Sunday, July 1, 2012

ప్రణయాల ఉయ్యాల


సాకార సంగీతం

నింగిలోన తొంగి చూసే –నక్షత్రం నీవే
నేలదిగిన గంధర్వ –గాత్రం నీవే
సృష్టిలోని సంగీత –శాస్త్రం నీవే
స్నేహానికె చెలిమి నేర్పే –సూత్రం నీవే...ఓంకార మంత్రం నీవే..
అందుకో నీకివే జన్మదిన అభినందనలు..!
శతమాన ఆనందానికి ఎనలేని దీవెనలు..!!

1.       గాలితాకితె మేను మరచే మేఘమాలవు నీవు
దైవ సన్నిధి కొరకే విరిసే –పూలబాలవు నీవు
మచ్చలేని జాబిలి నీవు-స్వచ్ఛమైన స్ఫటికము నీవు
పసివారి మోమున మెరిసే –బోసి నవ్వు నీవు
ప్రతివారికి నీడనిచ్చే పచ్చని తరువే నీవు
అందుకో నీకివే జన్మదిన అభినందనలు..!
శతమాన ఆనందానికి ఎనలేని దీవెనలు..!!

2.       కలుషితముల పాలబడని-సురగంగవే నీవు
అపశ్రుతులే పాడబడని-స్వరగంగవే నీవు
కల్మషాలు లేనేలేవు- కపటాలు అసలే తెలియవు
పవిత్రతకు ప్రతిరూపం కృష్ణ గీతవే నీవు
తిమిరాలను పరిమార్చే పరంజ్యోతివే నీవు
అందుకో నీకివే జన్మదిన అభినందనలు..!
శతమాన ఆనందానికి ఎనలేని దీవెనలు..!!