Tuesday, December 17, 2019

నీవుంటె పాటల తోటే సరి
నీ వెంట తేనెల తోటే మరి
నీ ఊసులన్ని కమ్మని బాసలె
నీ ఊహలన్నీ రమ్మను పిలుపులె

1.నీ భావనలో మధురిమలెన్నో
నీ చెలిమిలోనా సరిగమలెన్నో
ప్రతి కలయిక యిక ఒక గీతమాలిక
శ్రుతిలయ తప్పని రసరాగ గీతిక

 2.కాలమె ఆగి విస్తుపోతుంది
ప్రకృతియే  ఆసక్తిగ చూస్తుంది
కనివిని ఎరుగని వింత బంధం
కవిగాయకుల మధుర సుగంధం
సంపదా  యశస్సూ  ఒకలాంటివె నిజానికి
శ్రమకోర్చుకోక తప్పదు అవి పొందడానికి
ఓపిక నేర్పు కావాలి పెంచిపోషించడానికి
సంకల్పబలం కావాలి సాధించడానికి

1.అడ్డంకులు ఎన్నెన్నో దారిపొడుగునా
దొడ్డమనసు కావాలీ అడుగు అడుగునా
వనరులు ఎన్నో చుట్టూ పరికించి చూడు
ఇసుక నుండి తైలం తీసే నిపుణత వాడు

2.పరుగెత్తి ఎన్నడు పాలకొరకు యత్నించకు
ఉన్న చెమట సైతం ఉరుకులాడి కోల్పోకు
సూక్ష్మం లో మోక్షంలా తెలివిగా వ్యవహరించు
లక్ష్యం ఏదైనా జడవక అలవోకగ ఛేదించు