ఎంత పుణ్యము నోరార సేయగా అయ్యప్ప భజనము
వదులుకో స్వామీ మొహమాటాలను
త్రెంచుకో స్వామీ ఇహ బంధాలను
1. ఎదిరి చూడవయ్యా కార్తీక మాసమెపుడో
వెదకి చూడు స్వామీ మాలవేయు గూడెమెటో
తెలిసుకో స్వామి దీక్ష నియమాలవి ఏమిటో
ఆచరించి నిష్టగా అయ్యప్పను చేరుకో
2. కర్మ పండి పోతేనే ధర్మ శాస్త దయగలుగు
పూర్వజన్మ సుకృతముతొ అయ్యప్ప కృపదొరుకు
కలిలోని కల్మషమును తొలగింపగ అయ్యప్ప
వెలసినాడు భువిలో శబరిగిరి పైన
3. స్వామిని దర్శించగ రెండు కళ్ళు చాలవట
స్వామిని పొగడంగ శేషుడె సరిపోడట
వేయేల స్వామీ వేసి చూడు స్వామి మాల
వర్ణించ తరముగాదు అవ్యక్తానంద డోల
4. మకరజ్యోతి తిలకించగ మరుజన్మే లేదట
ఐదు గిరులనెక్కితే కైవల్యమేనట
పంపానదిలొ మునిగితే పరసౌఖ్యమేనట
మణికంఠుడు కరుణిస్తే మోక్షమే తథ్యమట
5. ముక్కుమూసుకొని తపము చేసే పని లేదట
యజ్ఞయాగాదులు అవసరమే లేదట
స్వామియే శరణము స్వామియేశరణమని
శరణు ఘోష్ చేస్తేనే స్వామి కరుణిస్తాడట
No comments:
Post a Comment