చిత్తములో అయ్యప్పా-స్థిరవాసం ఉండిపోతే 

మనసంతా ఓ మణికంఠా-నీవే మరి నిండిపోతే 

తావేది నీచపు యోచనకు-చోటేది వక్రపు భావనకు

శరణం శరణం అయ్యప్పా-స్వామిశరణం అయ్యప్పా

 1. సుందరమైన నీరూపం-మా కన్నుల కెప్పుడు చూపిస్తే మధురంబైన నీ నామం-మా నోటివెంట నువు పలికిస్తే 

తావేది నీచపు దృశ్యాలకు-చోటేది వక్రపు భాష్యాలకు 

2. శ్రావ్యంబైన నీ గానం-మా వీనులకెప్పుడు వినిపిస్తే

 దివ్యమైన నీ మార్గం-మా తోడుండీ నువు నడిపిస్తే 

తావేది నీచపు వాదాలకు-చోటేది వక్రపు దారులకు 

3. నీ పూజలు చేయుటకొరకే-మా కరముల వినియోగిస్తే 

నీ ప్రసాద భక్షణ కొరకై-మా నాలుక నుపయోగిస్తే 

తావేది పాపపు కృత్యాలకు-చోటేది దోషపు వ్యాఖ్యలకు