కలనైన కలుసుకుందాము
వెతలన్ని పంచుకుందాము
జతగూడ నోచలేకున్నా
చితిదాక తోడు ఉందాము

1.గతస్మృతులు  నెమరు వేసుకుంటూ
అనుభూతులు కల బోసుకుంటూ
ముడి వడని బంధం మనదన్నా
సంఘమంత చోద్యమనుకున్నా
అనిర్వచనీయమైన అనురాగం ఆలపిద్దాం
అమలినభావుకతతో స్నేహగీతి  వినిపిద్దాం

2.నీ కష్టం నాదిగ తలపోస్తూ
నా వేదన నీదిగ భరియిస్తూ
అవసరాల్లొ ఆసరానందిస్తూ
ఆపదల్లొ ఆదుకొంటుంటూ
నిజమైన మైత్రికి పర్యాయపదమౌదాం
చెలిమి అంటె ఏమిటో లోకానికి నేర్పిద్దాం