కవితా దినోత్సవ శుభాకాంక్షలతో

॥రాఖీ॥కవి సంగమం

కవి సంగమం-హృదయంగమం
బహుముఖ ప్రజ్ఞా పాటవ అపూర్వ మేళనం
కవితలపుల ఉదయించిన కవితల పుట్టిల్లు
భావుకతల చిరుజల్లు..అనుభూతుల హరివిల్లు

1.అక్షర శిల్పులు చెక్కిన రమ్య శిల్పారామం
పదపదమున ఎద కుదిపిన మానవతా ధామం
మల్లెలు మొల్లలు ముళ్ళున్న రోజాలు
పారిజాత మధూ’క ‘ వనాలు...మొగిలి పొదల ప’వనాలు
కవితలపుల ఉదయించిన కవితల పుట్టిల్లు
భావుకతల చిరుజల్లు..అనుభూతుల హరివిల్లు

2.మాటలు తూటాలుగ పేల్చే తుపాకులు
భావాలు బాంబులే సంధిచే శతఘ్నులు
గేయాలు గీతాలు నానీలు ఫెంటోలు హైకూలు
తీరైన కవితారీతులు తీరని కవిత్వ ఆర్తులు
కవితలపుల ఉదయించిన కవితల పుట్టిల్లు
భావుకతల చిరుజల్లు..అనుభూతుల హరివిల్లు

15/10/2017

("కవి సంగమం" ఒక ఫేస్ బుక్ గ్రూపు)