పండంటి సంసారం ప్రత్యక్షమైన నరకం
ఏమరుపాటుగా చేజారనీకు నేస్తం
పగిలితే అతకదు అద్దం-పదిలంసుమా జీవితం
1. మలుచుకుంటె ప్రతి బ్రతుకు-మణిదీపమై వెలుగు
మనసుంటె ప్రతి మార్గం-చేర్చేనుగా స్వర్గం
పట్టుదలే ఉలిగా చేసి భావి శిలను దిద్దుకో
ఓరిమితో గాలంవేసి ఎద చేపను పట్టుకో
2. నీడ చూసి బెదిరావంటే- వెలుగైనా భయపెడుతుంది
అనుమానం ముదిరిందంటే- అనుబంధం చెడగొడుతుంది
అనురాగపు రాగం పాడితె- నీ గీతం రసగీతం
ఆనందపు గుళికలు వాడితె-నీ రోగం మటుమాయం
No comments:
Post a Comment