Sunday, July 24, 2011

చూడు చూడు వేములాడ

చూడు చూడు వేములాడ

అపర కైలాసమే వేములవాడ
అడుగడుగున శివుడిజాడ తఱచి చూడ
తలాపునే గంగయుండ దప్పిగొన్నవాడ
తీర్చగలడు రాజన్న మోహదాహాలనీడ
1. నీమొక్కులు సిద్దించగ సిద్ది గణపతి
అపారముగ ఈయగలడు నీకు సంపతి

ఆదరించి అభయమొసగి అమ్మ రాజేశ్వరి
తొలగించును నీకొచ్చిన ప్రతీ ఆపతి

బెంబేలయి దిక్కేతోచకున్నవాడ
రాజేశుని సన్నిధిలో భరోసాగ నిదురపోర

2. పీడలన్ని రూపుమాపు బద్దిపోచమ్మ
ముడుపుగట్టిబోనమిస్తె మురియునన్న

కొండంత అండనీకు మంచుగుండె భీమన్న
చెంబునీళ్ళుకుమ్మరిస్తె సంబరపడునన్న

పాపాలుసమసిపోవు మునకేస్తె (ధర్మ)గుండాన
కోడెగడితె వృద్ధిజెందు వంశమింక తరతరాన