Wednesday, January 22, 2014


హృదయాన్ని వెలిగించి ఇస్తున్నా హారతి
ప్రియమారగ గైకొనుమా కొండగట్టు మారుతి
లేరయ్యా  వేరేవరూ నినువినా మాకుగతి
కరుణించి మము జేర్చుము కైవల్య పద గతి

1.      1. పిలువగనే బదులిచ్చే-పరమ దయాళువే నీవు
కోరగానే వరమిచ్చే కల్ప వృక్షమే నీవు
సంజీవని గొని తెచ్చిన ప్రాణదాతవే నీవు
సీతమ్మ జాడను తెలిపినా-రామ దూతవేనీవు
లేరయ్యా  వేరేవరరూ నినువినా మాగతి
కరుణించి మము జేర్చు కైవల్య పదగతి

2.      2 గ్రహ పీడలు పరిమార్చగ-అనుగ్రహము కోరుకొంటి
సంకటముల నెడబాపగ-నీవే ఇక శరణంటి
వాక్సుద్ధి నీయమని-వాగధీశ నిను వేడితి
గాత్ర శుద్ధి కలుగజేయ-నీ పదముల తలనిడితి
లేరయ్యా  వేరేవరరూ నినువినా మాగతి
కరుణించి మము జేర్చు కైవల్య పదగతి

3.       3.చాంచల్యము తొలగించు-స్వామీ ఓ జితేంద్రియా
ఆత్మ స్థైర్యమే పెంచు-స్వామి భక్తి పరాయణా
అడుగడుగున మము నడిపే మార్గదర్శి వేనీవు
ఆయురారోగ్యాలను ఇచ్చేటి చిరంజీవుడవు
లేరయ్యా  వేరేవరరూ నినువినా మాగతి
కరుణించి మము జేర్చు కైవల్య పదగతి