రచన,స్వరకల్పన&గానం:రాఖీ

వెన్నంటి వస్తాడు వెన్నదొంగ
కన్నెపిల్ల మనసూ దోచుకొనంగ
రంగ రంగా వీడినెలా తప్పుకొనంగా
పంచప్రాణాలే అదుపుతప్పంగా
హరిహరి నారాయణా
అనవరతం ప్రేమపారాయణ

1.మురళీ గానమే నాదస్వరమై
తనువూగిపోతుంది పరవశమై
నీలినీలిదేహమే ఘనమేఘమై
పురివిప్పి ఆడుతుంది మదిమయూరమై
ఏమీ ఎరుగనట్టు వగలుపోతాడు
చక్కనయ్య వేస్తాడు ముక్కుతాడు
హరిహరి నారాయణా
అనవరతం ప్రేమపారాయణ

2.కనుసైగలోనే ఏదో కనికట్టూ
వద్దనివారించినా బుద్ధి వాని చుట్టూ
ఆచిరునవ్వే వెన్నెల కురిసేట్టూ
గోముగ పిలిచాడా అది తేనె పట్టూ
మైకం కమ్మనిదెవరికి మరునిగన్నవానిగని
శోకమె దరిచేరదుగా కమ్మని తన కౌగిలిని
హరిహరి నారాయణా
అనవరతం ప్రేమపారాయణ

గోవిందా గోవిందా విఠల విఠల గోవిందా
గోవిందా గోవిందా పాండురంగ గోవిందా
గోవిందా గోవిందా పండరినాథ గోవిందా
గోవిందా గోవిందా పుండరీక వరద గోవిందా

1.గోవిందా గోవిందా పరమ పురుష గోవిందా
గోవిందా గోవిందా పరంధామ గోవిందా
గోవిందాగోవిందా రుక్మిణివల్లభ గోవిందా
గోవిందా గోవిందా రాధికా ప్రియగోవిందా

2.గోవిందా గోవిందా దీన బంధో గోవిందా
గోవిందాగోవిందా జ్ఞాన సింధో గోవిందా
గోవిందా గోవిందా పాహిపాహి ముకుందా
గోవిందా గోవిందా దేహిదేహి సదానందా

బొజ్జ నింపుతుంది మా అమ్మా
బజ్జోబెడతాడు మా నాన్న
నవ్వులముంచెత్తుతాడు మా అన్న
కావలిసిందేముంది ఇంతకన్నా

1.పొద్దున్నే అమ్మ బూస్ట్ పాలు పోస్తుంది 
తీరొక్క టిఫిన్లతో బ్రేక్ ఫాస్ట్ పెడుతుంది
ఇష్టపడే వంటకాలు లంచ్ లో తయారు
స్నాక్స్ లూ డిన్నరూ తల్చుకుంటె నోరూరు

2.చిక్కులన్నీ ఇట్టే నాన్న తీర్చేస్తాడు
అడగక ముందే అన్నీ కొనిపెడతాడు
నా మూడ్ మార్చేలా పాటలు వినిపిస్తాడు
సాఫీగా సాగేలా తగు బాటలు వేస్తాడు

3.వింత వింత వార్తలన్ని అన్న మోసుకొస్తాడు
చాక్లెట్లు పిజ్జాలు కొని తీసుకొస్తాడు
సినిమాల కబుర్లెన్నొ చెపుతుంటాడు
క్రికెట్ మ్యాచ్ మజా ఏంటొ చూపెడతాడు