జాతీయ భావన-ప్రతిపౌరుని ఎదలోనా
ఊపిరులూనాలి-ఉద్వేగం పొంగాలి
మువ్వన్నెల ఝండాను కన్నా-జనగణమన అను గీతం విన్నా
జయహే జయహే- జయ భారత జనని-జయజయజయహే
జయహే జయహే- ప్రియ భారత జనని-జయజయజయహే
1.దేశమే కాదు విశాలమే ప్రజల మనసులు సైతం
హిమాలయాలే కాదు జనుల యోచన కూడా ఉన్నతం
వర్ణాలెన్నున్నా అందమే నింగికి సింగిడి
భిన్నత్వంలో ఏకత్వం అన్నది ఇక్కడి నానుడి
జయహే జయహే- జయ భారత జనని-జయజయజయహే
జయహే జయహే- ప్రియ భారత జనని-జయజయజయహే
2.మేధావులకే ఆలవాలం అనాదిగా వేదాలకు మూలం
జగమంతటికీ అందించెనుగా అద్భుత శాస్త్ర విజ్ఞానం
గుంటనక్కలవైనం మన ఇరుగూ పొరుగుల వ్యవహారం
తొంగిచూసినా సరే తప్పక నేర్పుతాము గుణపాఠం
జయహే జయహే- జయ భారత జనని-జయజయజయహే
జయహే జయహే- ప్రియ భారత జనని-జయజయజయహే
No comments:
Post a Comment