లోకంలో ఎంతటి శోకం ఉంది
నా శోకం అది ఎంతటిదీ
లోకుల వేదన చూసిన కొలది
అవేదననే మరచితిని
1. కోటికి ఎవరో సుఖపడతారు-ఎవరైనా సరె దుఃఖిస్తారు
తింటే అరగని దొక శోకం-తిండే దొరకని దొక శోకం
ఇంటింటికీ ఒక ఖేదం ఉంది-నా శోకం అది ఎంతటిది
2. ఇంద్రధనువులే అగుపిస్తాయి-ఎండమావులే ఎదురొస్తాయి
పెదవులవిరియును చిర్నవ్వులు-కన్నుల కురియును అశ్రువులు
సుఖదుఃఖాలకు నిలయం బ్రతుకు-తెలిసీ వగచుట ఎందులకు
3. మండే కొలిమి ప్రతి గుండె-ఎండని కొలను ప్రతి కన్ను
ఎదఎదకూ ఒక వ్యధ ఉంది-ప్రతి వ్యధకూ ఒక కథ ఉంది
ఈ జగమే విషాదమయం-జనజీవనమే దయనీయం