Thursday, January 5, 2012

నరహరి(యశః)శోభాయాత్ర

నరహరి(యశః)శోభాయాత్ర

ఊరేగెను (ధర్మ) పురవీథుల యోగనారసింహుడు
తీరొక్క వాహనముల శ్రీలక్ష్మీనరసింహుడు
ప్రతిముంగిట అందుకొనుచు జననీరా జనములు
కురిపించుచు తరలెను కటాక్షవీక్షణామృతములు

1. సన్నాయి మేళమే చెవులకు చవులూరించగ
డప్పువాద్యకారులే గొప్ప ప్రజ్ఞ కనబరచగ
డోలుమోతలింపుగా జనపదముల కదిలింపగ
కంజర నాదమ్ములోఎద తన్మయమొందగా

2. చిఱుతలువాయించుచూ హరిదాసులు పాడగ
కోలాటములాడుచు తరుణులు నర్తించగా
నీభక్తజనులందరు భజనల నినుకీర్తించగ
చతుర్వేద పారాయణ భూసురులొనరించగ

3. ఉగ్రనృకేసరీయుతముగ వేంకటపతి సహితముగ
అశ్వ సింహ హస్తి హనుమ గరుడ వాహనమ్ముల
గోపికల వలువలదోచు పొన్నచెట్టు కన్నయ్యగ
కుంటివాడిఇంటికేగు భగీరథీ చందంబుగ