https://youtu.be/G3Mqpr9m55M?si=Gc3ek_1yr8w1grov

రచన.స్వరకల్పన&గానం:డా.రాఖీ

నీకెందుకు అనిపించదు నాలా

పదేపదే నన్నే పలకరించమనాలా

ప్రేమంటె ఇరువురికీ రెండర్థాలా

ఒకవైపే చొరవ ఉంటె చాలా?

పరస్పరం ఆశిస్తే ఆ బంధం విలువ చాలా!

1.కలవకుంటె ఎంతగానొ ఆరాటం

కనబడితే తీరుతుంది ఉబలాటం

అనుక్షణం నీ గురించె మనమున మననం

నీకెందుకలా తోచదో అగమ్యగోచరం

2.నీ పలుకులు పంచదార చిలుకలు

నీ నవ్వులు సంతూర్వాద్య రవళులు

నీ సన్నిధి నవపారిజాత పరిమళం

నా మదియే ఓ దేవీ నీ పవిత్ర దేవళం