ప్రేమ(వ)లయం

ఎనలేని మిన్ను అనురాగం
మనలేని కడలి కడు మోహం
దరిచేరలేని ఆరాటం
నెరవేరలేని బులపాటం

1.కెరటాలు చేసె పోరాటం
ఎగిరేందుకెంత ఉబలాటం
అలరించునంత తామే
అలసె అలలంతలోనే

వగచిందిలే తరంగం
కలచేంత అంతరంగం
అశ్రుధారచేర్చె లవణం
సింధువాయె క్షారక్షీరం

2.రేగింది విరహ తాపం
ఎగసింది నింగి భాష్పం
చుంబించె దివిని మేఘం
తీరంగ నే'మో వి'యోగం

అంబరానికెంతొ హర్షం
కురిసింది ప్రణయ వర్షం
ప్రవహించి వాగునదులై
చేరేను జలధి ఎదలో