https://youtu.be/6TE1VMp-q2Y

ఎందుకు వెళ్ళాలి సాయీ షిరిడీ పురము
దేనికి చూడాలి బాబా నీ మందిరము
మార్చవయ్యా మా గుండె షిరిడీగ
మా మనసే నీ మందిరముగ
తలచినంతనే దర్శనమీయి మాతలపులందున
పిలిచినంతనే నువు బదులీయి ఆపదలందున

1.నువు దైవమని నేను భావించనూ
పూజలు భజనలు నే చేయను
నీ బోధనలే పాటించెదనూ
నీ మార్గములో నే సాగెదను
సాటి మనిషిలో నిను చూసెదను
తోచిన సాయము నే చేసెదను
మానవత్వమె నీ తత్వము
జనుల హితమే నీ మతము

2.నీ హుండీలో వేయను రొక్కము
నీ ముందు వెలిగించనొక దీపము
ఆకలి తీర్చగ జీవుల కొఱకు
రూకలు రెండైన వెచ్చించెదను
దుఃఖము మాన్పగ దీనార్తులకు
చేయూత నందించి ఓదార్చెదను
మానవ సేవే మాధవ సేవ
సంతృప్తి నిచ్చేదె ముక్తికి త్రోవ