https://youtu.be/UyZVJSaGU1A?si=yikGn6kkNVebRVTf

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం :ఆనంద భైరవి

ధరలోన  దైవమే మానుష రూపేణా
విశ్వ గురువుగా చూపెను నాపై కరుణా
భగవాన్ విశ్వయోగి విశ్వంజీ ప్రేమాదరణా
అనుభవైక వేద్యమే శిష్య పరమాణువుగా
నను స్వీకరించిన ఆ శుభ తరుణానా

1.కన్నులు చేసెను బోధనలు
నవ్వులు బాపెను వేదనలు
నాలో మొదలాయెను అంతర్మదనలు
మోక్షగామిగా నిరతం నా శోధనలు
అనుభవైక వేద్యమే శిష్య పరమాణువుగా
స్వామి నను స్వీకరించిన ఆ శుభ తరుణానా

2.ఆత్మవిశ్వాసం అంకురించెను
ఆధ్యాత్మిక చింతన చిగురించెను
ఐహిక భావనలే నాలో లోలో అంతరించెను
పులకితమై నా జన్మ తక్షణమే తరించెను
అనుభవైక వేద్యమే శిష్య పరమాణువుగా
నను స్వీకరించిన ఆ శుభ తరుణానా