బీడు నేలలో మోడును నేను
తొలకరి జల్లుల పులకరమీవు
వల్లకాడులో బూడిదనేను
మృతినే తరిమే అమృతమీవు
నన్ను చిగురింప జేయవే
నాకు మరుజన్మ నీయవే

1.వసంతాలు  వాకిట్లో ఆటలాడె నాడు
ప్రభాతాలు  చీకట్లకు తావీయలేదపుడు
నరదృష్టే తాకిందో-నా విధి వక్రించిందో
పేకమేడలాగా కూలిపోయె జీవితం
శిథిమైన కోవెలలా మిగిలిపోయె నాగతం

2.అనురాగ చదరంగంలో పావునై పోయాను
చెలి ప్రేమ నాటకంలో అతిథి పాత్రనైనాను
ఎందుకు మురిపించిందో-ఎందుకు వంచించిందో
బిచ్చగాడినైనాను  బ్రతుకు ధారపోసి
పిచ్చివాడినైనాను  భవితను బలిచేసి