https://youtu.be/pKJlwsQ48NE?si=o2GOZBW9dr6f57BA

రచన,స్వరకల్పన&గానం:డా.రాఖీ

అరవై స్తంభాల ఆలయమంటే నీదే వేంకటేశ్వరా

మా ధర్మపురిలో నిలువెత్తు విగ్రమున్నది నీకే శ్రీనివాసుడా

ఆగ్రహమే ఎరుగవు నీవు అనుగ్రహం మినహా

చిద్విలాస మూర్తిగ వెలిసావు ఎదన సిరితో సహా

ప్రణామాలు నీకివే వాంఛితార్థదాయకా

ప్రమోదాలు నీవల్లే రమా నాయకా

1.గోదావరి జలములతో నిత్యాభిషేకాలు

ప్రతి శుక్రవారము నీకు క్షీరాభిషేకాలు

పలు వన్నె చిన్నెల పట్టు వస్త్రా లంకారాలు

భక్తవరుల మనోభీష్టాలైనవి నీ ఆభరణాలు

తులసిదళాలతో పలువిధ విరులతో అల్లిన మాలలు

కళ్ళు రెండుచాలవు కనగ మదిన ఆనంద హేలలు

2.ఏటేటా జరిగేను బ్రహ్మోత్సవాలు కళ్యాణోత్సవాలు

కనుల పండుగ చేసేను కోనేటి తెప్పోత్సవాలు డోలోత్సవాలూ 

శివ నరసింహులతో బాటు రథోత్సవాలు

ఆర్జిత సేవలు అర్చనలు భోగాలు

నీకు అంగరంగ వైభోగాలు

కళ్ళు రెండుచాలవు కనగ మదిన ఆనంద హేలలు