అతిలోకసుందరీ గతినీవె సౌందర్యానికి
జగతి నీకు దాసోహం నీ సౌకుమార్యానికీ
మతి భ్రమించి పోయిందేమో ఆబ్రహ్మకు
నీ సృజనచేసి చేతులెత్తినాడమ్మా ఈజన్మకు

1.ముంగురులకు ఎంత తొందరో-చెంపల చుంబనానికై
ముక్కపుడక కేమి ఆత్రమో-తళుక్కున మెరవడానికై
పలువరుస తలపోస్తోంది నగవుల నగ అవడం కొరకై
నొక్కుబడిన చుబుకం సైతం ఉబలాటపడతోంది తను మెప్పుకై
నేరేడు పళ్ళకళ్ళతొ పోటీకి సాధ్యమౌనా అందమైనవెన్నున్నా
కనికట్టు చేసే కళ్ళను దాటగలుగు ధీరులెవ్వరు భూనభోంతరాలలోనా

2నయనభాష నేర్చుకుంటే ప్రబంధాలు తెలిసొచ్చేను
చూపులనే  గ్రోలగలిగితే మధిరలాగ మత్తెక్కేను
అల్లార్పని రెప్పల్లో సందేశాలెన్నెన్నో
ఆసోగ కాటుకలో రవివర్మ చిత్రాలెన్నో
వర్ణించనాతరమా చూపులే ఆపుతుంటే నాకలమును
తప్పుకోనునా వశమా కన్నుల్లో ఖైదుచేస్తే నా బ్రతుకును