నా మది పాడిన ఈగీతం 

వేసవిలోనా హిమపాతం 

ఆశల శిఖరాల దూకిన జలపాతం 

అమితానందపు శుభ సంకేతం 

1. ఆకులు రాలే శిశిరములోనా 

ఆమని పాడే ఋతుగీతం 

విరహిణి చకోరి తృష్ణను తీర్చే 

జాబిలి పాడే అమృతగీతం 

2. మోడులనైనా చిగురింపజేసే 

తొలకరి పాడే జీవన గీతం 

యమునాతటిలో యెడబాటునోపక 

రాధిక పాడే మోహన గీతం 

3. ఏతోడులేని ఏకాకి కొరకే 

కోకిల పాడే స్నేహ సంగీతం 

ఎస్పందన ఎరుగని కఠినపు శిలకే 

ప్రణయము నేర్పిన పరవశ గీతం