రచన,స్వరకల్పన&గానం:డా.రాఖీ
ఒక గొప్ప నాన్నకు కొడుకును
మంచి కొడుకులకు నాన్నను
కొడుకుగా నేను ఎందుకూ కొఱగాను
నాన్నగానూ ఎవరికీ అక్కఱకే రాను
1.మా నాన్న నాకెప్పటికీ రియల్ లైఫ్ హీరో
నాన్నగా నా విలువను లెక్కిస్తే మాత్రం జీరో
అనురాగాలు ఉద్వేగాలు నా కెంతో దూరం
నాతో అనుబంధం కుటుంబానికే భారం
మనిషిగా నేనేంతో స్వార్థపరుడను
అంటీముట్టక వ్యవహించే పరుడను
2.నాన్నకెంతో భయపడతూ చిననాడు నలిగాను
నాన్నను నేనను తేడా చూపక మిత్రుడిగా మెలిగాను
నాన్న ఆజ్ఞకు లోబడి బ్రతుకును గడిపాను
స్వేఛ్ఛగా నిర్ణయాలను తనయులకే విడిచాను
కోరడానికేముంది సతీసుతుల ఆనందం మినహా
నాదైన నా వైఖరే తామరాకుపై నీటి బొట్టు తరహా