వాలలొ మనమే శలభాలం

సమసి పోయేవరకు తప్పని సరి తగు జాగ్రత్తలు

అనివార్యం జీవితకాలం మన ముక్కున మాస్కులు

1.కొత్తకొత్త మలుపులతో చిర్రెత్తే మజిలీలతో

సాగే సాలీడు జిగురులా  ఎడతెగనిదా వైనం

వింతవింత రూపాంతరాలతో వికృత దాడులతో

డెల్టా ఒమిక్రాన్ డెల్మిక్రాన్  కరోనా నామాలనేకం

సమసి పోయేవరకు తప్పని సరి తగు జాగ్రత్తలు

అనివార్యం జీవితకాలం మన ముక్కున మాస్కులు

2.మనుగడ కోసం ఇరువురి  తీవ్ర పోరాటం

మనిషినే శాసించే కరోనాతో ఏల చెలగాటం

దొంగదెబ్బ తీయడానికి కాపుకాసింది కౄర కరోనా

ఏమరుపాటెపుడైనా చెల్లించాలి బ్రతుకనే జరిమానా

సమసి పోయేవరకు తప్పని సరి తగు జాగ్రత్తలు

అనివార్యం జీవితకాలం మన ముక్కున మాస్కులు

 రచన,స్వరకల్పన&గానం:డా.రాఖీ

ఒక నేను ఒకే నేను

ఎన్నో నేనులుగా అన్నీ నేనను నేనులుగా

తెలిసిన నేనులు కొన్ని తెలియని నేనులు ఎన్నలేనన్ని

అంతులేని యానంలో అహంకారిగా నేను

అహం త్వమేవాహమై ఏకైక సోహం గానేను

1.నేను గా మొదలై నేనూ గా కదలాడి

నేనే అన్న స్థాయికి ఎదిగీ ఎగిరీ కూలబడి

నేనేమో ఎరుగని ఎవరు చెప్పినా వినని నా నడవడి

నాదైన వాదనతోనే అందరితోనూ కలబడి

అంతులేని యానంలో అహంకారిగా నేను

అహం త్వమేవాహమై ఏకైక సోహం గానేను

2.తెలుసనుకొనే నేను సైతం అజ్ఞానమేనని

తెలిసీ తెలియని నేను కాసింత తెలుసుకొని

తెలుసుకొన్న సంగతి ఒకటే ఏ మాత్రం తెలియదని

నన్ను నేను తెలుసుకొనే జిజ్ఞాసే గమ్యమని

అంతులేని యానంలో అహంకారిగా నేను

అహం త్వమేవాహమై ఏకైక సోహం గానేను

 రచన,స్వరకల్పన&గానం:డా.రాఖీ

నిద్రలేమి నీవల్లే ఎంతటి మోక్షగామికైనా

జాగృతమౌతాయి కాంక్షలు ముదిమి కైనా

వ్రతభంగమౌతుంది అస్కలిత బ్రహ్మచారికైనా

కోర్కె మేలుకుంంటుంది వింతగ సాటినారికైనా

1.పురివిప్పిన నినుగాంచి మబ్బునాట్యమాడుతుంది

నీ గాత్ర మధరిమ కోరి ఆమని అరుదెంచుతుంది

ఆపాదమస్తకం మదనరంగమే నీ అందాల అంగాంగం

వాత్సాయన శాస్త్ర రూపమై పొంగిపొరలె నీ శృంగారం

2.ప్రతి పుటలో ప్రస్ఫుటమే నీమేని గ్రంథాన రతికేళి విన్యాసం

వీణియలా వేణువులా తబలాలా ఎట మీటినా రస సంగీతం

తారాస్థాయిచేరుతుంది అనుభూతి సారమంతా సారవంతమై

తీరా తీరం చేరినంతనే తిరిగి మొదలౌతుంది పయనం పంతమై

 రచన,స్వరకల్పన&గానం:డా.రాఖీ

సజీవంగ ఉండాలి మనిషెప్పుడు

చోటునార్జించాలి జనుల మదిలొ గుప్పెడు

కీర్తిని గడించాలి లోకోపకారియై

మన్నన పొందాలి మహనీయుడై

మహత్మా గాంధీలా మదర్ థెరిసాలా అబ్దుల్ కలాం లా

1.ప్రవర్తించాలి అనునిత్యం దయామయుడై

ఆచరించి చూపాలి నడత ఆదర్శప్రాయుడై

ఆదరించగలగాలి అందరిని స్నేహశీలుడై

అసామాన్యుడైనా మెలగాలి నిస్వార్థుడై

వివేకానందునిలా నెల్సన్ మండేలాల బిస్మిల్లా ఖాన్లా

2.అడుగులేయాలి సగటు మనిషి దిశగా

ఆవిష్కరించాలి సకల మానవ హితైషిగా

కొలువుండాలి గుండెల్లో బడుగుల ఆశగా

జాగృత పరచాలి జాతిని తను మార్గదర్శిగా

రతన్ టాటాలా ఐన్ స్టీన్ లా అంబేడ్కర్ లా

 రచన,స్వరకల్పన&గానం:డా.రాఖీ

సాటి మనిషి ఎదుగుదలను సైచలేని గుణం

నిలువెల్లా నిండినది మనుషుల్లో ఓర్వలేనితనం

తనకున్నా లేకున్నా ఒరుల ఎడల అసూయే

తలవంచుక చనలేక మాటలు చేతలు విషమాయే

1.గొడ్డలి కామాయే చెట్టుకు చేటాయే

తనజాతి వారెపుడు జనులకు కడు హానియే

పొందేదేది ఉండదు ఈర్ష్య వల్ల పైశాచికత్వం మినహా

కోల్పోయేదీ ఉండదు కుళ్ళుబోతు ఆంబోతు తరహా

2.అరిషడ్వర్గాలలో అయితేనేం అది ఆఖరిది

అర్థరహితమే అది వ్యర్థమైనది అనర్థమైనది

వ్యక్తిత్వానికి మానవత్వానికి మాయని మచ్చఅది

అకారణంగా విరోధాన్ని పెంచునది మత్సరమన్నది

 రచన,స్వరకల్పన&గానం:డా.రాఖీ

చలికాలమే నచ్చదు నాకు

చెలి సరసన నేనసలే లేనందుకు

హేమంతమంటే పంతమే నాకు

చెలికూపిరాడకుండ చేసినందుకు

ఎంతగర్వమో ఈ శీతాకాలనికీ

వెన్నులోంచి వణుకే కనుక ఎంతటి మహాబలులకీ

1.చెలి వలపులె  నాలో సెగలు రేప

తోకముడుచుకుంటుంది చలి పులి

చెలి తలపులె  నాలో వగపు నింప

జ్వలించదా విరహాన వయసు ఆకలి

దూరలేక పోరలేక పారిపోవు పిరికి చలి

ఒళ్ళే నెగళ్ళుకాగ కాగదా వేడదా బ్రతకనీయ బ్రతిమాలి

2.ఆయుధాలె నా నెచ్చెలి అధరాలు

చెలరేగే చలి బారిని రక్షించగా

కంచుకోట జవరాలి బిగికౌగిలి

చొరబడితే చలికి మతి చలించదా

దూరలేక పోరలేక పారిపోవు పిరికి చలి

ఒళ్ళే నెగళ్ళుకాగ కాగదా వేడదా బ్రతకనీయ బ్రతిమాలి

 రచన,స్వరకల్పన&గానం:డా.రాఖీ 

అని నడుమన నుడివినావు గీతా మకరందము

అనుభవాల పరాభవాల సంసార సార చందము

పార్థుని సారథిగా తెలిపావు జీవన సన్మార్గము

బహుముఖాలుగా వర్ధిల్లగా వ్యక్తిత్వ వికాసము

కార్యోన్ముఖుల జేయుచు శాంతించగ తాపత్రయము

1.నవనీతాలు సరసాలు మాత్రమే కాదు నీ జీవితం

అది అడుగడుగున ఒడిదుడుకుల నవరస సమ్మిళితం

కారణమేదైనా మారణమిక తప్పదని తేటతెల్లమైనా

మానక పోతివి మానిని వలదన్నా రాజీ రాయభారాలు

ఎత్తుకు పైయ్యెత్తులు మాయోపాయాలు రాజకీయాలు

2. బంధాలకు బాంధవ్యాలకు ఇప్పించావు తిలోదకాలు

బీరువులా పాఱి వెనకడుగేయనీక అడ్డావు నీ మోకాలు

వ్యూహాలు ద్రోహాలు రణమందున సాధారణమే ఐనా

యుద్ధనీతి గెలుపు రీతి ఆపద్ధర్మయుక్తి నెరిగించావు

మనుగడకై పోరమని ఫలాపేక్షవలదని ప్రవచించావు

 రచన,స్వరకల్పన&గానం:డా.రాఖీ

కనుల కురిసేను చంద్రికాపాతాలు

అధరాల ఒలికేను సుధామధురాలు

నీ మాయలో బడని మనిషేడి మహిలోన

నినుగని అనిమేషులమే వీక్షించిన తక్షణాన

1.ఉదయించును నీ నుదుట ప్రత్యూష భానుడు

ప్రభవించును ముక్కెరగా పంచమితిథి చంద్రుడు

కృష్ణవేణి నదీ ప్రవాహం నీ నీలి కురుల సమూహం

రేగేను పరమేశునికి నీ చెంతన మరులు అహరహం

2.నీ ప్రతి రూపమే ఇలలో ప్రతి స్త్రీ మూర్తి

సౌందర్యలహరివి నీవే తీర్చవేల మా ఆర్తి

అడుగడుగున మామనుగడకు నీవేగా స్ఫూర్తి

నీ సన్నిధి చేరినపుడే నా మనసుకు సంతృప్తి

……………………………………… జన్మలకిక పరిపూర్తి

రచన,స్వరకల్పన&గానం:డా.గొల్లపెల్లి రాంకిషన్ రాఖీ

ఆది అంతము లేనివాడు

చావు పుట్టుక లేనివాడు

నీలోను నాలోను కొలువైనవాడు

లోకములనేలేటి లోకేశుడు

పరమశివుడు సదా శివుడు సాంబ శివుడు

నమః శివాయ నమఃశివాయ నమఃశివాయ

1.అక్షిత్రయముతో అలరారు వాడు

కుక్షిలో విశ్వాన్ని కూర్చుకొన్నాడు

పక్షివైరుల ఒడలంత దాల్చువాడు

దక్షిణామూర్తిగా ప్రథమ గురువైన వాడు

పరమశివుడు సదా శివుడు సాంబ శివుడు

నమః శివాయ నమఃశివాయ నమఃశివాయ

2.భిక్షమెత్తును గాని ఐశ్వర్యమిస్తాడు

పరీక్షించితేనేమి మోక్షమే ఇస్తాడు

ప్రతిఫలాపేక్ష లేకుండ పనిచేయమంటాడు

దక్షాధ్వరధ్వంసి జగతికి ఏకైక లక్ష్యమేవాడు

పరమశివుడు సదా శివుడు సాంబ శివుడు

నమః శివాయ నమఃశివాయ నమఃశివాయ

 

https://youtu.be/Md4If263fAs?si=uxRSvKNmbA1u65fq

రచన,స్వరకల్పన&గానం:డా.రాఖీ

ధనుర్మాసమంటేనే గోదా రంగనాథులకు ప్రీతి

మాసానం మార్గశీర్షోహం అని కదా గీతన ప్రతీతి

భక్తులకు వైష్ణవానురక్తులకు హరిపదమే శరణాగతి

బ్రహ్మీ ముహూర్తాననే స్వామికి అభిషేకార్చన హారతి

1.గజగజ వణికే వేకువ ఝామున  జాగృతమొంది

గజరాజ వరదుని నిజ మనమున ఆరాధించి

తులసీదళ మాలల గోవిందుని గళమున వైచి

తిరునామాలు తిరువాభణాలు అలంకరించి

తరించెదము ఇహపరముల నరహరి కనుగాంచి

2.శేషశయనుడు పద్మనాభుడు సిరి వల్లభుడు

క్షీరాబ్ది నిలయుడు భక్తసులభుడు ఆండాళ్ విభుడు

వైకుంఠ వాసుడు  వైజయంతి మాలాలంకృతుడు

శంఖచక్ర కర ధరుడు కౌస్తుభమణి వక్షాంకితుడు

గరుడ గమన సంచరుడు సాక్షాన్మోక్ష ప్రదాయకుడు

 రచన,స్వరకల్పన&గానం:డా.రాఖీ

నా ఊహల మంజరిని ఇస్తున్నా కానుకగా

మానస మంజూషను అర్పించా బహుమతిగా

ఎన్నెన్ని జన్మలెత్తినా నీవే నా శ్రీమతిగా

నా దేహం హృదయం ప్రాణం సర్వం నీకోసమేగా

1.బలమైన తరుణం లో పరిచయమైనావుగా

అలవోకగ నను బుట్టలో వేసుకున్నావుగా

ఆత్మీయ మైత్రితో నేస్తమై  అలరిస్తున్నావుగా

అపూర్వమై అపురూప బంధమై పెనవేసినావుగా

నా దేహం హృదయం ప్రాణం సర్వం నీకోసమేగా

2.అనుక్షణం పరితపించి నను తలిచే నెచ్చెలిగా

ప్రణయంలో ముంచెత్తే నా ప్రియురాలిగా

నాతో కలిసి కడదాకా అడుగులేయు ఇల్లాలిగా

నన్నల్లుకపోయావే అభేదమై సిరిమల్లి వల్లిగా

నా దేహం హృదయం ప్రాణం సర్వం నీకోసమేగా

 రచన,స్వరకల్పన&గానం:డా.రాఖీ

రాగం:హంసానంది

నీ విభాస వక్త్రము విస్ఫులింగ నేత్రము 

నీ తీక్ష్ణ ఆలోకము నీ భీకర లోలము

రక్తవర్ణ చేలము  రుధిర తప్త శూలము 

వాహనమే శార్దూలము మహిషాసుర మర్దనము

దుర్గా భవాని జననీ శర్వాణీ నమోస్తుతే శ్రీ మాత్రేనమః

1.భవతాపహారిణి దుష్కర్మ వారిణి  శివాని

దుర్జన భంజని నిర్గుణి నిరంజనీ శాంభవి

అరివీర భయంకరి నిజ కృపాకరీ శాంకరి

జపించెద భజించెద ఆత్మలో నిను దర్శించెద

దుర్గా భవాని జననీ శర్వాణీ నమోస్తుతే శ్రీ మాత్రేనమః

2.బ్రహ్మాచ్యుత శంకర వందిని గౌరి బ్రాహ్మిణి

శ్రీ వాణీ గిరిజా స్వస్వరూపిణి మారి రుద్రాణి

సకల భువన పాలిని కార్య కారణకారిణి ఆర్యాణి

 కీర్తించెద ప్రార్థించెద నిరతము నిను సేవించెద

దుర్గా భవాని జననీ శర్వాణీ నమోస్తుతే శ్రీ మాత్రేనమః

 రచన,స్వరకల్పన&గానం:డా.రాఖీ

ఎక్కడో ఉన్నాడు నా సద్గురుడు

నా కొరకే వస్తాడు నా నిజ గురుడు

రానైనా వస్తాడు తను నా కడకు

నన్నైనా పిలుస్తాడు రమ్మని కడకు

జీవాత్మ పరమాత్మల బంధం మాది

నన్నుధ్ధరించే కర్తవ్యం గురు స్వామిది

1.వెలుతురున్నా అంధకారం మదికి మాత్రం

చూడకుంది తెరుచుకోని నా మనోనేత్రం

గురుని ఎరుకకు ఎంత ఆత్రం ఎంత ఆత్రం

మార్జాల కిషోర న్యాయం నేనెరిగిన సూత్రం

జీవాత్మ పరమాత్మల బంధం మాది

నన్నుధ్ధరించే కర్తవ్యం గురుస్వామిది

2.అష్ఖాంగ యోగాన్ని   నేర్పుతాడు నేర్పుగా

కుండలినీ శక్తినుద్ధీపనజేస్తాడు ఎంతో ఓర్పుగా

యోగవాశిస్టాన్ని బోధిస్తాడు నాకు సుస్పష్టంగా

గురు కృప దొరకడమే నా జన్మకు అదృష్టంగా

జీవాత్మ పరమాత్మల బంధం మాది

నన్నుధ్ధరించే కర్తవ్యం గురు స్వామిది

 రచన,స్వరకల్పన&గానం:డా.రాఖీ

నేనే …నువ్వై… ప్రేమైనాము

దేహం నీవై జీవం నేనై ఒకటైనాము

ఊహల్లో చేస్తున్నాను నీతో నే కాపురం

కలలకే పరిమితమైంది మన ప్రణయం

ఏకైక ఆదర్శ ప్రేమికుణ్ణే నేను

నీకోసం ప్రాణాలైదు అంకిత మిస్తాను

1.తూకం వేసాను లోకాన్నంతా

సరితూగలేకుంది నీపై నా ప్రేమంత

జల్లెడ పట్టాను ఈ జగమంతా

సాటిరాదేది నీ సౌందర్యమంత

ఏకైక ఆదర్శ ప్రేమికుణ్ణే నేను

నీకోసం ప్రాణాలైదు అంకిత మిస్తాను

2.సూర్య చంద్రులు చూడలేదులే

నా వంటి ఆరాధకుణ్ణి ఇలలో ఏనాడు

సృష్టి మొత్తనా జాడ దొరకదులే

నా తీరుగ నీ కోసం తపించే తాపసెవ్వడు

ఏకైక ఆదర్శ ప్రేమికుణ్ణే నేను

నీకోసం ప్రాణాలైదు అంకిత మిస్తాను

 రచన,స్వరకల్పన&గానం:డా.రాఖీ

గుండె చెమ్మగిల్లితే కన్ను ఊరకుంటుందా

మనసు నలిగిపోతుంటే నరకమింక ఉంటుందా

మతి లేని ఓ విధీ చేసితివి బ్రతుకు సమాధి

జీవశ్చవాలుగా ఇలా ఎన్నాళ్ళని జీవించేది

1.పుండు మీద పుట్రలాగా కష్టాల పరంపర

గాయాలు మానకుండా ఎదమీద శరంపర

అదిరిపాటుగా వెన్నుపోటుగా  అనుక్షణం ఎన్ని దెబ్బలు

నిలువెల్లా తగులబెడితివే మానేనా ఈ కాలిన బొబ్బలు

2.పరిష్కారమే లేనివి సృష్టించిన సమస్యలన్నీ

సమాధానమే దొరకవు  సంధించిన ప్రశ్నలన్నీ

ఎదిరించే మార్గంలేదు  దీనంగా మౌనంగా భరించడమే

తీర్చగలుగు  దేవుడే లేడు  పంటి బిగువు సైచడమే

 రచన,స్వరకల్పన&గానం:డా.రాఖీ

ఎన్ని కుంభకోణాలు పచ్చిదగామోసాలు

మాయోపాయాలు  పలికితె హేయాలు

మనుగడకై రగడలతో విలువలకే తిలోదకాలు 

కుట్రలు కుతంత్రాలు వెరసి నేటి నీచరాజకీయాలు

1.డబ్బుంటే రాజకీయాలు డబ్బుతో గబ్బు రాజకీయాలు

అబ్బోయని తబ్బిబ్బగు డబ్బు కొరకు రాజకీయాలు

పదవి కొరకు రాజకీయాలు పవరు కొరకు రాజకీయాలు

నోట్లు ఫీట్లు ఓట్లు వెరసి నేటి నీచరాజకీయాలు

2.కార్పొరేట్ల  రాజకీయాలు బ్యూరోక్రాట్ల రాజకీయాలు

గుడులు బడులు ఆసుపత్రుల భ్రష్టు పట్టించిన రాజకీయాలు

గల్లీనుండి ఢిల్లీదాక లొల్లిలొల్లి చిల్లర చిల్లర రాజకీయాలు

ఎంతకైన తెగింపులు వ్యవస్థకే తలొంపులు  వెరసి నేటి నీచరాజకీయాలు

3.

 రచన,స్వరకల్పన&గానం:డా.రాఖీ

ఎక్కేస్తుంటారు ఎక్కేటివాళ్ళు

దిగిపోతుంటారు తావొచ్చినవాళ్ళు

ఎక్కడిదాకో ఈ బ్రతుకు బండి పయనం

మలుపులెన్నో మజలీలెన్నో చేరే లోగా గమ్యం

1.ఉండబట్టలేకా ఎందుకో ఆగడాలు

తమకే సొంతమంటు అందరితో జగడాలు

ఉన్నంతసేపే కద గొప్పలకై తిప్పలు

ఊరువచ్చినాక తొవ ముళ్ళ తుప్పలు

2.హాయగ గడపలేక ఎరనబడే చేపలు

పరిధే దాటక తిరిగే బావిలొ కప్పలు

సాలీడు గూటిలొ చిక్కే ఆశపోతు ఈగలు

భూగోళం కబళింపజూచు మూర్ఖపు డేగలు

3.చిరునవ్వుతొ పలకరించె పరిచయస్తులు

పరస్పరం తోడుండే నిజమైన దోస్తులు

బంధాలతొ బంధింపజూసె ధారాపుత్రులు

కడిచాక వెంటరానివి నీ ఆస్తిపాస్తులు

 రచన,స్వరకల్పన&గానం:డా.రాఖీ

రాగం:హిందోళ వసంతం

ఎవరన్నారు నిన్ను శివా

సర్వసంగ పరిత్యాగివని

నమ్మడమెటుల ఉమాధవా

సన్యసించిన యోగివీవని

నమఃశివాయ ఓం నమఃశివాయ

నమఃశివాయ ఓం నమఃశివాయ

1.మోహమొందితివి మోహిని ఎడల

సతికి వసతాయే  సగము నీ ఒడల

గంగ పొంగులకు లొంగి దాస్తివి ఆమెను నీ జడల

తనయ తనయుల నొదలవైతివి చిక్కడి ముడుల

నమఃశివాయ ఓం నమఃశివాయ

నమఃశివాయ ఓం నమఃశివాయ

2.  ధరియిస్తివి నెలవంకను తలను

విహరిస్తివి ధరయందు తరచుగను

అందిస్తివి  జగతికి సంగీత శాస్త్రమును

చిందులేస్తివి ఆనందము ఆగ్రహమందును

నమఃశివాయ ఓం నమఃశివాయ

నమఃశివాయ ఓం నమఃశివాయ

 రచన,స్వరకల్పన&గానం:డా.రాఖీ

నీ ఎద కుముదము కోరుకొనే

తుమ్మెదనై పొందెద మోదమునే

గ్రోలెద ప్రణయ మరందమునే

పెదవుల పొరలెడి మాధవినే

నీవే నెచ్చెలి నా మది మెచ్చెడి ఆమనివే

1. వన్నెల చిన్నెల విరుల మంజరి

మత్తిలు వలపుల అత్తరు కస్తురి

తాకిన జినుగుల హాయిడు సుదృతి

తరగక తొరగెడి మధుర సుధాఝరి

నీవే నెచ్చెలి నా మది మెచ్చెడి శర్వరి

2. కన్నుల కురియును కైరవిపాతం

గళమున వరలును సుస్వరపాతం

మనసంతా  మమతాన్వితమౌ నవనీతం

మేను వేణువే ఒలికించు సరసరమ్యగీతం

నీవే నెచ్చెలి నా మది మెచ్చెడి సంగీతం

 రచన,స్వరకల్పన&గానం:డా.రాఖీ

లోక కళ్యాణకారకం శ్రీ శ్రీనివాస కళ్యాణం

జగదుద్ధార ఉద్దీపనం పద్మావతితొ స్వామి వివాహం

వేలకన్నులు చాలవు తిలకించగా ఆ వైభవం

భాషలేవీ తూగవు కీర్తించగా ఆ దివ్య ప్రాభవం

కమనీయమై రమణీయమై మది పులకాంకితమాయెగా

అమందానందకందళిత హృదయారవిందమాయెగా

1.బ్రహ్మ రుద్రులే పెండ్లి పెద్దలుగ

సకల దేవతలు పెండ్లికతిథులుగ

షణ్ముఖుడే ఆహ్వానము పలుకగ

వకుళమాత మానస తనయుడు

మహా లక్ష్మి ప్రియమైన  వల్లభుడు

వేంకటేశ్వరుడె  వరునిగ వరలగ

2.అశ్వత్థ వృక్షమే సాక్షిగ మారగ

ఉత్తర దిక్పతి అప్పును కూర్చగ

ఆకాశరాజుకు అనుంగు పుత్రిక

పద్మావతీ దేవి  నవ వధువవగ

అంగరంగ వైభోగంగా స్వామి పరిణయం 

కనివిని ఎరుగనిరీతిగా పాణిగ్రహణం

 రచన,స్వరకల్పన&గానం: డా.రాఖీ

వాడిన మాలలేల నచ్చితివో

గోదాదేవి ఇచ్ఛగించి మెడనదాల్చిచ్చిప్పుడు

ఎంగిలి పళ్ళనేల మెచ్చితివో

శబరిమాత వగరుతీపి రుచిచూసిచ్చినప్పుడు

భక్తిభావనే నీకు కడు ప్రీతికరము భౌతికపరమైన చర్యకన్నా

ముక్తినొసగ తగనా కనికరించి బ్రోవగనను తిరుమల వెంకన్నా

1.పక్షిదెంత ఆయమో అందుకొనగ మోక్షము

ఉడతదెంత సాయమో  కీర్తిగొనగ అక్షరము

మార్గమేది ఎంచుకున్నా చేర్చును నీ సన్నిధానము

చిత్తశుద్దితో అర్చన చేయగ ఏదైనా సరె విధానము

భక్తిభావనే నీకు కడు ప్రీతికరము భౌతికపరమైన చర్యకన్నా

ముక్తినొసగ తగనా కనికరించి బ్రోవగనను తిరుపతి వెంకన్నా

2.తులసీదళమెంత బరువని తూచింది నిన్ను సైతం

అటుకులు పిడికెడు ఐతేనేమి తెలిపాయి గాఢ స్నేహం

శేషప్ప కొలిచాడు పద్యశతముల పొగిడీ తెగిడీ

అన్నమయ్య కీర్తించాడు వేలకృతుల పాడీ వేడీ

భక్తిభావనే నీకు కడు ప్రీతికరము భౌతికపరమైన చర్యకన్నా

ముక్తినొసగ తగనా కనికరించి బ్రోవగనను తిరుపతి వెంకన్నా

 రచన,స్వరకల్పన&గానం:డా.రాఖీ

ఊరూరా నీ ఊసాయే-మదిమదిలో నీ ధ్యాసాయే

షిరిడీ చనగ నిను దర్శించగ సాయీమాకు మనసాయే

పరమదయాళా నువు దయగనగ బ్రతుకంతా కులాసాయే

అక్కునజేర్చి చక్కని దెసకు నడిపించమనిమా కాసాయే

1.సాటి మనిషిని ఆదరించని ప్రతివారూ కసాయే

ఆత్మస్తుతి పరనిందలతో ఎప్పుడు ఒకటే నసాయే

విద్వత్తున్నా విజ్ఞతలేకా సంస్కారమంతా మసాయే

అభిశంసలకు ఆక్షేపణలకే వృధా పరిచెడి మా పసాయే

అక్కునజేర్చి చక్కని దెసకు నడిపించమనీ మా కాసాయే

2.స్థాయికి తగని వారైనా ఎదలొ ఎందుకొ జెలసాయే

అనుభవజ్ఞతే ముదిరిన గాని ఎదగని ఒదగని వయసాయే

ఔచిత్యం ఔన్నత్యం లేని వాదమే గురివిందా పూసాయే

మార్మిక పదముల అక్కసుకక్కే తింగరి తింగరి బాసాయే

అక్కునజేర్చి చక్కని దెసకు నడిపించమనిమా కాసాయే

రచన,స్వరకల్పన&గానం:డా.గొల్లపెల్లి రాంకిషన్ రాఖీ

తెల్లామద్ది కొమ్మవే - పిల్లా ముద్దుగుమ్మవే

హద్దుపద్దూలేకుండా అందాలద్దబడిన పూరెమ్మవే

వద్దనలేనే నీ చూపు సుద్దగు పిలుపులను

వద్దకు తేవే నీ కైపు ముద్దగు పెదవులను

1. మావితోట మరుగు కాడ 

మాటువేసినావే కన్నుగీటినావే

ఏటిగట్టున పొదల కాడ 

 కాపు కాసినావే నాచేయి పట్టినావే

పరువాలను మూటగట్టి మాగబెట్టి నావే

ఏండ్లకేండ్లు నిదుర సైచి ఎదిరి చూసినావే

2.హంపి శిల్పపు వంపులెన్నో 

నింపుకొంటివి ఒంటినిండా

ఖజురహోజాణల భంగిమలన్నో 

వంపుచుంటివి వలపే పండ

నీకై నేనుంటా బ్రతుకంతా అండదండ

నీతో ప్రతి కలయకా కమ్మని కలకండ

 

https://youtu.be/tnGZwBbqPE8?si=fOL6Ll-FSc097eN2

రచన,స్వరకల్పన&గానం:డా.రాఖీ

పాము నీకు తల్పము పక్షి నీ విమానము

పాలకడలిలో నీ నివాసము-నీ ఎదన నీ ఎదుట శ్రీనివాసము

చెప్పనలవి కాదు నీ వైభోగము-శ్రీ వేంకటేశ నీ వైభవము

నను బ్రోవగ ఇవియేనా నాపాలిట ఆటంకము

1.కోటానుకోట్లుగా నీకుండిరి భక్తజనము

నీ కృపకై వేచేరు నీ వాకిట అనుదినము

కన్నుమూసి తెరిచేంతలొ మాయమయే నీ వైనం

పడిగాపులు పడితేనేం భాగ్యమె నీ దర్శనం

చెప్పనలవి కాదు నీ వైభోగము శ్రీ వేంకటేశ నీ వైభవము

నను బ్రోవగ ఇవియేనా నాపాలిట ఆటంకము

2.మొక్కులు ముడుపులు లెక్కలేని కానుకలు

పలురకాల సేవలుగొన పగలురేయి తలమునకలు

నిత్యోత్సవ బ్రహ్మోత్సవ దివ్యోత్సవ వేడుకలు

తిలకించెడి నయనాలకు అదృష్ట దీపికలు

చెప్పనలవి కాదు నీ వైభోగము శ్రీ వేంకటేశ నీ వైభవము

నను బ్రోవగ ఇవియేనా నాపాలిట ఆటంకము

రచన,స్వరకల్పన&గానం:డా.గొల్లపెల్లి రాంకిషన్ రాఖీ

నీగమ్యం నా గమ్యం ఒకటే ప్రేమ

నీధ్యేయం నా లక్ష్యం ఒకటే ప్రేమ

కడు భవ్యం రసరమ్యం మనదైన ప్రేమ

కమనీయం రమణీయం మనసైన ప్రేమ

1.నీ పయనం ఉత్తరమాయే వింతగా

నా గమనం దక్షిణమాయే చింతగా

వ్యతిరేక దిశలో వెళితే ఎప్పటికౌనో మన కల ఇక  కలయిక

దిక్కులను ముక్కలుచేసైనా కానీయను కలయిక కల ఇక

2.అందరాని ఆకసమైతివి చెలియా చిత్రంగా

అందుకొనగ సంద్రపు కరనైతిని నేనాత్రంగా

నా తీరు మార్చుకొని నేనావిరై మబ్బునై నిన్ను చేరెద

గాలి నను వానగ నేలని చేర్చినా వారాశి అలనై కరిగెద

 రచన,స్వరకల్పన&గానం:డా.రాఖీ

నవ్వులు జళ్ళో మల్లెలైనాయి

కన్నులు కరమున కమలాలైనాయి

చూపులు మధువున కైపులైనాయి

తిలకపు చెమకులు  తూరుపు వెలుగుల రేఖలైనాయి

చెలీ ప్రేమాంకురమైంది చూడగనే నీ చిత్రం 

చెలీ నీ చేయినొదలను ఏడుజన్మలు మాత్రం

1.అందమంతా పరచుకుంది నీ అంగాగం

అంతకుమించింకేదో ఉంది నీలో వైభోగం

కదలాడుతోంది వదనాన ఏదో వలపు కవ్వింపు 

ఉసిగొలుపుతోంది ఉల్లాన్నికాస్త చిలిపి ఊరింపు

చెలీ ప్రేమాంకురమైంది చూడగనే నీ చిత్రం 

చెలీ నీ చేయినొదలను ఏడుజన్మలు మాత్రం

2.తలతిప్పనీకుంది పొందికైన నీపొంకం

రెప్పవాల్చనీకుంది ముద్దుగొలుపు నీ మురిపెం

తిప్పలెన్ని పడితేనేమి చేసుకొనగ నినునా సొంతం

ముప్పు వస్తె ముంచుక రానీ అంకితమిస్తా నాజీవితం

చెలీ ప్రేమాంకురమైంది చూడగనే నీ చిత్రం 

చెలీ నీ చేయినొదలను ఏడుజన్మలు మాత్రం

 రచన,స్వరకల్పన&గానం:డా.రాఖీ

రాగం:యమన్

అదేం గమ్మత్తో -పలుకులు పంచదార చిలుకలవుతూ

అదేం మత్తో-చూపులు పారిజాత చినుకులవుతూ

తలపులు వలపు తలుపులు తడితే

తలగడలు తమకాల పడగలవుతూ…

మనసులు పరస్పరం రమిస్తే

యుగాలే ఫఠేల్మనే బుడగలవుతూ…

1.ఎదిరిచూపులు- ఎదను చీల్చే తూపులవుతూ

రేపులు మాపులు- మునిమాపునకు సైతం రిపులవుతూ

ప్రాపుకోసం దాపుకోసం ప్రాయపుతాపపు తహతహలవుతూ

మనసాకలికి ప్రతీకలవుతూ కనే ప్రతీకల హాయిగొలుపు నెమలీకలవుతూ

అంతలోనే కడువింతగా తనువంతా చింతరేపు మరీచికలవుతూ

2. గంధర్వఅందాలు- మేను మేనంతా మకరందాలే

ప్రవరుణ్ణీ మునివర్యుణ్ణీ రెచ్చగొట్టే ఇందుకళిక గంధాలే

వదనారవిందము పాదారవిందము నయనారవిందాలే

డెందమరవిందచందమై మరుల భ్రమరాలకు రసవిందులే

మధురోహలే ప్రణయ వీణియ మీటగా జీవితమే పసందులే

 రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం:మధ్యమావతి

నాకు కీర్తి నిను కీర్తన చేసినప్పుడే

నాకు తృప్తి నువ్వు  ప్రాప్తించినప్పుడే

నా ఆర్తి నీ పదములు చేరుటొక్కటే

తల్లీ భారతీనను చప్పున బ్రోవుమిప్పుడే

1.తుచ్ఛమైన ఇచ్ఛల ఎడ నా మది మళ్ళించకు

స్వఛ్ఛమైన యోచనలను సమకూర్చవె నా మేధకు

అచ్చెరమొందెడి అచ్చరమవనీ తిరముగ నను జగతీ

మచ్చరమే లేకుండగ మెచ్చనీ సహకవులిల సరస్వతీ

2.రామకృష్ణ కవిని నాడు కనికరించినావటా

రామకృష్ణ పరమహంస ఎదన నిలిచినావటా

రామకృష్ణ నామముతో వరలుచుంటి నీ ఎదుటా

పరమతృష్ణ నిను చేరుట మన్నించవె వాణీ నా మాటా

 రచన,స్వరకల్పన&గానం: డా.రాఖీ

ప్రేమ పుట్టి తీరుతుంది నిన్ను చూసి చూడగానే

కన్నుకుట్టి తీరుతుంది అందగత్తెకైనా నీవెదురు పడగానే

తప్పుకానే కాదులే ఎవరికైన నిన్ను తేరిపారచూడగ మనసైతే

తప్పైనా తయారే ఎంతటి శిక్షకైనా పద్మినీ జాతిది నీ సొగసైతే

1.తొంగితొంగి చూస్తాయి భ్రమరాలై నీ ముంగురులు

నీ ముఖారవింద మందు మకరంద మందడానికే ఆ తొందరలు

పందాలు కాస్తాయి నీ జళ్ళోని తెల్లని సిరిసిరి మల్లియలు

నీ మేని మెరుపుల తళుకుల సరితూగవనీ తెలిసీ ఆ హొయలు

2.నీ వాలుచూపులకు వాలిపోదురు ఘనులు మునులు 

నీ కొఱ నగవుకు దాసులౌదురు ఋషులు ఘోటక పురుషులు

చూస్తుండి పోవడానికే  సరిపోదు నాకొక జీవితకాలము

నీ గుండెగ మారడానికి జన్మలెన్ని  ఎత్తాలో లెక్క తేలము

 రచన,స్వరకల్పన&గానం:డా.రాఖీ

పులకరించిపోతావు చిరుగాలికైనా

పరవశించిపోతావు చిరుస్పర్శకైనా

మనసా నీవెంతటి బేలవే-మనసా నీవెప్పటికీ బాలవే

పొంగిపోతుంటావు పొగడ్తకు

కృంగిపోతుంటావు తెగడ్తకు

మనసా నీవో పసికూనవే-మనసా నీవో రసవీణవే

1.పట్ట పగ్గాలుండవు నీ ఆనందానికి

భుజంతట్టి ప్రోత్సహించె అభిమానానికి

చెలియలి కట్టే ఆగదు నీ ఉద్వేగాలకి

వెన్నుతట్టి ప్రశంసించు అభినందనలకి

మనసా నువు బలహీన రివటవే నిజంగా

మనసా బహురూపుల నటివే సహజంగా

2.నీరింకి పోని కొలనులు నీ కనుగవలు

అంతులేని అగాథాలు నీ ఎదలోతులు

సంతోషం ఉప్పెనైతే ఆనందభాష్పాలుగా

ఆవేదన గుప్పెడైనా దుఃఖ భాష్పాలుగా

మనసా ఎలావ్యక్త పరచను నీ స్ఫూర్తిని

మనసా ఎలా ఓదార్చను నీ ఆర్తిని

 రచన,స్వరకల్పన&గానం:డా.రాఖీ

రూపు సంతరించుకొని-అమ్మ కడుపుచించుకొని

అవనిపై అవతరిస్తుంది ప్రతి జీవం

అర్ణాలు సంకలించుకొని-గళమును పెకలించుకొని

పదమై విస్తరిస్తుంది అలాగే భావం

గండాలెన్ని దాటాలో -అండం పిండమయ్యేలోగా

అడ్డంకులెన్ని కడపాలో -మనసు మాటయే లోగా

1.అంతరంగమందు -ఎంతగా వేయనీ చిందు

పెదవి దాటునంత వరకే -ఆలోచన మనకు చెందు

ఆచితూచి అడుగేయాలి-తు.చ.తప్పక నుడుగేయాలి

తడబాటు ఉన్నచోటు-మన మనుగడకు చేటు

2.ప్రయోగిస్తె అక్షరం-చెడు ఎడల అక్షరమౌతుంద (అక్షరం=కత్తి)

ప్రక్షాళణ చేయగ అక్షరం-మంత్రాక్షరమౌతుంది (అక్షరం=జలం)

రక్షణే లక్ష్యంగా అక్షరం-ప్రత్యక్ష అక్షరమౌతుంది (అక్షరం=పరమాత్మ)

ప్రజల నోటనానిన అక్షరం-శాశ్వతమై అక్షరమౌతుంది (అక్షరం=మోక్షం)

 రచన,స్వరకల్పన&గానం:డా.రాఖీ

బ్రతుకు నీది భవిత నీది

ఆశ నీది శ్వాస నీది

ఆశయాల పాట నీది

ఒడిదుకుల బాట నీది

గమనం అప్రతిహతంగా

గమ్యం అనితర సాధ్యంగా

1.ఒకడిగా విస్ఫోటమై సమాజంగ మారడం

సమాజపు జాడనొదిలి నీ లోలోకి చేరడం

ఒంటరిగా …మౌనంగా…దైన్యంగా… శూన్యంగా

అవమానం… సన్మానం…  సమంగా…ఆనందంగా

గమనం విలాసంగా గమ్యం కైలాసమే విలాసంగా

2.ఆటంకాలు సంకటాలు సంకల్పానికి కంటకాలు

ఆవేశాలు విద్వేషాలు ఉద్దేశ్యాలకు విఘాతాలు

కప్పదాటుగా వెన్నపోటుగా చాటుమాటుగా వేటువేయగా

సహనంగా… సాధనగా…సులభంగా… సుసాధ్యమవగా

గమనం వినోదంగా గమ్యం ప్రతిపదం పరమపదంగా

 రచన,స్వరకల్పన&గానం:డా.రాఖీ

రాగం:దర్బార్ కానడ

తిరుమలేశ కేశవా నమో

వేంకట నారాయణా నమో

రమాధవా మాధవా నమో

కోనేటిరాయా గోవిందా ప్రభో

పాహిపాహి పద్మావతి ప్రియ విభో

1.విష్ణవే నమో మధుసూధనా

శ్రీధరా త్రివిక్రమా నమో వామనా 

హృషీకేశ పద్మనాభ నమో సంకర్షణా

దామోదర వాసుదేవ నమో ప్రద్యుమ్నా

కొండల రాయా గోవిందా ప్రభో

దేహిదేహి అలమేలు మంగా విభో

2.అనిరుద్ధా పురుషోత్తమ నమో అధోక్షజా

నారసింహ అచ్యుతా నమో హే జనార్ధనా

ఉపేంద్రాయ హరయే నమో నమో శ్రీ కృష్ణా

శరణాగత వత్సలా శ్రీనివాస నమో దీనావనా

కొంగుబంగార మీవె గోవిందా ప్రభో

పరి పాలయమాం స్వామీ  శ్రీ విభో

 రచన,స్వరకల్పన&గానం:డా.రాఖీ

పాటవమున్న పాట మీరు

పరిమళాలు గుప్పెడి పూదోటమీరు

వర్ధమాన కవులకు రాచబాట మీరు

ఏనాటికైనా మేము చేరాలనుకొనే ఎత్తైన చోటు మీరు

చేంబోలు సీతారామశాస్త్రిగారు సిరివెన్నెల అయింది మీ ఇంటిపేరు

1.మీదైన అరుదైన ముద్ర మీ సినీగీతాలది

రాజీ పడని హుందా చెడని చక్కని శైలిమీది

విషయమెంత వైవిధ్యవంతమైనా రాసారు హృద్యంగా

మీకలం మీ కవనం మీదయా గుణం అనితర సాధ్యంగా

ఏనాటికైనా మేము చేరాలనుకొనే ఎత్తైన చోటు మీరు

సిరివెన్నల సీతారామ శాస్త్రిగారు అంతలోనె మమ్మెలా వీడినారు

2.సమకాలీనులకు మీరే పరమాద్భుతంగ

 అందుకున్న పద్మశ్రీ బిరుదుకే వన్నెలు తేగ

సముచితమైన సుస్థిర స్థానం మీది సినీ జగత్తులో

తరతరాలు ఓలలాడేరు పిపాసులు మీ కవన మత్తులో

ఏనాటికైనా మేము చేరాలనుకొనే ఎత్తైన చోటు మీరు

సిరివెన్నల సీతారామ శాస్త్రిగారు ధన్యులు మీరీశునిలో ఐక్యమొందినారు౹

 రచన,స్వరకల్పన&గానం:డా.రాఖీ

విసిరేను సవాలు నీ వాలు చూపులు

చూపేను ప్రభావాలు గుచ్చినటుల తూపులు

ముగ్గులోకి లాగకు సిగ్గలొలకబోసి

ముసలి వగ్గుకైనా రేగుతుందిలే కసి

అందాలెన్నెన్నో నీ అమ్ముల పొదిలో

అలజడులను సృజించగా నా హృదిలో

1.ఆపిళ్ళుకాదులే అవి నీ ఊరించే బుగ్గలే

ముక్కైతే గుర్తుకు తెచ్చే సంపంగి మొగ్గనే

చలికాగు కుంపటే మోమునాన్చ నీ మెడవంపు

చెవితమ్మెల దంతక్షతమే కాంక్షకినుమడింపు

అద్భుతాలెన్నెన్నో నీ అమ్ముల పొదిలో

స్వర్గసౌఖ్యాలు సంధింప నా బొందిలో

2.పాలకడలిలో మంచుకొండలుండే తీరు

వైకుంఠం కైలాసం చేరువై కైవల్య తపనేతీరు

మదినెంత మధించాలో సుధాకలశ శోధనలో

మోహించే మోహినీ  నువు పంచే రసాస్వాదనలో

కళలూ మెళకువలెన్నో నీ అమ్ముల పొదిలో

యుగాలుగా వేధించే కలయికల యాదిలో

మనసును దోచిన హారికవే

నను వదలనీ నిహారికవే

నాకోసం వేచిచూచే అభిసారికవే

ప్రణయగంధం చిలకరించే పవన వీచికవే

1.తేనె కనులు కురిసేను వెన్నెల సోనలు

కెమ్మోవి వర్షించేను సిరి మల్లెల వానలు

ఇంద్రజాలమున్నది నీ క్రీగంటి చూపుల్లో

చంద్రహాసమన్నది నాతో రమ్మని మునిమాపుల్లో

2.ముక్కుపోగు చూడగానే ముద్దుగొలిపింది

చెవి జూకా ఊగుతూనే హద్దునింక చెరిపింది

సొట్టబుగ్గ అంతలోనే లొట్టలే వేయించింది

హరివింటి వంటి ఒంటివిరుపే మదిని తట్టి లేపింది

 రచన,స్వరకల్పన&గానం:డా.రాఖీ

శుభోదయం సవ్యంగా నిద్రలేచినందుకు

శుభోదయం నవ్యంగా పొద్దుగడిచేందుకు

శుభోదయం దివ్యంగా నవ్వగలుగుతున్నందుకు

శుభోదయం భవ్యంగా బ్రతుకగలుగుతున్నందుకు

శుభోదయం శుభోదయం శుభోదయం

1.నీకు నాకు వంతెనగా మారింది శుభోదయం

పలకరింపు వారధిగా పరిణమించె శుభోదయం

ఎదను ఎదతొ జతజేసే రాయబారి శుభోదయం

భావాలను చేరవేసే పావురాయి శుభోదయం

శుభోదయం శుభోదయం శుభోదయం

2.ఆశలను మోసుకొచ్చే విశ్వాసమె శుభోదయం

స్వప్నం సాకారమయ్యే విజయమే శుభోదయం

వృధాగ గడపని అమృత సమయం శుభోదయం

పరోపకారమె జీవితమైతే ప్రతి ఉదయం శుభోదయం

శుభోదయం శుభోదయం శుభోదయం

రాగం:మాయా మాళవగౌళ

అడవి గాచిన వెన్నెల్లా నీ సోయగాలు

శిశిరాన మోడునై వేచాను నే యుగాలు 

ఎప్పటికి ఒకటయ్యేనో మనలో సగాలు 

నా గొంతు వంతాయే వేదనా రాగాలు

1.అందరాని హరివిల్లువు నీవు

పొందలేని మృగతృష్ణవు నీవు

భ్రమలోన బ్రతికేను ఒక భ్రమరమై

నిశిలోన మిగిలాను నే తిమిరమై

2.చాతకానికి ఎపుడో తీరేను దాహం

చకోరికైనా దొరుకును జాబిలి స్నేహం

ఎన్నాళ్ళని సైచను ఎడతెగని నీ విరహం

జన్మలెన్ని ఎత్తినా తొలగదసలు నీపై మోహం

 .

రచన,స్వరకల్పన&గానం:డా.రాఖీ

మాటాడరా సఖా మాటాడరా 

మనసువిప్పి మరులుగుప్పి

వగపాయే నీతో చెప్పి చెప్పి

ఎరుగవాయే నా గుండెనొప్పి

1.కబురంపితి మబ్బుల బతిమాలి

మతి తెలిపితి తెలిపెనా నీకు జాబిలి

ఒప్పెను  దయగని నీతో చెప్పగ చిరుగాలి

జాలిమాని మౌనివై  సేతువేల  నను గేలి

2.తొలి వలపు చిలిపి మధురిమలు

మరపురాని మన  తీపి కలయికలు

పాడినా వేడినా నీవాలకించవాయే

బిడియము నొదిలేసినా చిత్తగించవాయే

 రచన,స్వరకల్పన&గానం:డా.రాఖీ

పసిడి కన్న ప్రియం నీ మాటాయెనే-టమాటాయెనే

గుండె కన్న ముఖ్యం నీ వలపాయెనే- అదుల్లిపాయెనే

నువు పలుకకుంటె మనసదోలా-

టమాట లేక ప్రతికూరా చేదులా

నువు కాదంటే నాకన్ను వలవల నా ఎద విలవిల

ఉల్లినికొన్నాకోసినా వలవల ఉల్లిలేని వంట పెంటలా

1.కూరలో కరివేపాకులా నన్ను నీవెంచకలా

సాంబారులో ములక్కాడలా భావించవేలా

ముద్దపప్పు మంచినెయ్యి కలయికలా మన జత

ఆవకాయ గోంగూరలై రుచించాలి మన ప్రేమకత

2.హైదరబాది ధంబిర్యానీ  మన ప్రయణం కానీ

బూరెలు పాయసమై మన ప్రాయం మధురమవనీ

సరసాల విరసాల ఉలవ రసం ఉల్లము జుర్రుకోనీ

కమ్మని గడ్డపెరుగుతో పసందైన విందారగించనీ

PIC:COURTESY: Balineni S V Varaprasad  garu

చిద్విలాసమే నీ విలాసము

చిదానందమే నీ చిన్మయ వేషము

భవపాప హరణ నమోస్తుతే వేంకట రమణ

భవబంధ మోచన మాంపాహి పావన చరణ

1.భవతారకమే నీ గోవింద నామము

భవరోగ హరమే నీ పాదతీర్థము

భవ తిమిరాంతకము నీ ధ్యానము

భవ సాగర తీరము నీ సన్నిధానము

2.ఆనంద నిలయం వేంకటాచలం

అద్వితీయమే నీ మందిర శిఖరం

అలౌకిక అనుభూతిదాయం నీ దర్శనం

అక్షరార్చనం మోక్షకరం అష్టాక్షరి మననం

 రచన,స్వరకల్పన&గానం:డా.రాఖీ

పసిడి పంజరాన నే రామచిలుకను

ఎలా ఎగిరొచ్చి నీపై ప్రేమ చిలుకను

ఎదగనీ ఎదలోనే అనురాగ'మొలకను

ప్రేమికా మన్నించు నిరంతరం నిను కోరే ఈ ప్రేమికను

1.నీ మురళి పలికించే మంజుల రవళిని

వినినంతనె   మేనుమరచి నర్తించే నెమలిని

ఏజన్మలోనో నీతోనే నడచిన నీ ఆలిని

ఈ బ్రతుకున కేవలం నీకు ప్రియురాలిని

ప్రేమికా అర్పించా  నీకే నా మానస సంచికని

2.నీ ముందు వాలుతాను కాస్త సమయం చిక్కితే

నీ దానిగ మారుతాను  అవకాశమంటూ దొరికితే 

నా బ్రతుకు అద్దాల సౌధం పగులుతుంది రాయి రువ్వితే

మనదైన మధర స్వప్నం కరుగుతుంది అలజడిని రేపితే

ప్రేమికా దాచుకుంటా మన కలయిల  జ్ఞాపికని

 రచన,స్వరకల్పన&గానం:డా.రాఖీ

నీ సోగకన్నులు చూడగనే-నే నాగలేనే ఓ ఎలనాగ

నీ వాలుచూపుల బారిన చిక్కి-వేగలేనే వారిజలోచన

కన్నులకు కాటుక దిద్ది చూపులకు కైపును అద్ది

తూపులేవేస్తుంటే తమకాలనాపుట నాతరమా

1.కనులనేగని ముందుకింక కదలనని 

మొండికేసింది నా కలము రాయక భీష్మించుకుని

చూపుల వాడికి వేడికి తడబడి వేసింది పీటముడి

కవిత తా కొనసాగలేక రేపింది నాలో అలజడి

2.కాటుక జన్మ సార్థకమైంది నేటికి

 అల్చిప్పలంటి నీ కనులచేరి ముమ్మాటికి

బలిదానపు ప్రతిఫలంగా వర్తి చరితార్థమైంది

నీ నయనాల నలరించగా సోకు సంతరించుకొంది

 రచన,స్వరకల్పన&గానం:డా.రాఖీ

కొనబోతే కొఱవిరా అమ్మబోతే అడవిరా

చెప్పుకుంటే అయ్యొ సిగ్గురా చెప్పకుంటే బత్కు బుగ్గిరా

వినరా సోదర దిక్కుతోచని రైతు దీనగాథా

సంకనాకిపోయింది సర్కారువారి సాయం

నమ్మి పంటవేస్తేనో చెమ్మగిల్లె రైతు నయనం

1.స్వేఛ్ఛన్నదే లేక ఇఛ్ఛ గాలికొదిలాక

కిసాన్ల జిందగే అయ్ పాయే పరేషాను

వినరా సోదర దిగులుపడ్డ అన్నదాత గాథా

కొంటామంటూ చేసె ప్రభుత పంట  నిర్ణయం

దిగుబడి వచ్చాక చేతులెత్తగా భవితే అయోమయం

1.నాణ్యమైన విత్తనాలు వేళకందజేస్తె చాలు

కల్తీ లేని చౌకైన ఎరువులు కొన్నాదొరికితె మేలు

వినరా సోదర ఆత్మాభిమానపు సైరికుని గాథా

ఉచితంగ విద్యుత్తెందుకు పొద్దుపొద్దంతా ఇవ్వాలి పంటకు

నగదు బిచ్చాలే నగుబాటు రైతుకు=ఋణమైన దొరకాలి పెట్టుబళ్ళకు

 రచన,స్వరకల్పన&గానం:డా.రాఖీ

*అతను*:పలకరింపులు కరువైతే

 అలకరింపులు మొదలౌతాయి

పులకరింపులకోసం

 ప్రేమ చిలకరింపులు కోరుతాయి

 

*ఆమె*:మనసు తెలుసుకోకుంటే

మగువ బయటపడుతుందా

వద్దు పొమ్మని అనలేదంటే

వలపంతా నీకై వంపినట్టేగా

*అతను*: ఔనా నచ్చానా మనసిచ్చానా

 నీగుండె లోకి సైతం నేసొచ్చానా

*ఆమె*: ఇంకా విడమరచి చెప్పాలా

ఆమాత్రం నన్నర్థం చేసుకోవేలా

1.*అతను*:ముక్కుసూటి వ్యవహారం

 గుంభనాలకు పురుషులు దూరం 

ప్రతిదానికి ఒకటే ఆత్రం అదేకదా సృష్టి విచిత్రం

*ఆమె*:మీటాలి ఏవో మీటలు

మొదలౌను లోలో కదలికలు

కిటుకు తెలుసుకుంటెనే మధురమౌ కలయికలు

2.*అతను*:మురిపాలు కోరడానికి

బ్రతుకంతా చింతగా ఆగాలా

సర్వాన్ని ధారపోసినా ఇంకా అనుమానాలా

*ఆమె*:ఊరింపులొ ఉడుకుతుంది

పరస్పరం మన ప్రణయభావన

విరహమెపుడు వేస్తుంది స్వర్గానికి నిచ్చెన

 రచన,స్వరకల్పన&గానం:డా.రాఖీ

వాన కురిసి కురిసి అలసి వెలిసిన వేళ

కొబ్బరాకు కొసన నీటి చుక్క మెరిసిన లీల

తెల్లచీరలో నీ రూపమే తోచింది ఎందుకో నాకలా

నిను కౌగిట బంధించగ ఎపుడు తీరునో నా కల

1.నయగరా జలపాత నురగలు నీ నవ్వులా

ఖజురహో శిల్పాల వంపులు నీ తనువులా

కృష్ణవేణి నదిలోని తరగలు నీ కురులలా

సృష్టిలోని సృజనలకు నీవే మూలహేతువులా

2.కవ్వాలు అడవిలో కాసిన వెన్నెల నీలా

పేరిణీ నృత్యంలో భంగిమలే నీ నడకలా

గోదావరి ఇసుకతిన్నె నీ నడుము మడతలా

ప్రకృతిలోని పసిమిలన్ని నీ మేని మిసమిసలా

ఒక మెతుకుగ మారి బ్రతకాలి

తీర్చాలి అలమటించువారి ఆకలి

ఆపన్నహస్తమై కాస్తైనా సాయపడాలి

ఆసరాను అందించి భరోసా కలిగించాలి

1.వరదల్లో సర్వాన్నీ కోల్పోయిన వారికి

విపత్తుల్లో విలవిలలాడుతున్న ప్రతి ఊరికి

మానం వదిలి దీనంగా చేయిసాచు అర్తులకు

మానవతను మేలుకొలిపి శిథిలమైన మూర్తలకు

2.ఆధారమంటూ ఏదీలేని నిరాశ్రయులకు

అనాథలై అర్రులు సాచే నిస్సహాయులకు

విధివంచితులై వ్యాధిగ్రస్తులై పొగిలే రోగులకు

దృక్పథాన్ని మలచుకొని పొలుపడాలి పుడిగలకు

 రచన,స్వరకల్పన&గానం:డా.రాఖీ

ఒక పాట రాయిస్తావా నాతో

ఒకసారి కనిపిస్తావా ఏ కాసింతో

సాధనేదొ చేసే అవసరమే లేదే

మంత్రమేదొ వేసే అక్కరనే రాదే

సాక్షాత్కరిస్తే చాలు లక్షణంగ పాట రాస్తా

ఇచ్చావా దర్శనాలు  గాంధర్వం జతజేస్తా

1.అలవోకగ వస్తుంటాయి నిను చూస్తె భావాలు

అలతి అలతి పదములు పదపడి కడతాయి వరుసలు

చమత్కారాలెన్నో చకిత పరుచగా తయారు

అలంకారాలు సైతం అలరులై అలరించి అలరారు

చిరునవ్వు రువ్వితె చాలు దివ్యమైన గీతి రాస్తా

మారు పలకరిస్తే చాలు  మన్నికైన కవితలొ నినుదాస్తా

2.  సుందర నీ దేహాకృతియే నా కృతికి ప్రేరణ

పొందికైన నీ పోడిమియే నా మతికి చోదన

తీరైన నీ కట్టూబొట్టూ నా కలానికి  కనికట్టు

నువు పాటై పరిణమించగా లిప్తకాలేమే పట్టు

సమయమించుక కేటాయిస్తే రసమయం నాగేయం

నీ చేయి నాకందిస్తే నాకాన్ని దింపెద ఇది ఖాయం

 రచన,స్వరకల్పన&గానం:డా.రాఖీ

వికృతంగ మారుతున్నాయి బర్త్ డే పార్టీలు

విషాదాంత మౌతున్నాయి జన్మదిన వేడుకలు

సరదాగా జరగాల్సినవి వినోదాన్ని కూర్చాల్సినవి

వెర్రిమొర్రివేషాలతో ప్రాణాంతకమౌతున్నాయి

హద్దుపద్దనేది లేక పెట్రేగుతున్నాయి

1.మరపురాని అనుభవంగ నిలవాల్సినవి

మధురమైన అనుభూతులనివ్వాల్సినవి

వింత వింత పోకడలతొ విసుగునొసగుతున్నాయి

లేటెస్ట్ ఫన్నంటూ లేకిగా తెగబడుతున్నాయి

బర్త్ డే బంప్స్ పేర బండబాదుడెందుకో

తినే కేకు మొకానికి పూసి నాకుడేమిటో

2.పుట్టిన రోజంటే ఒక పండగలా సాగాలి

అమ్మకు నాన్నకు మ్రొక్కి ఆశీస్సులు పొందాలి

కోవెలలో  దైవాన్ని తప్పక దర్శించుకోవాలి

ఇంటి ఆడపడుచులతో హారతి పట్టించుకోవాలి

బంధుమిత్రులందరికీ మిఠాయిలను పంచాలి

దుష్ట వెస్టర్న్ కల్చర్ని  డిస్ట్రాయ్ చేసేయాలి

 

https://youtu.be/Wfy_04KeHA8?si=7bZenETY5-Sw2HSX

రచన ,స్వరకల్పన&గానం:డా.రాఖీ

ఏమన్న ఉన్నదా శంకరా

నీకంటూ ఒక ఊరూ పేరూ

యాడన్న ఉన్నదా ఈశ్వరా

నీదంటూ చెప్పే ఇల్లూపట్టూ

శివయ్యా నీకు  నేనున్నా

నన్ను నమ్మయ్యా నీవాడిగ తోడున్నా

1. నీకు అవ్వ  అయ్యలు  లేనేలేరు 

మనువాడిన మాయమ్మతప్ప

బువ్వకైతె నీకు దిక్కేలేదు చెప్ప

అన్నపూర్ణమ్మ వండి పెడితే దప్ప

నన్ను కాదంటేనో నేనొప్ప నేనొప్ప

ఏమున్నదయ్యా నీకంటు గొప్ప

2.జగజ్జెట్టీలయ్య జడదారి నీ పుత్ర రత్నాలు

 గణపయ్య కుమరయ్య స్వామి అయ్యప్పలు

తలచినంత మాత్రాన  తీర్చేరు  ఈతిబాధలు

కొలచినంత ఆత్రాన తొలగించి వేస్తారు తిప్పలు

అందరు ఉన్నా అనాథలాగనే   మనతీరు

నాకైతే నీవు నీకంటూ నేనూ అనుకుంటే మన వెతలే తీరు

 రచన,స్వరకల్పన&గానం:డా.రాఖీ

రాగం:చారుకేశి

ఒయాసిస్సు నేనౌతా నీ ఎడారి దారిలో

ఇంద్రధనుసు నౌతా  శ్వేతాంబర వీథిలో

ఒంటరినని ఏమాత్రం దిగులు చెందకూ

తోడెవరూ లేరని ఎపుడూ గుబులునందకు

చిరునవ్వుల వరమిస్తే నీ నేస్తమౌతా

మనసారా స్నేహిస్తే నే సమస్తమౌతా

1.నిత్యనూతనంగా గడపాలి ప్రతి క్షణము

ఏ దైనా స్వీకరించడం ఆనంద లక్షణము

రేపు అద్భుతం అన్నది మన ఊహకైనఅందాలి

స్వప్నమందైనా స్వర్గం మన చేతికందాలి

2.అందంమంటే ఏమిటో హృదయాన చూడాలి

అనుబంధం అన్నది పంచుతు చవిచూడాలి

కలకాదు కలయిక మనది అపురూప సంయోగం

జన్మలుగా వెంటాడే దైవ దత్త సంగమం

 రచన,స్వరకల్పన&గానం:డా.గొల్లపెల్లి రాంకిషన్,రాఖీ

రాగం:కళ్యాణి

వందే సిద్ది వినాయకమ్

వందే అభీష్టదాయకమ్

వందే పార్వతి నందనమ్

వందే ఆనంద వర్ధనమ్

1.ప్రణవ రూపిణం ప్రథమపూజితమ్

ప్రమథ  గణపతిం ప్రణమామి ప్రసన్న వదనమ్

ప్రముఖమ్ సుముఖమ్ కరిముఖమ్

ప్రసిద్ధ ముంబైనగర ప్రభాదేవి స్థలసంస్థితమ్

2.పరమేశ్వర సుతం విఘ్నేశ్వర విఖ్యాతమ్

సతతం స్మరామి తవ నామ స్మరణమ్

 కామితార్థ సత్వర వరదం కాణిపాక విలసితమ్

పరమదయాళ బిరుదం నమామి లంబోదరమ్

 

https://youtu.be/Kg0Acfdzdz8?si=WyaK1nOdGP1G-v_Q

రచన,స్వరకల్పన&గానం:డా.రాఖీ

గుండె కలచివేస్తుంది

మనసు నలిగి పోతుంది

మన నడుమన ఎవరైనా చేరితే

మన మధ్యన గాలైనా దూరితే

నువ్వున్నది కేవలం నాకోసమే

నాకుమాత్రమే కాకుంటే నీది మోసమే

పచ్చిమోసమే

1.నీకున్న బంధాలు ఎదుటి వారి స్వార్థాలు

నీకొరకే వారను మాటలు నిజ వ్యర్థాలు

ఎంతచేస్తేనేం నీకు జరిగివన్నీ అనర్థాలు 

మనతో మనమున్న క్షణాలే పరమార్థాలు

జీవిత పరమార్థాలు

2.యంత్రమల్లె రోజంతా చేసి అలసిపోతావు

సాయంత్రమైన ఆటవిడుపు కోరుకుంటావు

అచ్చటా ముచ్చటలే అటకెక్కిపోయాయి

ముద్దూముచ్చటలన్నీ మనకు మనవల్లేదక్కాయి

పరస్పరం చిక్కాయి

.

అతల వితల సుతలాది లోకాలెరుగనిది

నా తల వెతల గతుల కతల మరుగన్నది

నీవు మాత్రమే గ్రహించిన నా మది వేదన

నీవే అనుగ్రహించకుంటే నా బ్రతుకే నివేదన

జనార్ధనా మధుసూధన జగన్నాథ శ్రీనాథా

తిరుమలేశ భక్తపోశ కలికల్మష నాశ శ్రీశా

1.పాలకడలి ఉప్పెన పాపుల కడతేర్చ ముంచెనా

నీ పాదాల సురగంగ ఉప్పొంగ సప్తగిరులేతెంచెనా

నా కన్నీటి కన్న మిన్నకాదు వసుధలోని ఏ వరదా

నను కరుణించగ తాత్సారమేలనయ్యా కరివరదా

శరణిక మరి వేరెరెగను సిరివల్లభ పద్మనాభ

సరగున నీ వరుదెంచి నును గావర నిజ దేవర

2.అన్యమతాల ఆక్రమణలకు మిన్నకుందువెందుకు

అభిమతాలు మారసాగె హరీ నీవేమరినందుకు

నామనోభీష్టమెప్పటికీ నీ పదములు చేరేందుకు

సుస్పష్టమే నీ మహిమలు  అందించవు నాకెందుకు

శరణిక మరి వేరెరెగను సిరివల్లభ పద్మనాభ

సరగున నీ వరుదెంచి నును గావర నిజ దేవర

 కృతజ్ఞతాభివందనాలు మిత్రులకు,మైత్రి మాత్రులకు

ధన్యవాద సహస్రాలు హితులకు మహా  మహితులకు

అభినందన తెలిపినందుకు-శుభకామన కోరినందులకు

నా మనోభావాలు పంచుకున్నందుకు

నను ముందుకు నడుపుతున్నందుకు

1.ఒకింత  వంచించినా కించిత్ కించపరచినా

వినోదాన్ని పంచేందుకు నన్నేమార్చినా

సరదాను పెంచేందుకు  పావుగ మార్చినా

క్రీడా స్ఫూర్తిగా పరిగణ చేసాను

పోనీ లెమ్మని  తేలిక పడినాను

వందనాలు నా ఎడల మీ ఆసక్తులకు

పబ్బతులివె నా పట్ల మీ యుక్తులకు

2.అభిమానించినా  అభిశంసించినా

నా ఉన్నతి ఎల్లపుడు మీరు కాంక్షించినా

నా సోపతి ఎన్నడైన మీరాశించినా

అది మీ ప్రేమగానె భావించినాను

ఆత్మీయ స్నేహితులని ఎంచినాను

నమస్సులివే మీ విశాల మనస్సులకూ

దండాలు మీకివే మీఅండదండలకూ

మన్నించగ వేడుకోలు నా దోషాలకి

పదవీ విరమణ వీడ్కోలు టిజిబికి

ఎందరిలోనో ఒకడిగ నేను మనలేను నీ దరిలో

చిందరవందర చేయకు నా మది సుందరీ తొందరలో

పొందుకొరకు సందడాయే నా డెందములో

విందారగించనీ నను అందాలపందేరంలో

1.నా నడకలు నీతోనే ఏడడుగులు నీతోడే

నీచేతిని వెచ్చ వెచ్చగా పట్టుకుంటి ఆనాడే

నా మనసెన్నడో ప్రేమమీర  నిను మనువాడే

అలుమగలమైనాము భావాలు కలిసిననాడే

2.ఊహల్లో కాపురం మన స్వప్న సౌధం స్వర్గం

చూపుల ఆలింగనం పలుకులతొ చుంబనం

సంగమించు తరుణాలు కురిపించు హర్షవర్షం

కాలాన్ని కరిగించే ప్రణయ తంత్రం మనసొంతంP

శుభోదయం నా హృదయమా

నా జీవితం రసమయం చేయుమా

సుప్రభాతం ఓ నా ప్రియతమా

నా దేహం ప్రాణం నీవేలే సర్వస్వమా

1.తెల్లవారిపోదు నువు పలకరించకుండా

నిద్దురైతె రాదు నువ్వు శుభరాత్రి చెప్పకుండా

కలలెన్నో కంటుంటా నీకై మెలకువలోనూ

ఊహించుకుంటుంటా మన కలయికనూ

నన్నావహించినావే తీయనైన మైకంలా

శిరసావహించుతానే నీ మాటే హుకుంలా

2.కనీవినీ ఉండవు ఎపుడు నావంటి ప్రేమికుణ్ణి

నిను చూసిన మరునిమిషాన ఐపోయా పిచ్చోణి

గుండెలోను నిండావే మెదడునాక్రమించావే

నువ్వుకాదన్న రోజు మిగిలేది నాకిక చావే

పువ్వలాంటి నిన్ను నీవు అర్పించుకొంటావో

నవ్వులాటగా నాతో నువ్వు నడుచుకుంటావో

నాటు పాట నాటు పాట నాటు పాటనే ఇది

ఎద ఎదలో మది మదిలో సూటిగా నాటు పాటనే ఇది

ఘాటు ఘాటు మసాలాతో పోటెక్కించే హాటు పాట

స్వీటెస్టు స్వీటువంటి బెస్టిన్ బెస్టై ట్విస్ట్ చేసే నీటు పాట

విన్నవెంటనే  వెంటాడి మత్తుజల్లు సెంటువంటి పాట

మాటమాటలో హార్టును టచ్చేసే సెంటిమెంటు పాట

ఈ పాట మీ నోట పూటపూటా

ట్యూన్ సైనైనంతలోనే టంగ్ మీద హమ్మింగయ్యే పాట

సాంగ్ స్టార్టైనంతనె ఊపులూపి స్టెప్పులేయించేటి పాట

కిడ్స్ వెటరన్స్ సీనియర్ సిటిజెన్స్ లని డాన్స్ చేయించు పాట

యూత్ మొత్తానికే చిత్తం వెర్రెక్కించేలా కిక్కిచే ఝలక్కు పాట

మాస్ నుండి క్లాస్ దాక మనసు మనసు ఖుషీగా మార్చుపాట

మైకెల్ జాక్సన్నైనా ఫోక్ స్టైల్లొ చిందేయించే పసందైన పాట

ఈ పాట మీ నోట పూటపూటా

బీజియంతొ బీజుంగ్ నే ఖంగు తినిపించే భంగులాంటి పాట

బీటుబీటు  ఫీటులనే సర్కస్ ఫీట్ లు చేయించే  జోష్ పాట

ఫీలింగ్ తో ఫ్రాన్స్ ని రైమింగ్ రోమ్ ని రచ్చరచ్చ చేయుపాట

పబ్బుల్లో క్లబ్బుల్లో డే అండ్ నైట్ పెండ్లి బారాతుల్లో మ్రోగు పాట

యూస్ లో ఫ్రెష్షుగా యూకేలో క్రేజీగా  వరల్డంతా  వైరల్  అయ్యేపాట

కూచిపూడి కథాకళీ కొత్తగా మొలకెత్తి చిత్తుచిత్తు చిత్తడయ్యే పాట

ఈ పాట మీ నోట పూటపూటా

ఆపాదమస్తకం నీవద్భుత పుస్తకం

వదలక చదవాలీ నీలో ప్రతి అక్షరం

ఆ పాతమధురం నీ అమృత దేహం

తీర్చేను గతజన్మల నా తీరని  దాహం

చెలీ నువు తలపుకొస్తె ఎదకే  కలవరం

సఖీ నువు దయతలిస్తె ప్రతీకల వరం

1.శీర్షిక మొదలెడుదునా శిలలా మారుదునే

పదాల తలపెడుదునా ముద్దిడ మానుదునే

అపురూప వర్ణమయం పూలతంటి నీకాయం

పుటను తిప్పనీయదు నీ ప్రతి అధ్యాయం

ఆమనివే నీవు సౌదామినివే శారద యామినివే

మోహినివే నీవు సురభామినివే సరస వాహినివే

2.ఏ వాక్యమైనను రతి నిరతిని కలిగించు

నీ లౌక్య గరిమతో మతి ద్వ్యర్థిని తలపించు

నవ్యాతి నవ్య కావ్యమై నీమేనలరించు

ప్రబందాల ప్రమాణమై నీ తనువు ప్రభవించు

భావ మంజరివే బాణ మంజులవే బాను మంజూషవే

జాజి మాలికవే  జ్వలిత దీప కళికవే నాజీవన ఏలికవే

 రచన,స్వరకల్పన&గానం:డా.రాఖీ

మౌనం ఎందులకూ- కాదని చెప్పలేక 

మౌనం మరి ఎందులకు వాస్తవమొప్పలేక

మౌనమింకెందులకూ సమాధానమెరుగక

మౌనం ఎందులకూ విధానమింక నచ్చక

1.మౌనేన కలహం నాస్తి- మౌనంతో మనశ్శాంతి

  భాషే చాలని భావానికి మౌనమే  వారధి

  మౌనం పరిణితినొందిన మనః స్థితి

  మౌనం అంతర్ముఖమైతే చేరగలుగు సదాగతి

2. బ్రతుకు పాడె చరమగీతి మౌనమే

మరణాంతర సంతాప సూచి మౌనమే

విశ్వాంతరాళమంతా వినిపించు మౌనమే

తాపసుల ఉపానంతా తలపించు మౌనమే

రాగం:మాయామాళవగౌళ

కడుపునొచ్చినోడే ఓమ బుక్కుతుంటడు

కష్టమొచ్చినోడే నిన్ను మొక్కుతుంటడు

అందుకా ఈశ్వరా నాకిన్ని ఈతిబాధలు

అవేకదా సదాశివా నీ పురాణ గాధలు

ముక్కంటే తలచుట్టూ తిప్పెందుకు చూపుడు

ముక్కంటి శరణంటి అక్కున ననుజేర్చుకొ ఇప్పుడు

1..కడుపు చీల్చుకున్నాడు నీకై నాడు గజాసురుడు

ప్రాణభయం పెట్టావు నీ పదాల పట్టగ బాలుడు

కన్ను కోరుకున్నావు తను పెకిలించీయగా తిన్నడు

తిండి పెట్టినాడు నీకై సుతుని వండి  శిరియాలుడు

ఇన్ని చేయు తెగువలేదు నిను తలుచుడు దప్ప

నన్ను కూడ బ్రోచినపుడె ఎరుకౌను నీ గొప్ప

2.శ్రావణమాసాన దండిగా అభిషేకాలు

కార్తీక మాసాన  విశేష మానస పూజలు

ప్రతి సోమవారం ప్రదోష కాల అర్చనలు

శివరాతిరి జాగారం ఉపవాస దీక్షలు

ఇన్నిచేసినా గాని నన్ను జాలిగొనవాయే

పరమదయాళువీవన్నది మరచితివాయే

 రచన,స్వ కల్పన&గానం :డా.రాఖీ

చుట్టూరా గట్టే కనరాని సంద్రం

లోతెంతో అంతే తెలియని అగాథం

అనుభవాన ఛిద్రమైన వాస్తవ జీవితం

కన్నీరు తుడిచే చేయి దొరికెనా ఒక అద్భుతం

ఆశావహ దృక్పథమంటే నాకు హాస్యాస్పదం

యథాతథ స్వీకారమే చేర్చును ఆనంద పథం

1.కాళ్ళక్రింద నేలనే కంపించిపోతుంటే

గగన గండమాయే నిలువడమైనా ఉన్నచోటున

పక్కా భవంతులే కుప్పకూలిపోతుంటే

మేడలెలా కట్టగలను వింతగా గాలిలోన

ఆశావహ దృక్పథమంటే నాకు హాస్యాస్పదం

యథాతథ స్వీకారమే చేర్చును ఆనంద పథం

2.పాంథునికి ముగిసేనా పయనమెన్నడైనా

చేరాల్సిన గమ్యమన్నది మిథ్యా దిక్చక్రమైతే

తడారినగొంతే తడిసేనా ఎడారిలో బాటసారికి

ఎదురైన ఎండమావినే మంచినీరని ఎంచితే

ఆశావహ దృక్పథమంటే నాకు హాస్యాస్పదం

యథాతథ స్వీకారమే చేర్చును ఆనంద పథం

 రచన,స్వరకల్పన&గానం:డా.రాఖీ

ఔను నిజం ఔను నిజం 

నా ఊహే నీవై వెలిసావన్నది నిజంగా నిజం

వలపు నిజం తలపు నిజం 

నా మనసే నీదన్నది నీవెరిగిన అసలు నిజం

1.కొలను నిజం కలువ నిజం 

జాబిల్లిని కన్నంత మురియుట నిజం విరియుట నిజం

మబ్బు నిజం గాలి నిజం

గాలి తనని తాకినంత కరుగుట నిజం కురియుట నిజం

2.వెదురు నిజం పెదవి నిజం

మోవి స్పర్శతో నే పిల్లన గ్రోవై మ్రోగుటే తీపినిజం

నా రాధవె నీవునిజం నీ బాధయు నిజం నిజం

మనసంగమ ప్రతిసమయం రసమయమగునన్నదే కదా నిజం

3.నీవు నిజం నేను నిజం

ఒకరిలో ఒకరున్నది మనమొకరికి ఒకరన్నది నిజం

నీ అందం నిజం మన బంధం నిజం

నీతో జీవిత బంధమే ఆనందమన్నది పరమ నిజం

ఎవరికైనా పెట్టావా ఇంతటి క్లిష్ట పరీక్షలు

ఎవరికైనా వేసావా నాకన్న నికృష్ట శిక్షలు

చదవలేదు నేనే ఇతిహాసాన

వినలేదు ఏ పురాణ మందున

వేంకటేశ సంకటనాశా ఏమిటీ తమాషా

నా వెతలను భరించడం హమేషా ఆషామాషా

1.వేలు నొప్పి తగ్గేలోగా కాలు మెలిక పెడతావు

మెడపట్టు వదిలినంతనే నడుం పని పడతావు

కన్నుమూసి తెరిచేలోగా వెన్నపూస నలిపేస్తావు

నువు తలపుకు రాకుండా తలనొప్పులెడుతావు

వేంకటేశ సంకటనాశా ఏమిటీ తమాషా

నా వెతలను భరించడం హమేషా ఆషామాషా

2.మందులేని రోగాలన్ని నాకై కనిపెడతావు

ఊపిరాగి పోయేలాగా కఫం గొంతునింపుతావు

వాతం మితిమీరజేసి సతమత మొనరించుతావు

బ్రతుకు కన్న చావేమరి మేలనిపించుతావు

వేంకటేశ సంకటనాశా ఏమిటీ తమాషా

నా వెతలను భరించడం హమేషా ఆషామాషా

 రచన,స్వరకల్పన&గానం:డా.రాఖీ

గీటురాయి కెరుక పసిడి చొక్కదనమెంతో

కలహంసకే ఎరుక పాల చిక్కదనమెంతో

గులకరాయి కెరుక గరగ గట్టిదనమెంతో

నాకు మాత్రమే ఎరుక చెలీ మిక్కిలైన నీ చక్కదనమెంతో

1.కొలవడానికేదో కొలమానముంటుంది

తూచడానికైతేనో తూనికరాళ్ళుంటాయి

విశ్వవ్యాప్తి ఎంతటిదో కాలానికే ఎరుక

శ్రీకృష్ణుని బరువెంతో తులసిదళానికే ఎరుక

నీ చక్కదనం ఎక్కడుందొ నాకు మాత్రమే ఎరుక  

2.చీరకున్న మన్నికను చేతపట్టి చూడాలి

తేనెలోని నాణ్యతను నిప్పు పెట్టి చూడాలి

కాపురం నిబద్ధత సర్దుబాటు కెరుక

ప్రేమలోని స్వచ్ఛత త్యాగానికే ఎరుక

నీ చక్కదనం ఎక్కడుందొ నాకు మాత్రమే ఎరుక

 రచన,స్వరకల్పన&గానం:డా.రాఖీ

పరిచయాన పరిమళాలు-వెదజల్లినావె

స్నేహితాన సౌరభాలు-విరజిమ్మినావె

మైత్రీ మధురిమలే-కురిపించినావె

నా లోన ఊహలొన్నొ మొలిపించినావే

 1.మధురోహల రోదసిలో-విహరింపజేసావె

అనుభూతుల మరుమల్లెలు-వికసింపజేసావె

మంత్రమేదొ వేసి నన్ను –మాయజేసినావె

నన్ను నేనె మఱచులాగ-మైకంలో ముంచావే

2.నువ్విచ్చిన వరమెకటే –తీయనైన ఈ విరహం ....

నామదికిక పని ఒకటె-నిను తలచుట అహరహం...

నువ్వు కలవని కాలం-వర్షమాయె

నిను చూడక నా కనుల-వర్షమాయె

 రచన,స్వరకల్పన&గానం:డా.రాఖీ

సాగనంపు వేళసైతం 

కనులనుండి పారెడిది నదే అలనాడు సాంతం

వల్లకాటిలో చితి కాలితేనేం 

తడి జాడ మదిలోనూ కనిపించని నేటి వైనం

స్పందనే మరచిన గుండె స్థాణువై పోయింది

బ్రతకడానికే అన్నట్టు మొక్కుడిగ ఆడుతోంది

1.కడుపు చించుక కన్నారు తల్లులంత ఆనాడు

కడుపు చించడం మినహా కనుట కుదరదీనాడు

చనుబాలు అమృతమై బొజ్జనింపె శిశువులకు

బలవర్ధక పోషక పాలే గతి నేటి పసికూనలకు

గోరుముద్ద చందమామ బువ్వలో వినోదమే

అమ్మ బుక్క నాన్నబుక్క దొంగబుక్క ఆనందమే

2.బాగోగుల పరామర్శలు  ప్రేమచిలకరింపులు

పరిచయం లేకున్నా చిరునవ్వుల పలకరింపులు

అవసరాలు గుర్తెరిగీ అందజేయు చిరుసాయాలు

ఎవరికి వారైన ఈ తరుణాన వెదకినా మృగ్యాలు

ఒలకదు కన్నీటి చుక్క నవ్వులైతె అతికిన లెక్క

మానవత్వం మనుషుల్లో తానో ఎడారి మొక్క

 రచన,స్వరకల్పన&గానం:డా.రాఖీ

పట్టరాని సంతోషం పసిడి గాజులకు

పట్టుకుంది అదృష్టం మట్టి గాజులకు

ఏ పుణ్య ఫలమో చెలీ  నీ పాణిగ్రహణం

ధన్యమైంది గాజు జీవనం నీచేయి చేరిన మరుక్షణం

1.మంజుల స్వని చేస్తాయి నీకదలికల కచ్ఛేరికి

అందంగా మ్రోగుతాయి పదపడు నీ చిందులాటకు

మంత్రముగ్ధులౌతాయి నీ మృదువైన కరస్పర్శకు

తెగనొచ్చుకుంటాయి పడకన సడిచేసినందుకు

2.మెరుపులరువు గొంటాయి నీమేని చక్కదనానికి

ఆవురావురంటాయి పోటీగా నీ చేతినెక్కడానికి

ఏ రంగు కోకోయని బెంగపడతాయి తమరంగు వంతుకై

గుండెప్పుడు పగులునోయని గుబులే తమ బ్రతుకై

 రచన,స్వరకల్పన&గానం:డా.రాఖీ

ఆచితూచి అందుకే మాటలాడ మన్నది

మాట ఇచ్చి ఎప్పుడూ తప్పకూడదన్నది

చేయగలిగితేనే చెప్పాలి 

ఒకసారి చెప్పామా చేసితీరాలి

మనమీద మనకైన లేకపోతె అదుపు

మన మాట గడ్డిపోచకూ తూగదు

పోతేమాత్రమేమి ప్రాణం

తప్పకూడదెప్పటికీ వాగ్దానం

మదిలో ఎందుకు అపరాధ భావనం

ఆది నిష్టూరమే అత్యంత సుగుణం

1. వీథులపాలైనారు ఇచ్చిన మాటకొరకు

ఆలినైన అమ్మినారు ఆలాపమన్నందుకు

రాజ్యాన్నీ వీడారు ఆడిన నుడుగు కొరకు

పోరినారు తనవారని ఎరగినా చివరకు

పోతేమాత్రమేమి ప్రాణం

తప్పకూడదెప్పటికీ వాగ్దానం

మదిలో ఎందుకు అపరాధ భావనం

ఆది నిష్టూరమే అత్యంత సుగుణం

2.వెసులుబాటు చూసుకొనే ఇవ్వాలి మాట

మన మాట నమ్మితే ఎదుటివారికి అరట

తప్పిన మాటకై పదే పదే వాయిదాలొకటా

సాకులనే  సాకుతూంటె ఎంతకూ ఒడవదట

పోతేమాత్రమేమి ప్రాణం

తప్పకూడదెప్పటికీ వాగ్దానం

మదిలో ఎందుకు అపరాధ భావనం

ఆది నిష్టూరమే అత్యంత సుగుణం

 

అంగడిలో దొరకని దొకటే -అమ్మ పంచే అనురాగం

సాధించగ అసాధ్యమే-గడిచిన కాలం పోయిన ప్రాణం

విలువ తెలుసుకోవాలి  కాస్తైనా ఇక  నేస్తం

ఒడిసి పట్టుకోవాలి  చేయిజారనీక జీవితం

 

1. కనుమరుగై పోవడమే క్షణం లక్షణం

అనూహ్యమే మనిషికెప్పుడూ మరణ కారణం

చక్కదిద్దుకోవాలి వెలిగినంతలోనే ఆశాదీపం

మసకబారి పోకముందే మనదైన ప్రతిరూపం

 

2 అక్షరమై నిలవాలి  కవితల్లో ప్రతీ అక్షరం

హృదయాలను గెలవాలి  కదిలించగ  పదం పదం

పాటనై... నడిచేందుకు బాటనై...  చేరుస్తా  గమ్యం  

మాటనై పసిడి పలుకుల మూటనై పంచేస్తాఆనందం

 రచన,స్వరకల్పన&గానం:డా.రాఖీ

రాగం:రేవతి

ఈశ్వరా పరమేశ్వరా విశ్వేశ్వరా

నశ్వరమౌ ఈ దేహము పై నాకెందుల కింతటి వ్యామోహం

రామేశ్వరా రాజేశ్వరా భీమేశ్వరా

విశ్వసిస్తినిను  త్రికరణశుద్ధిగ భస్మము చేయర నాలో అహం

1.కాలకాల హే కామారి కామేశ్వరా

నలిపేయర హర బలీయమై నను కబళించే కామాన్ని

ఫాలనేత్ర ప్రభు గరళకంఠ గంగాధరా

కట్టడి సేయర అట్టుడుకుతు నా విజ్ఞత చెరిచే క్రోధాన్ని

2.మహాదేవ నమో భోలాశంకర మహేశ్వరా

నాదీ అన్నది  ఏదీలేదిట వదిలించర నా లోభాన్ని

జటాఝూట జంగమదేవర చoద్రమౌళీశ్వరా

భవబంధాలలొ బంధీనైతిని సడలించర నా మోహాన్ని

3.సాంబ సదాశివ శ్రీ కాళేశ్వర ముక్తీశ్వరా

విర్రవీగి నేగర్వించగ అణిచివేయరా నామదిలోని మదాన్ని

వైద్యనాథ జయ మల్లికార్జున త్రయంబకేశ్వరా

పరుల ఉన్నతిని భరించలేను హరించు నాలో మత్సరాన్ని

 రచన,స్వరకల్పన&గానం:డా.రాఖీ

గుండెలోన గుచ్చుకుంది గులాబి ముల్లు

మనసు నిండిపోయేలా కురిసింది ప్రేమ జల్లు

లేలేత పెదాలే రెక్కలుగా నవ్వు పువ్వు విచ్చుకుంది

అప్సరసల అందాలను అంగాంగం పుణికి పుచ్చుకుంది

1.వసంత వన్నెలనే వలపన్నింది

కోయిల తానై పాటే వలపనింది

మనసునే మల్లెమాలగా మార్చి నా ఎద నలరించింది

పలుకుల తేనెలనే వడ్డించి పసందైన విందుల నిచ్చింది

2.పంజరాన్ని వదిలేసి ముంగిట వాలింది

మంజుల గానాలతో రంజిలజేసింది

తాను నేను చెరిసగమౌ రంగుల చిత్రమొకటి గీసింది

మా ఇరువురి కాపురపు లోకానికి తలుపు మూసింది

 రచన,స్వరకల్పన&గానం:డా.రాఖీ

కలల వాకిట వేచి ఉంటా

తరలిరా నా నేస్తమా

మరులనెన్నో దాచి ఉంచా

జాగు సేయకు ప్రియతమా

1.తెరిపి లేని ఒరిపిడాయెను

పగలు మదిలో సెగలు రేపెను

వగరు వయసున వగపు లేల

వలపు పిలుపుకు బదులు పలుక

2.తలుపు తట్టెను తలపులన్ని

గెలుచుకొమ్మని ముద్దుగుమ్మని

ఊహలే ఊరించ సంగమ హాయిని

ఉల్లమేల చెలియకై  ఊపిరే ఇమ్మని

 రచన్వరకల్పన&గానం:డా.రాఖీ

రాగం:అమృత వర్షిణి

నను నడిపించరా నా అడుగులు తడబడె

చేయందించరా బ్రతుకు కడలి సుడిబడె

ఎందరిలోనో నేనొకడినని సందియమెంతో ఉండెడిది

అందరిలోను నినుగనినంత నా డెందమానంద మొందినది

1. కలివిడిగా నీవిచ్చినవే స్వామి నా కష్టసుఖాలు

ఇబ్బడిముబ్బడిగా ఎందుకు అందులొ కష్టం పాలు

నా లోపాలు పాపాలు కోపాలే కారణాలై ఈ శాపాలు

తాళజాలనీ పరితాపాలు తీర్చరా ప్రభూ భవతాపాలు

2.అన్నీ ప్రసాదించావు స్వామీ నాకు ఆఒక్కటి దప్ప

పరమదయాళా ప్రభో ఇదియేనా  నీదైన గొప్ప

దయచేయి దయచేసి నాకినైన  మనశ్శాంతి

నా హృదయాన దయచేసి వరమీయి నివృత్తి

కన్ను చెదిరె సన్నజాజి తీగవంటి నీ ఒంటి వంపులే చూసి

రెప్పలార్చనైతినే  మెరుపుతీగ తెన్ను మేను జిలుగుకే భ్రమిసి

జీడితీగలోని తీపి నీ పెదాల మాధురి

సంతూర్ తీగలమ్రోగు తీపి నీ పలుకుల మాదిరి

1.కాంచనగంగా ప్రవాహంగ నీ తనువు తోచే

నీ అంగాంగం మోహనంగ సారంగమై పూచే

మదన కదనరంగాన శృంగార శృంగజమై వేచే

కందవాహనమే ఆవాహనమై నా మనమే నర్తించే

2.మితిమీరే రతి పదాల నిఘంటువులు  నీ బిగువులు

మతి కోరే సమ్మతి తెలిపెడి చాటువులు నీ నగవులు

ప్రతినాయకి గతిసాగెడి కవ్వింపుల నీపయ్యెద పొతవులు

శ్రీమతిగా నిను గొనమని తథాస్తు దేవతల హితవులు

చెప్పారు ఎందరో-స్నేహితానికి నిర్వచనం 

అనుభూతి చెందారు మైత్రిలోని మాధుర్యం

సృష్టిలోనే తీయనిది స్నేహమన్నది

చెలిమిని మించి ఏమున్నది పెన్నిధి

1.నీకు తెలియని కోణాలెన్నో నీలో లోలో

నీవు చూడని పార్శ్వాలెన్నో నీ వ్యక్తిత్వంలో

ఏ అద్దమైనా-చూపలేని నీ ప్రతిరూపం-చూపే దీపం సౌరభం

దిద్దుబాటుకోసం-నీలోని ప్రతి లోపం-తెలిపే కటకం నేస్తము

2. పరకాయ ప్రవేశం చేస్తుంది నీలోకి నేర్పుగా

పరసువేదితో పసిడిని చేస్తుంది నిన్ను ఓర్పుగా

నీ నుండి విడివడిన-ఆ రెండో నీవే-నీ మిత్రుడు చిత్రంగా

శ్రేయస్సును కూర్చే-ఏకైక లక్ష్యమే-మైత్రికి తగు సూత్రంగా

అక్షరాలతోనే సచ్చిదానందాలు

పదాల పోహణింపులో ఆహ్లాదాలు

భావాలు కవితలైతే తనివి దీరి మోదాలు

కల్పనాలోకంలోనే పండుగలు పర్వదినాలు

1.విడివడుతూ ఉన్నాయి ఇలలోని ముడులన్నీ

సడలుతూ ఉన్నాయీ సంసార బంధాలన్నీ

కర్తవ్య పాలన కొరకే కాలాన్ని కరిగించేది

విద్యుక్త ధర్మానికే కట్టుబడుతు జీవించేది

2.మురిసి పోవడానికీ గతమించుక మిగిలుంది

సేద దీరడానికి గీతమక్కున జేర్చుకుంది

సాంత్వననే పొందడానికి మిథ్యాజగత్తొకటుంది

చేదు నిజం మరిపించేలా గమ్మత్తులొ ముంచుతుంది

https://youtu.be/hqe2Rb3k0WA?si=vRlF_Xw4SDvGxByI

కనకమహాలక్ష్మి కాలి అందియల లయ

జ్ఞానభారతి కఛ్ఛపి వీణియ శ్రుతి కలయ

ఆదిపరాశక్తి ఖడ్గ కాంతులు వెలయ

కావాలి మీ గృహమే కోటి కాంతుల నిలయ

బంధు మిత్రులారా అందుకోండి దీపావళి శుభాకాంక్షలు

కీర్తీ సుఖ సంపదలే  వరమీయాలి 'మా' 'క్షేమ' భాషా లక్ష్ములు

1.ప్రియమగు వాక్కులే  రసనలు పలికేలా

హితమగు యోచనలే  మేధలు చిలికేలా

జనరంజకమౌ సాహితీ సంగీతములొలికేలా

వర్షించాలి శ్రీవాణి కరుణాదృక్కులే నిలువెల్లా

బంధు మిత్రులారా అందుకోండి దీపావళి శుభాకాంక్షలు

కీర్తీ సుఖ సంపదలే  వరమీయాలి 'మా' 'క్షేమ' భాషా లక్ష్ములు

2.నరదృష్టి దోషాలనన్నటినీ పరిమార్చగా

శత్రు పీడ నీడ కూడ సమూలంగ తీర్చగా

ఆయురారోగ్యాలే సర్వదా సమకూర్చగా

రక్షించాలి భగవతి నిత్య శోకాల నోకార్చగా

బంధు మిత్రులారా అందుకోండి దీపావళి శుభాకాంక్షలు

కీర్తీ సుఖ సంపదలే  వరమీయాలి 'మా' 'క్షేమ' భాషా లక్ష్ములు

3.పరుల నడుగ చేయిసాచు గతి ద్రోయక

ఋణము కోరు తరుణమెపుడు రానీయక

అవసరాలు తీరునటుల సొమ్ముల నొసగగ

అనుగ్రహించాలి సిరియే సంతృప్తి మీరగ

బంధు మిత్రులారా అందుకోండి దీపావళి శుభాకాంక్షలు

కీర్తీ సుఖ సంపదలే  వరమీయాలి 'మా' 'క్షేమ' భాషా లక్ష్ములు

https://youtu.be/mUD-pKKx5us?si=NqEA22i3ftJZaoOa

కనుల ప్రమిదల కరుణ దీప్తుల వెలిగించు

హృదయమందున మమత చమురును నించు

మనిషి మనిషిలొ బాంధవ్య కాంతులను కాంచు

పరిసరాలలొ పరికించి చూచి పరవశించు

అనుదినం ఈ లోకమంతా దీపావళి భాసించు

1.బోసినవ్వుల పాపలు

విరజిమ్ము రుచులు మతాబులు

పసిడి పసి పలుకులందు

చిటచిటల పేలు టపాసులు

పరిసరాలలొ పరికించి చూచి పరవశించు

అనుదినం ఈ లోకమంతా దీపావళి భాసించు

2.అర్ధాంగి శ్రమని గుర్తిస్తె చాలు

ఆలి ఎద ఎగసేను చిచ్చుబుడ్డీగా

పత్నికందిస్తేనో కాసిన్ని ప్రశంసలు

ఇల్లాలి కన్నుల్లో పూసేను వెన్నెల తీగలు

పరిసరాలలొ పరికించి చూచి పరవశించు

అనుదినం ఈ లోకమంతా దీపావళి భాసించు

ప్రతి నిత్యం దీపావళే నా ఇంట నువ్వుంటే

బ్రతుకంతా సౌదామినే నాకంట కొలువుంటే

నీ కన్నులు మతాబులు నీ నవ్వులు తారాజువ్వలు

మిసమిసలతొ తిరుగాడితే వెలుగు వెన్నెల తీగలు

రుసరుసగా మాటలు రువ్వితె అవ్వే  సీమటపాసులు

1.దుబారా నరకుని దునుమాడె సత్యభామవే

గుట్టుగ ఖర్చులు నెట్టుకవచ్చే విజయలక్ష్మి వే

నీ నడకలు భూచక్రాలు నీ ఆజ్ఞలు లక్ష్మీ బాంబులు

చెరగని నవ్వుల సంపదలొసగే ధనలక్ష్మి నీవే

పండుగ సందడి నిండుగ నిలిపే వైభవలక్ష్మివే

2.ఆనందాల అతిథుల కళ్ళే వెలిగే దివ్వెలు

తృప్తితొ  అభ్యాగతులిచ్చే దీవెనలే  రవ్వలు

మువ్వల సవ్వడి వాద్యాలు గాజుల సడి మంత్రాలు

తీరగు రుచులతొ కమ్మని విందిడు ధాన్యలక్ష్మివే

గుండెలొ దండిగ కొలువై ఉండెడి నా గృహలక్ష్మివే

తెల్లారిందా లేచామా-పళ్ళుతోముకున్నామా

చాయో కాఫో తాగామా-ఇడ్లీ ఉప్మా తిన్నామా

ఆఫీసుకి బయలెళ్ళామా-సాయంత్రం తిరిగొచ్చామా

ఇంతేగా జీవితమంటే ఎలా-ఇంతేగా కారణమంటే సరా

1బ్రేక్ ఫాస్ట్ మెనూ ఏమిటో-లంచ్ లోకి స్పెషల్ ఏమిటో

నోరూరించుకొంటూ చాట్ చేసుకుందామా

జోకుల్ని నంజుకుంటూ కబురులాడుకుందామా

ఇంతేగా జీవితమంటే ఎలా-ఇంతేగా కారణమంటే సరా

2.గ్యాసిప్పులనే సిప్ చేస్తూ-గోల్డెన్ డ్రీమ్స్ నెమరువేస్తూ

ఊకదంపుడు సోది పంచుకుందామా

ఉత్తుత్తి అనుబంధాలే పెంచుకుందామా

ఇంతేగా జీవితమంటే ఎలా-ఇంతేగా కారణమంటే సరా

3.సామాజిక మాధ్యమం వేదికగా-ఆచరణకు సాధ్యంకాని ప్రణాళికగా

ఉల్లిపొరలు విప్పడమే  ప్రహేళికగా-ఊహల్లో కాపురముందాం సరదాగా

ఇంతేగా జీవితమంటే ఎలా-ఇంతేగా కారణమంటే సరా

దీపాలు వెలిగించినావు సాయి

పేలికలే వత్తులయి నీరే చమురయి

గాలిలో శయనించినావు బహువిచిత్రమై

చెక్కబల్ల తల్పమయి ఇటుకనీకు తలగడయి

నీ మహిమలనన్యము నీ లీలలు కడురమ్యము

సచ్ఛరిత్ర పారాయణ పుణ్యము బ్రతుకు ధన్యము

1.పిల్లలతో గోళీల ఆటలాడినావు

బల్లి భాషలోని మర్మమెరిగినావు

పిండి జల్లి మశూచిని పారద్రోలినావు

లెండీ వనములో పూమొక్కలు పెంచినావు

నీ మహిమలనన్యము నీ లీలలు కడురమ్యము

సచ్ఛరిత్ర పారాయణ పుణ్యము బ్రతుకు ధన్యము

2.మహల్సాపతితో మైత్రిని సలిపినావు

హేమాద్పంతుతో స్నేహము చేసినావు

తాత్యాని నీవు మేనఅల్లుడని ఎంచినావు

ధునిమంటలొ చేయుంచి పసిబిడ్డని  కాచినావు

నీ మహిమలనన్యము నీ లీలలు కడురమ్యము

సచ్ఛరిత్ర పారాయణ పుణ్యము బ్రతుకు ధన్యము

రచన,స్వరకల్పన&గానం:డా.గొల్లపెల్లి రాంకిషన్ రాఖీ

ప్రణతులు నీకివే ప్రభో ధన్వంతరి

వినతులు గైకొనుమా సాక్షాత్తు శ్రీహరి

వైద్యశాస్త్రానికే ఆది మూల పురుషుడవు

వైద్యలోకమంతా కొలిచే భగవంతుడవు

మా రుగ్మతలోకార్చు మా రుజలనెడబాపు

1.పాలకడలి చిలికినపుడు పుట్టినావు

విష్ణుమూర్తి అంశతోటి జన్మించినావు

గౌతమినది తీరాన స్థిరముగా వెలసినావు

చింతలూరు గ్రామాన కొలువుదీరి యున్నావు

మా రుగ్మతలోకార్చు మా రుజలనెడబాపు

2.సుందర మూర్తిగా ప్రత్యక్షమౌతావు

చతుర్భుజాకారునిగా దర్శనమిస్తావు

శంఖ చక్రాలను  హస్తాల  ధరించినావు

అమృతకలశము జలగను పూనినావు

మా రుగ్మతలోకార్చు మా రుజలనెడబాపు

3.ఆయుర్వేదమును ఆవిష్కరించినావు

శుశ్రుత చరకాదులకు గురుదేవుని వైనావు

వేపా పసుపుల నొసగిన దివ్య వైద్య శ్రేష్టుడవు

మొండి వ్యాధులన్నింటిని  తొలగించే ఘనుడవు

మా రుగ్మతలోకార్చు మా రుజలనెడబాపు

 

ప్రత్యూష తొలి కిరణం 

నునువెచ్చగ నను తాకిన వైనం

పూరెక్కల పైని  తుషారం

నా కన్నుల మెరిసే ప్రతిబింబం

నిన్ను తలపిస్తుంటే మేను రోమాంచితం

నువు గుర్తుకొస్తుంటే హాయి వర్ణనాతీతం

1.పడమటి సంధ్యారాగం పలకరింపులు

గోదావరి ఇసుక తిన్నెల పరామర్శలు

మబ్బుచాటు జాబిలి దోబూచులాటలు

తళుకు తారలు మేలిముసుగుతొ వలపు పిలుపులు

నిన్ను తలపిస్తుంటే మేను రోమాంచితం

నువు గుర్తుకొస్తుంటే హాయి వర్ణనాతీతం

2.కోనేటి మెట్ల సాక్షిగా మధురానుభూతులు

నీటి అలలు నీ పదాల ముద్దాడిన స్మృతులు

ధ్వజస్తంభపు జేగంటల మంజుల శ్రుతులు

గోపురాన పావురాల జత పాడే ప్రేమకృతులు

నిన్ను తలపిస్తుంటే మేను రోమాంచితం

నువు గుర్తుకొస్తుంటే హాయి వర్ణనాతీతం

 రచన,స్వరకల్పన&గానం:డా.రాఖీ

మారిపోని మరో ఉదయం పేలవంగా

నిదుర చెదిరి ప్రతి రేయీ కలవరంగా

దినమంతా నిస్సారంగా బ్రతుకంతా నిర్వేదంగా

మరణానికి ఆహ్వానంగా నరకమే బహుమానంగా

1.టీ కప్పులొ సైతం చెలరేగును ఓ తుఫాను

  పైకప్పు ఎగిరేలా మ్రోగేను అరుపుల సైరను

ఉన్నదానికి లేనిదానికి తడవ తడవకు ఓ గొడవ

ఐనదానికి కానిదానికి తలమునకల వెతల పడవ

2.అందుబాటులో ఉన్నామంటే అదో కంటగింపు 

తప్పుకొని పోతుంటే వెంటాడుతు వేధింపు

నరనరాల అసహనం ఒక్కుమ్మడి కుమ్మరింపు

విధిలేక తోడుగ సాగుతూ అక్కసుగా ఏవగింపు

 రచన,స్వరకల్పన&గానం:డా.రాఖీ

నాదైన లోకంలో

చేదైన నాకంలో

అదోలాంటి మైకంలో

ఎదలోన శోకంతో

అలా అలా అలా

తీరాన్ని చేరని అలలా

1.ప్రాపకం లేని తీగలా

మాటలొచ్చీ నే మూగలా

ఐనవారికీ నేనో పగలా

వేసవిలో పగటి సెగలా

మల మల మల మాడేలా

కంటి కంటిలో నేనంటే మంటలా

2.చెక్కబోతె విరిగిన శిలలా

ఎప్పుడూ ఫలించని కలలా

చిక్కితి నే చిక్కుల వలన

ఎక్కువ ఆశించుట వలన

విల విల విలపించుతూ

వల వల భాష్పించుతూ

 రచన,స్వరకల్పన&గానం:డా.రాఖీ

ఎన్ని చిత్రాలో -సాయి నీవి - కనడానికి

ఎన్ని చిత్రాలో -నువు దైవమని -నమ్మడానికి

ఎన్ని హావభావాలో -నీ విగ్రహానికి

ఎంతటి వైభవమో -సమాధిమందిరానికి

తరించేము నినుగాంచి- స్మరించేము మైమరచి

1.బండరాయి మీద కూర్చున్న దొక్కటి

లెండీవనాన మొక్కకు నీరు పోసేటిది

షిరిడీవీథుల్లో భిక్షను స్వీకరించునదొకటి

అన్నము వండే గుండీలో చేయితిప్పేదొకటి

తరించేము నినుగాంచి స్మరించేము మైమరచి

2.ద్వారకమాయిలో బోధలు చేయుచూ

తిరుగలి రాయితో గోధుమలను విసురుతూ

పసిబాలల తోటి కూడి పలు ఆటలాడుచూ

చావడి ఉత్సవాన భక్తులతో ఊరేగుతూ

తరించేము నినుగాంచి స్మరించేము మైమరచి

 రచన,స్వరకల్పన&గానం:డా.రాఖీ

పసిడి వన్నెల చినదానా

పసిడి పలుకుల నా మైనా

పసిడి నగలే అణువణువున  నీ మేన

పసడివిలువే సున్నా నీకన్నా

1.తూరుపింటి ఆ పసిడి అరుణిమే

నీ బుగ్గల నునుసిగ్గు

పొద్దుగ్రుంకు సంజె కెంజాయే

నీ మోవికి తల ఒగ్గు

చుక్కల చెమ్కీల నిశి చీర 

ఆర్తిగా నిన్ను పొదువుకున్నది

చక్కని శశిబాల నీఅందంతో

తన మోమును పోల్చుకున్నది

2.కొలనులొ కాంతులీను కలువభామ 

కలతచెందె నీ కనులు గాంచి

కడలి చెలగు మెరుగుల అలల నురుగు 

మిన్నకుంది నీ నగవుల వీక్షించి

దోచుకుంది ఒకింత పారిజాతమే

నీ తనువు తావిని పులకించి

సంతరించుకుంది ప్రకృతి చిత్రమే

నీ సొగసుల శోభ కాస్తైనా అనుకరించి

 రచన,స్వరకల్పన&గానం:డా.రాఖీ

నాకోసం స్పందించే ఒక గుండె ఉన్నది

నా స్నేహం ఆశించే ఒక మనసు ఉన్నది

నా కోసం కారేటి అశ్రువొక్కటున్నది

నా కంటి చెమ్మను తుడిచే చేయి ఒక్కటున్నది

1.అందరున్న అనాథగా బ్రతుకు సాగుతున్నది

ఆదరణే నోచుకోక  దినమేదో గడుస్తున్నది

ఒయాసిస్సు ఎదురైనట్టు ఓదార్పు తానిచ్చింది

ఎడతెగని నా రాతిరికి ఉషస్సుగా వెలుగిచ్చింది

2.లోకమంత పగబూనినా నాతోడుగ నిలిచింది

శోకం నా దరి రానీకుండా ఆనందం పంచింది

నవ్వులెన్నొ రువ్వుతూ సాంత్వన కలిగించింది

నీకోసం నేనున్నానని భరోసా కలిపించింది

 రచన,స్వరకల్పన&గానం:డా.రాఖీ

ఏ పూవు చూసినా నీ మోమే కనిపిపిస్తోంది

చిరుగాలి తాకినా నీ స్పర్శే  అనిపిస్తోంది

ఎంతగా నిండిపోయావే నా గుండెలోనా

వింతగా ఉండిపోయావే నా మెదడులోనా

1.చంద్రవంక వంక చూస్తే చిరునగవు నీదనిపించె

వాగు వంక ఏదెరొస్తే నీ నడుము వంపుగా తోచె

ఏ వంకా లేని పొంకమా  నా వంక రావింకేలా

శంకలింక మొత్తం వదలి నా అంకము చేరవేలా

2.గుంభనంగ ఉంటావెందుకు తెలుపవే నీ గుట్టు 

సంబురమా నన్నుడికించగ ఎందుకే నీకా బెట్టు

తిరుగుతూనే ఉంటానూ సూర్యకాంతినై నీ చుట్టూ

నిన్నంటి పెట్టుకునేలా  నేనౌతా నీ నుదుటన బొట్టు

రచన,స్వరకల్పన&గానం:డా.రాఖీ

రాగం:శివరంజని

తిరుమలేశ శరణాగతి నీ దివ్య చరణాలే

మరువలేని అనుభూతి నిన్నుగన్న క్షణాలే

పరసౌఖ్యము నీ సన్నిధి లోనున్న తరుణాలే

వరమీయర హరించగ నాకు జరా మరణాలే

గోవింద గోవింద గోవింద పాహిమాం 

గోవింద గోవింద గోవింద రక్షమాం

1.నీకు తెలుసు నాకు తెలుసు నే చేసిన దోషాలు

ఎరిగెదము ఇరువురము నే వేసిన వేషాలు

మరీచికలు కోరికలు తీర్చుకొనట కెన్నెన్ని మోసాలు

సరిపోవడమిక ఉంటుందా సంపదలు సరసాలు

నా కళ్ళు తెరిపించు గోవింద పాహిమాం

నాదారి మళ్ళించు గోవింద రక్షమాం

2.అవగతమైనట్టే ఉంటుంది నీ జగన్నాటకం

బోధపడినట్టే ఉంటుంది సృష్టే ఒక బూటకం

భలేగా తగిలిస్తావు స్వామి బంధాల పితలాటకం

రుచులకు మరిగేలా వండేవు బ్రతుకు వంటకం

నీ మాయలు చాలించు గోవింద పాహిమాం

నీ మత్తులొ నను ముంచు గోవింద రక్షమాం

 "అంకిత గీతం"

మొండికేసే గుండె ఏనుగుల మావాటి

దిక్కుతోచని నెత్తురు ధారకు మార్గదర్శి

మూసుకున్న  నాడుల తెరిచే నైపుణ్య శిల్పి

పెదవుల మీద నిరతము పారే నవ్వుల జీవఝరి

హృదయపు భాషనెరిగిన డాక్టర్ మన శ్రీధర్ కస్తూరి

1.ఇంటి పేరులోనే కస్తూరి పరిమళం

డాక్టర్ శ్రీధరంటేనే ఆత్మీయ ప్రతిరూపం

వృత్తిలో ప్రవృత్తిలో మానవీయ దృక్పథం

వాణిజ్య కోణమెలేని నిలువెత్తు నిజ వైద్యం

పెదవుల మీద నిరతము పారే నవ్వుల జీవఝరి

హృదయపు భాషనెరిగిన డాక్టర్ మన శ్రీధర్ కస్తూరి

2.వృత్తినే దైవంగా భావించే నిబద్ధత

పేషంట్లే బంధువులనుకొను హృదయవైశాల్యత

సవాళ్ళనే అలవోకగ గైకొనే కార్యదక్షత

వ్యక్తిగా వైద్యునిగా జీవన సాఫల్యత

పెదవుల మీద నిరతము పారే నవ్వుల జీవఝరి

హృదయపు భాషనెరిగిన డాక్టర్ మన శ్రీధర్ కస్తూరి

3.తలిదండ్రుల పుణ్యాల పంటగా జన్మించాడు

దశదిశలా ధర్మపురి కీర్తి నినుమడించినాడు

కుటుంబ బాధ్యతలన్ని బహుచక్కగ నెరవేర్చాడు

హృద్రోగనిపుణుడిగా విశ్వవిఖ్యాతి నొందినాడు

పెదవుల మీద నిరతము పారే నవ్వుల జీవఝరి

హృదయపు భాషనెరిగిన డాక్టర్ మన శ్రీధర్ కస్తూరి

 

వైద్యుడా అనితరసాధ్యుడా

దైవసమానుడా నిత్య ఆరాధ్యుడా

పరుల కొరకె అంకితమౌ త్యాగధనుడా

ప్రాణ దానంచేసే పరమ పవిత్రుడా ఘనుడా

వందనాలు నీకివే అందుకో

అభినందన చందనాలివే అందుకో

1.మాకు వైద్యో నారాయణో హరిః

మాకు వైద్యుడే అపర ధన్వంతరి

వైద్యుడే మా పాలిటి ఆరోగ్యసిరి

వైద్యుడా నీకెవరు లేరిలలోన సరి

వందనాలు నీకివే అందుకో

అభినందన చందనాలివే అందుకో

2.శిశువు పుట్టుకలో నీ సాయం గణనీయం

మనిషి మనుగడలో నీ ప్రమేయం ప్రశంసనీయం

అడుగడుగున మా జీవన సారథి నీవు

నరుల ప్రాణానికి దేహానికి వారధినీవు

వందనాలు నీకివే అందుకో

అభినందన చందనాలివే అందుకో

3.రేయనకా పగలనకా సేవలనందిస్తావు

మేము కోలుకుంటుంటే నీవానందిస్తావు

గుండెకు మారుగా గుండెనే అమర్చేవు

తీరే మా ఆయువుకు ఊపిరి కూర్చేవు

వందనాలు నీకివే అందుకో

అభినందన చందనాలివే అందుకో

4.రాయబోతే నీ చరిత రామాయణమంతటిది

తెలుపగపూనితే నీ కథ భాగవతం ఔతుంది

ప్రాణాలకు తెగించి రోగాలు పారద్రోలినారు

కరోనావంటి వాటి నుండి మనుజాళిని కాచినారు

వందనాలు నీకివే అందుకో

అభినందన చందనాలివే అందుకో

https://youtu.be/xapGtvSRRf0

 రచన,స్వరకల్పన&డా.రాఖీ

పువ్వుల్లో పువ్వుగా ఒదిగావే

నవ్వుల్నే సింగిడిగా మలిచావే

చిత్తమే దోచావే మత్తేదో నాపై చల్లి

మనసునాక్రమించావే ఓ పాలవెల్లి

1.వసంతమే నీవైతే వికసించవా ఆ విరులెన్నో

ప్రభాతమే నీవైతే విభవించవా పసిరుచులెన్నో

అందమే నీముందు బేలగా తలవంచదా

వలపులే పండించి నా తనివి తీర్చదా

2.నీడగా నేనడిచానే ఏడడుగులు అవలేదా

తోడుగా నిలిచానే బంధమే ముడివడలేదా

చేసానులే చెలీ నా హృదయం నీకు మందిరం

నా దేవినీవని తలచి నిర్మించా ప్రేమ గోపురం

4Shankar Suraram, Kiran Kumar and 2 others

3 comments

Like

Comment

Share