అల్లసాని వారిని అర్థిస్తా నేర్పమని
కాళిదాస సత్కవినీ వేడెదను చెప్పమని
శ్రీనాథుని గురువుగా ఎంచెద బోధించమనీ
జయదేవుని ప్రార్థిస్తా ప్రణయ రసమునెరిగించమనీ
నా కావ్య నాయకీ నిను వర్ణించ సాహసించెద
నా స్వప్న సుందరీ నిను  ఆవిష్కరించ బూనెద

1.తనువేమొ మదనుని సదనం
వదనమేమొ అహరహ శరదం
నయనమైతె వికసిత కుముదం
నుదుటవెలుగు సింధూరం
తొలిపొద్దుకు ప్రతిరూపం
దోబూచులాడే ముంగురులు
తేలిపోయే  పయోధరాలు
నా కావ్య నాయకీ నిను వర్ణించ సాహసించెద
నా స్వప్న సుందరీ నిను  ఆవిష్కరించ బూనెద

2.అధరమే చుంబన రంగం
చుబుకమే కౌశిక శకలం
కసిని జాగృత పరచి
ఉసిగొలిపే రసనే అమృతం
మిసమిసల కెంపుల్లా
నిగారింపు చెంపల్లో నవనీతం
నా కావ్య నాయకీ నిను వర్ణించ సాహసించెద
నా స్వప్న సుందరీ నిను  ఆవిష్కరించ బూనెద