Thursday, December 13, 2018

తరగని గని నీ అందం
ఆమని వని అలరారు చందం
విరిసిన విరి మకరందం
వలపన్నును వలపుల బంధం

1.కోయిల  ఇల గానపు వైనమై
చిలుకల కల తెలిపే చిత్రమై
పురివిప్పిన మయూరి నృత్యమై
కలహంసల కదలికల కల వయారమై
ఎదన దించినావే మదన శరములు
కలను చెలగు మరువని కలవరములు

2.నీ మేను  హరివిల్లుకు ఈర్ష్యగా
నీ హొయలే ఖజురహో మార్గదర్శిగా
నీ కన్నులు వెన్నెల పుట్టిల్లుగా
నీ నవ్వులు ముత్యాల విలాసంగా
ఇంద్రజాలమే చేసి బంధించుతావు
చంద్రతాపమే రేపి పొందీయరావు

No comments: