మా బాబు బంగారు కొండ
మా తండ్రి వజ్రాల కొండ
మముగన్న పగడాల దండ
నీకు పరమాత్ముడే అండదండ

1. నవ్వుతేనే ముత్యాల వాన
ముద్దుమురిపాలె రతనాలకోన
ఆటపాటల్లె వరహాల మూట
నోటి మాటలే తేనేల ఊట

2. నడయాడు నీవేర మానోము పంట
సిరిలొలుకు నువ్వేర మాకలల పంట
నీరాకతోనిండె వెన్నెలే మాఇంట
వెయ్యేళ్ళు వర్ధిల్ల దీవింతునంట

3. ఎక్కెకి నీవెందు కేడ్చేవు నాన్నా
ఊరుకోఊరుకో చిన్నారి కన్నా
వేదనలు బాధలు నీకేలనయ్యా
ఆదమరచి హాయిగ నిదురపోవయ్యా