https://youtu.be/lpRxM0douc8?si=BGqFV6eZhbReQXVX
రాగం:శ్రీ రాగం
నీరాజనమిదె నీకు శ్రీ సత్య నారాయణా
నిజరూప దర్శనమీయి మాకు నిత్యపారాయణా
నిన్ను నమ్మి వేడుకుంటే బ్రతుకంతా వేడుకలు
నీ పాటలు పాడుకుంటే పరమానంద డోలికలు
1.ఓపలేము ఓ స్వామి భవతాప కీలలు
ఎడబాపవేమి మా ఇడుములు చూపగ నీ లీలలు
గొల్లలను బ్రోచావు మహరాజును కాచావు
వైశ్యులను ఆదుకున్నావు విప్రుడిని చేదుకున్నావు
నిన్ను నమ్మి వేడుకుంటే బ్రతుకంతా వేడుకలు
నీ పాటలు పాడుకుంటే పరమానంద డోలికలు
2.వైభోగ భాగ్యాలను కురియజేయి మాఇంటా
ఆయురారోగ్యాల ప్రసాదించమని శరణంటా
ఎన్నడూ ఎవ్వరితోనూ రానీయకు ఏ తంటా
పండించవయ్యా పరంధామా మా కలలుపంట
నిన్ను నమ్మి వేడుకుంటే బ్రతుకంతా వేడుకలు
నీ పాటలు పాడుకుంటే పరమానంద డోలికలు