రచన,స్వరకల్పన&గానం:డా.రాఖీ

రాగం:నాట

జక్కన చెక్కిన శిల్పమా

రవివర్మ గీసిన చిత్రమా

సౌందర్య భావ సూత్రమా

ఆరాధ్య దివ్య గాత్రమా

బ్రహ్మకైనా భేషుగ్గా పుడుతుంది 

రిమ్మతెగులు నిన్గని అచ్చెరువొంది

1.ముట్టుకుంటె మాసిపోయే అందం నీది

పట్టుకుంటె జారే తత్వం నీ త్వచానిది 

దర్శనంతొ రెచ్చగొట్టే అంగసౌష్ఠవం నీది

స్పర్శతో చిచ్చుపెట్టే దేహమార్ధవం నీది

బ్రహ్మకైనా భేషుగ్గా పుడుతుంది 

రిమ్మతెగులు నిన్గని అచ్చెరువొంది

2.చచ్చినా సంతసమే నీ పొందు పొంది

ఎంతకాలముంటే ఏంది వ్యర్థమైన బొంది

తలతిప్పి తిలకిస్తే ప్రణయానికదే నాంది

నిమిషమైనా చాలు నీతో మనసు పరమానంది

బ్రహ్మకైనా భేషుగ్గా పుడుతుంది 

రిమ్మతెగులు నిన్గని అచ్చెరువొంది

 రచన,స్వరకల్పన&గానం:డా.రాఖీ

రాగం:శివరంజని

నిన్ను నమ్మియుంటిని నా నెమ్మనమ్మునా

వమ్ముజేయబోకే నన్ను పరియాచకమ్మునా

అంకితమైతిని దేవీ మనసా వాచా కర్మణా 

ధన్యుడనౌదునే దయగన భైరవీ ఈ జన్మానా

అన్యమెరుగకుంటిని అంబుజాసనా

నా మనవిని విన -మననిక నిను వినా

1.నా అనురాగమే నీ సిందూరము

నా నయగారమే నాసికాభరణము

నా నవ్వులు నీకొప్పున ఒప్పారే పువ్వులు

నా కోర్కెలు నీ కన్నుల వెలిగే చంద్రార్కులు

అన్యమెరుగకుంటిని అంబుజాసనా

నా మనవిని విన -మననిక నిను వినా

2.నా ప్రణయము నిను చుట్టిన కంచి పట్టుచేలము

నా హృదయము నీ పదమున మంజుల మంజీరము

నా భావము నాజీవము సకలము నీ ప్రభావము

నా గానము నా ప్రాణము నా కలము నీతొ సంభవము

అన్యమెరుగకుంటిని అంబుజాసనా

నా మనవిని విన -మననిక నిను వినా