https://youtu.be/Euz2OeNkAD8?is=Jomx_2F5y86COnDO

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:భీంపలాస్

ప్రేమికులందరికి సర్వదా ప్రేమే సర్వం
ప్రేమికులరోజుకిప్పుడు సప్తాహ పర్వం
అన్నపానాదులన్నీ విస్మరిస్తూ
నిదురలేని రాత్రులెన్నో గడిపేస్తూ
ప్రియతముల కోసం పలవరిస్తూ
తమదైన ఊహల లోకంలో విహారిస్తూ

1.రోజా పూల రోజుగా ఎంతో మోజుగా తొలిరోజు
   ప్రేమను ప్రతిపాదించేదిగా మరుసటి రోజు
   చాక్లేట్తో తీపి కబురందిస్తూ మూడో రోజు
   ప్రేమకానుకలిచ్చేస్తూ టెడ్డిడేగా నాల్గోరోజు
   పండగ చేసుకుంటారు ప్రణయారాధకులు
   పరవశించిపోతారు ఇలలో  ప్రతి ప్రేమికులు

2.బాసలదివసంగా బంధంముడివేస్తూ ఐదోనాడు
ముద్దు మురిపాలు చిందిస్తూ మురిసేరు ఆరోనాడు
కౌగిలింతల్లో చింతలువీడి కరిగిపోతారు ఏడోనాడు
తోడును వలచి జతగా మలచి ప్రేమను గెలిచేరు
ప్రేమికుల రోజుగా హాయిగా వేడుక చేసుకొంటారు
ప్రేమికులంతా ఫిబ్రవరి పదునాల్గో తేదీ నాడు