ఆశలు పూచే పూదోటలలో
తుమ్మెద పాడే ఆ పాటలలో
వినిపించును ఈ రాగం- కనిపించును ఈ భావం
అందాలొలికే విరి తావులలో
తుమ్మెదవాలే పువ్వుల ఎదలో
నినదించును ఈ భావం-కనిపించునులే జీవం
1. పొదల మాటున దాగిఉన్న నిన్ను చూసింది నేనే
ఎడద చాటున దాచుకొంటావనుకున్నానే
నే మొదటవాలింది నీపైనే-మధువు గ్రోలింది ఆపైనే
2. ఇటువంటి మాటలు విన్నవారు మోసపోయారు
అందుకేలే నేను కూడ ఆశ వీడాను
నే పూవుగ మారింది ఈ పూటనే-మొదటవిన్నది నీ పాటనే
3. ఆకతాయి తుమ్మెదనసలే కానునేను
ఎవ్వరు చూడని నిన్ను నేను చూసి వలచాను
రంగులువద్దు-అందం వద్దు-ఆమాటకొస్తే మకరందం వద్దు
4. నిన్ను నమ్మి నీ మాట నమ్మి నీదాననైనాను
నావారనువారందరినీ వీడి నీసొంతమైనాను
నాసొగసులన్నీ నీకోసము-దాచి ఉంచాను మకరందము
5. నేను నీవాడనైతే చాలు-నువ్వు ఊ( అంటె పదివేలు
ఆదర్శనీయము మనబంధము-మనజంట జగతికె ఒక అందము