ప్రతి సంఘటనకు ప్రతిస్పందించకురా

ప్రతి సంఘటనకు ప్రతిస్పందించకురా
అడుగడుగున ఈ బ్రతుకే నీకొక అశనిపాతంరా

1. కనుమూస్తే నిను కాటేసే విష సర్పాలున్నవిరా
నమ్మించీ నిను వంచించే ఘన తోడేళ్ళున్నవిరా

2. వసంతమన్నది నీతోటకు ఇక రానేరాబోదు
ప్రభాతమెన్నడు నీ వాకిట మరి వెలుగులు తేబోదు

3. దూరపు కొండలు నునుపను సత్యం నమ్ముతు కొనసాగు
భవితవ్యం నీ పాలిటి బంగరు బాతగు నిత్యంనీకు

4. ఆకాశం తను పిడుగుల వర్షం కురిపించనిగాకా
ఆవేశం నిను ఉప్పెనలా మొంచెత్తినను నువు చెదరకిక