ఆ రెండు కళ్ళుచాలు నా గుండె ఆగడానికి
ఆ చిలిపినవ్వు చాలు ఎద తిరిగి మోగడానికి
సంపంగి నాసికే వేస్తుంది పూబాణాలు
సొట్ట బుగ్గ అందాలు తీస్తాయి నాప్రాణాలు
1.చూపు సుప్రభాతమై మేలుకొలుపుతుంది
పలుకు ప్రణయగీతమై మరులుగొలుపుతుంది
ఊహల్లో ఇంద్రధనసులే వెలయింప జేస్తుంది
స్వప్నాల్లో స్వర్గసీమలో విహరింపజేస్తుంది
2.సౌందర్య దేవతగా సాక్షాత్కరిస్తుంది
అపురూప భావనలే ఆవిష్కరిస్తుంది
జన్మకోశివరాత్రిగా బ్రతుకుమార్చి వేస్తుంది
రెప్పపాటులోనే మధురస్మృతిగ మారుతుంది
