https://youtu.be/I3D3sRB7E2w?si=lH_SlNgZ1PEz5M3a

నరజన్మ కోరానా పరమేశ్వరా

నరకమే మేలేమొ హరహరా

ఉత్కృష్ట మనుమాట ఉత్తుత్తదే ఉమేశ్వరా

నికృష్టమన్నది నగ్నసత్యమే నటేశ్వరా

శంభో శివశంకరా వందే గంగాధరా

1.నీవైపు ఒక అడుగు నే వేస్తే

ఆమడ దూరం నువు తోస్తే

ఎలా దాటను ఈ వైతరణి

ఎలా ఈదను భవ జలధి

దుఃఖభరితమె ప్రతినిమిషం

ఏమిటి స్వామి నా దోషం

శంభో శివశంకరా వందే గంగాధరా

2.కష్టాల కొలిమిలొ నను కాల్చి

దేహపు మకిలిని పోకార్చి

ఆత్మైకభావన సానబట్టి

పరమాత్మనే ఇక చేరునట్టి

బాటలోన నను నడిపించి

కడతేర్తువా  నా చేయిపట్టి

శంభోశివశంకరా వందే గంగాధరా

మనసుకు పరవశం మనిషిలొ కలవరం

నిన్ను చూసినంత

నను నేను మరచితి హృదయాన్ని పరిచితి 

నీ పాదాల చెంత

నమ్మవే నా చెలీ సృష్టిలో నీఅందం

అదే అదే ఒక వింత పులకింత

1.లేలేత రవికిరణం ఇచ్చే హాయంత

 మొగలిపొదలు గుప్పే తావంత

మరులుగొలుపు పున్నమి రేయంత

నమ్మవే నా చెలీ సృష్టిలో నీ అందం

అదే అదే ఒక వింత పులకింత

2.గులాబీల సుకుమారమె నీ  ఒళ్ళంతా

కలువల నయగారమే  నీ రెండు కళ్ళంతా

పికగాత్ర మాధుర్యమే నీ మార్ధవ గళమంతా

నమ్మవే నా చెలీ సృష్టిలో నీ అందం

అదే అదే ఒక వింత పులకింత