“ఏదో రాయి”
రాయివై పోయినావా
చెలీ పరాయివై పోయినావా
నట్టనడి సంద్రాన నా బ్రతుకు నావా
ముంచేసినావా-నను వంచించినావా
1. సూదంటురాయిలా ఆకట్టుకొన్నావే
గీటురాయి మీద గీసి నాడి పట్టుకొన్నావే
తూనికరాయితొ మనసును సరితూచుకొన్నావే
కలికితురాయిలా సిగ దాల్చుకొన్నావే
నట్టనడి సంద్రాన నా బ్రతుకు నావా
ముంచేసినావా-నను వంచించినావా
2. కొక్కిరాయిదొంగజపం చేస్తావని అనుకోలేదు
కీచురాయిలా కఠోరంగ రొద చేస్తావనుకోలేదు
కల్తీ సారాయిలాగ ముప్పుతెస్తావనుకోలేదు
ప్రేమ పావురాయి గొంతు నులిమేస్తావనుకోలేదు
నట్టనడి సంద్రాన నా బ్రతుకు నావా
ముంచేసినావా-నను వంచించినావా
sandarshakulu
 |
1 comment:
wow....
మీ కవితల్లో పదాలు చాలా ప్రయోగాత్మకంగా ఉంటాయి..
పదాల మీద పదజాలం మీదా మీకు చాలా పట్టుంది....
Post a Comment