https://youtu.be/0956IsRu_6M

మ్రొక్కితి మొక్కులు-కట్టితి ముడుపులు
ఏలరా చుక్కెదురు-నిను వినా దిక్కెవరు
కైలాస వాసా శంభో మహాదేవా
జాగేలరా శివా శరణనంటిని నను బ్రోవ

1.కోడెను కడితె నీవు కొడుకుల కాచేవట
తులాభారమేస్తె మమ్ము చల్లగ చూస్తావట
తలనీలాలిస్తేనూ తరియింప జేస్తావట
అభిషేకిస్తె చాలు అండగ ఉంటావట
వేములవాడవాసా రాజరాజేశ్వరా
జాగేలరా శివా శరణనంటిని నను బ్రోవ

2.పత్రిదళము తలనిడితే పరవశించిపోతావట
తుమ్మిపూల పూజిస్తే తన్మయమొందేవట
ఉపవాసదీక్షకే వశమైపోతావట
శివరాత్రి జాగరణకు కైవల్య మిస్తావట
కాళేశ్వరా హరా ముక్తీశ్వరా భవా
జాగేలరా శివా శరణంటిని నను బ్రోవ