జయ బృందా మనోహర శుభ హారతి
జయహే ముకుందా మంగళహారతి
జయ మురళికృష్ణయ్య కర్పూరహారతి
1. అష్టభార్యలను ఇష్టపడి
పరిణయ మాడిన వైనమునేగని
పదహారువేల గోప భామలను
ప్రాణప్రదముగ ప్రేమించావని
ఇచ్చితిమయ్యా మాఆడపడచుని
కళ్యాణమాడగ మాతులసిని
2. ఏటేట జరిపేము మీ కళ్యాణోత్సవం
కమనీయమిది బహు శుభదాయకం
కనులార దర్శించ మది పావనం
మనసార ప్రార్థించ అఘనాశకం
జయహే ముకుందా మంగళహారతి
జయ మురళికృష్ణయ్య కర్పూరహారతి
No comments:
Post a Comment