ఏదో కావాలి ఇంకేదో పొందాలి
తెలియని అది ఏదో తెలుసుకో గలగాలి
తెలుసుకొన్న పిదప మదిసేద తీరాలి

1.తెలుసుకొన్న కొలది
తెలివి పెరుగుతున్నది
తెలివి తెచ్చుకొన్నకొలది
తెలసిందే లేదని తోస్తోంది

2.ఆటలు పాటలు చదువులు
పోటీలు గలాటలు పదవులు
యంత్రాలుగ మార్చుతున్న కొలువులు
ప్రేమలు పెళ్ళిళ్ళు సుడులకు నెలవులు

3.దాహం పెంచుతున్న కోరికలు
మోహం ముంచుతున్న జీవికలు
అహమై చెలరేగుతున్న ఏలికలు
విశ్వరచన ముందు పిపీలికలు

4.అంతర్ముఖంగా చూడాలి
చింతపైన చింతననే వీడాలి
ఎంతమందిలో ఉన్నా ఏకాంతులమవ్వాలి
మన మనముతో మనమెప్పుడు గడపాలి