ఆ గంగయేల ఆ యమునయేల
ఆ క్రిష్ణ కావేరి వేయేల ఏల
ఓ గోదావరీ! నీకునీవే సరి
మాకై వెలసిన జీవఝరి
1.త్రయంబకాన ఉదయించినావు
నాసికలోనా నడకలు నేర్చావు
మా దక్షిణాన మధుర క్షణాన
తెలుగునేలలొ అడుగెట్టినావు
బాసరలోనా నువు మెట్టినావు
2.మా(ధర్మ)పురికి వడివడిగ అరుదెంచినావు
నరహరిని మనసార యర్చించినావు
పాపాలనెల్లనూ పరిమార్చగా నీవు
పుణ్యతీర్థమై విలసిల్లినావు
3.చిరుజల్లుకే నీవు పరవళ్ళు తొక్కేవు
వరిధాన్యముల బాగ పండించి పెట్టేవు
తెలుగు కర్షకుల హర్షానివే నీవు
దక్షిణాదికే నీవు తలమానికమువు
No comments:
Post a Comment