తరలిరా ఉదయమా-బిరబిరా నేస్తమా
రాతిరి కౌగిలి –వదలిరా ప్రియతమా
1. చీకటి వాకిటి హద్దులే నువు దాటి
వేకువ లోకువ కాదని నువు చాటి
కాంతుల తంత్రుల వీణనే నువు మీటి
గెలవాలి తిమిరాలు తొలగించు పోటి
హృదయమే పరచితి
అది నీకు అరుణ తివాచి
2. ఏ మత్తో చల్లింది జాణలే నిశీధి
ఏ మాయో చేసింది జాలమే పన్నింది
వన్నెలే చూపింది వెన్నెల్లో ముంచింది
మైమరపించి బానిసగ చేసింది
మేలుకో మిత్రమా
ఓ సుప్రభాతమా