https://youtu.be/u17z5EXAk-0?si=kG1w34rWpyoV3-m_

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం :రేవగుప్తి

జాగృతమవరా నా కృతి వినరా
మోహనాకృతా మేఘశ్యామ శరీరా
నను నడిపించరా మనోరథ సారథిగా
నను కడతేర్చరా భవజలధి వారధిగా
కృష్ణమ్ వందే జగద్గురుమ్ ll

1.నా కామము సదా నిన్ను కనడమే
నా క్రోధము రాధతో నీవు మనడమే
నా లోభము నిన్ను వదలకుండుటయే
నాకున్న బలము -బంధువు నీవగుటయే
కృష్ణమ్ వందే జగద్గురుమ్ ll

2.నా మోహము ఈ దేహము నీ పొందుకే
నా మదమున్నది వేదికగా నీ చిందుకే
నా మత్సరమదే గోపికగానైనా పుట్టనందుకే
నా మోదము ఎదలో నీ గుడి కట్టినందుకే
కృష్ణమ్ వందే జగద్గురుమ్ ll