OK

శబరిగిరిని ఒక్కసారి వీడిరారో
నాచిన్న చిన్న చిక్కులన్ని తీర్చిపోరో
ఒక్కగానొక్క నా దిక్కు నీవేరో
చక్కనైన అయ్యప్పా బిరబిర రారో
శరణమయ్య శరణమయ్య శరణ మయ్యప్పా
స్వామి కరుణజూపి కావుమయ్య శరణమయ్యప్పా

1. ఏబ్రాసిగ తిరుగునాకు గురువైనావు
నియమనిష్ఠలన్ని తెలిపి మాలవేసినావు
విఘ్నమొందకుండ దీక్ష సాగించావు
ఎగరేసిన నాశిరమున ఇరుముడినుంచావు

2. బెదరిన నాకెరుమేలిలొ ఎదురొచ్చావు
దారితప్పకుండ నాకు తోడైనావు
వెన్నుతట్టి చేయిపట్టి నడిపించావు
కఠినమైన కరిమలనే ఎక్కించావు

3. పద్దెనిమిది పసిడిమెట్ల నెక్కించావు
కన్నులార నీ మూర్తిని చూపించావు
నేనలసిపోగ అయ్యప్పా ఆతిథ్యమిచ్చావు
మహిమ గల మకరజ్యోతి చూపించావు

4. అప్పుడే నన్నిట్టా మరచిపోతె ఎట్టారా
ననుగన్నతండ్రినీవని- నమ్మితి మనసారా
ఆదరించు మారాజా-పిలిచితి నోరారా
ఆలస్యము జేయక-వేగమె రావేరా