ఆనందమైతే వేణుగానము
ఆవేదనైతే వాయులీనము
కళ్యాణమైతే మాణిక్యవీణ
కలచెదిరిపోతే సన్నాయి పాట
1. రోదనతో మొదలయ్యేను జీవన సంగీతము
అమ్మలాలి పాటయే అద్భుత సంగీతము
ఆలుమగల కలహాలే సంసారపు సరిగమలు
పసిపాప రువ్వేనవ్వులె ప్రతి ఇంట్లో పదనిసలు
2. కొండవాగు పాడుతుంది గలగలల సరాగము
కోకిలమ్మ పాడుతుంది కుహూకుహూ గీతము
గుండె గుండె నినదిస్తుంది తనకుతానె స్పందిస్తుంది
అలసిసొలసి అంతలోనే మౌనగీతి వినిపిస్తుంది
No comments:
Post a Comment