Thursday, November 25, 2010

“రంగుల వల(పు)”

“రంగుల వల(పు)”

శిథిలమైంది గుండె గుడి- ఇంకింది కంట తడి
అలసినాను వెంటపడి- అందుకోలేక చతికిలబడి

1. తీరాన్ని చేరలేవు - కడలికెరటాలు
దాహాన్ని తీర్చలేవు- ఏ మరీచికలు
ఇంద్రధనుసు నెప్పుడూ -సంధించలేము
ఈ మనసునెవ్వరం -బంధించలేము
ఆకాంక్షల అరణ్యరోదన -అడియాసల నిత్య వేదన

2. వలనే అని తెలిసినా -వలపులోన పడ్డాను
దీపకళిక మోహంలో -శలభమే అయినాను
సాలెగూడు సంగతినెరిగీ-కీటకమై వాలాను
వేటగాడి వేణుగానపు-హరిణమై చిక్కాను
ప్రణయమా నీకు జోహారు-నువ్వేఅందాల రక్కసితీరు