కోకిలకేమెరుకా-వేచెనని తనకై రాచిలుకా
ఒంటరి తానని కంట తడేల నిజము నెరుగదు బేలా
1. కోరిన కొలదీ దూరము పెరిగే
పెరిగిన దూరము ప్రేమను పెంచే
తీరని దాహము ఆరని మోహము
హృదయము దహియించే
2. చిలకా కోకిల జత కుదరనిదని
లోకము ప్రేమని గేలిచేసే-వింతగ చూసే
నవ్వుకొందురు నాకేటి సిగ్గని
చిలుక ఎదిరించే
3. పెదవి విప్పదు ప్రేమని తెలుపదు
మౌనగీతం పాడక మానదు
ఎన్నినాళ్ళో చిలుక నిరీక్షణ
విధికి దయలేదా.... ఓ..