Sunday, January 9, 2022


రచన,స్వరకల్పన&గానం:డా.గొల్లపెల్లి రాంకిషన్ రాఖీ


హృదయాన దాచుకోన నిను సిరిలా

నా అర్ధ దేహాన నిలుపనా శ్రీ గౌరిలా

రసనాసనమందీయనా శ్రీవాణి మాదిరిలా

నాగళమును రవళించన రాగరమ్యఝరిలా


1.నీవే సీతగా వరించనా హరువిల్లు విరిచి

నీవే జతగా రమించనా రాధికగా భావించి

నిను దేవతగా ఆరాధించనా సర్వం సమర్పించి

నువు చేయూతగా జీవించనా సతిగా స్వీకరించి


2.నిను బంధించనా నా కవితగ మలచి

 ఎద నందించనా ఊహల నిను చిత్రించి

జనులను అలరించనా నిను పాటగ మార్చి

నీ అడుగులొ అడుగేయనా జన్మలు వలచి

 రచన,స్వరకల్పన&గానం:డా.రాఖీ


మరలి చూడకే నన్ను మరదలు పిల్లా

మరల మరల చూసావంటే మరి నే నొల్లా

మరువమంటి నిను చూసి పడ్డానే వెల్లాకిల్లా

మరులు రేగ నేనాగడమన్నది కలనైనా కల్లా


1.మరకతమణి చందమే నీదైన అందము

మరంద మధురిమ సమమే నీ అధరము

మరాళాన్ని తలపించు నడకలనీ వయారము

మరుడైనా హరుడైనా ఔతారు పరమునొదిలి నీ పరము


2.మరిచిపోతా నన్ను నేనే నువు గురుతుకొస్తే

మరిమనైనా ఎదిరిస్తా నువు చేయినందిస్తే

మరీచికలా మారకే చెలీ నా జీవన గమనమున

మరియాదతో దేవతగా గుడికడతా నా మనమున